مشكلة الريموت كنترول

**grandfox** · 20-04-2013 11:21 PM

السلام علبكم اعضاء المنتدى المحترمين
لسة مشكلة الريموت ملهاش حل مش عايز يشتغل خالص مع انى حاولت اكوده كتير بس مفيش فايدة
حد يعرف حل وانا عربتى ما فيهاش انذار اعمل ايه؟
خايف اركب انذار و اروح عند حد يلعب فى الضفيرة ويبوظ الدنيا
افيدونى اثابكم الله

**ehab_mansour** · 20-04-2013 11:39 PM

احمد بيك منور المنتدي
موضوع الريسيفر ده و مكانه هو المشكلة عايزينك تنزل الحرفيين و تحاول تشتريه عشان تعرف مكانه فين علي الأقل و وقتها هنعرف ازاي نوصله و نختبره شغال ولا لأ
لكن تكويد و ما غير ذلك اعتقد انك جربت و موصلتش لحاجه يبقي اكيد فيه عيب في الريسيفر و مهم نعرف مكانه فين اولا

**abaza2107** · 21-04-2013 03:13 AM

ا/احمد رمضان ازيك ياباشا عامل ايه انا عندي نفس مشكلتك وحاولت كتير في المقابله مع ا/احمد مبارك وبعديها كمان ومفيش فايده وقلت اروح اركب انزار وولف في التوكيل بتاعه عند سوق القنال لقيت الراجل بيقولي انت عربيتك فيها اير باج وممكن وانا بوصل الانزار يحصل حاجه فالضفيره واللمبه تفضل منوره على طول فقلتله يعني ايه قلى ما تخفش عليها من السرقه هيا فيها ايموبلايزر فمش هينفع تدور غير بمفتاحها فاقتنعت شويه واحترمته انوا محبش يفتي ويقولي يابيه وياباشا اعملك الي انت عايزه بس بعديها بكام يوم قولت طيب لو حد لاقدر الله فتح الباب او كسر الازاز فهيا ميته هيا اي نعم مش هتدور بس هتتقلب كل الي فيها وبره مش عارف اعمل ايه وهل فعلا جهاز الأستقبال ورا العدادات وممكن يتصلح او يتغير ولو ينفع بكام اعتقد الي يفدنا في الموضوع ده زي ما قلك كده ا/ ايهاب منصور لو وصلته لمكان جهاز الأستقبال خليه يقيسه بالجهاز العجيب ابو 1000 جـ الي معاه ده
هههههههههههههه وابقا قلي ايه الأخبار ولو وصلت لأي جديد فدني ينوبك ثواب .

**grandfox** · 21-04-2013 08:28 PM

والله يا استاذ احمد لو عرفت اى جديد هبلغك اصل الموضوع ده مضايقنى ومش عارف اعمل فيه ايه

**Ahmed Mubarak** · 22-04-2013 03:39 PM

السلام عليكم

اخى اباظه واخى رمضان

نفس المشكلة الىى بتعانوا منها الان كنت بعانى منها خلال اول شهر او شهرين بعد شراء العربية والحمد لله تم تكويد الريموت مع السنتر والانذار ذى ما شرحت لحضرتكم قبل كدة حاولوا تجربوا تانى وثالث ومليون وان شاء الله هيتكود ويشتغل

**abaza2107** · 22-04-2013 05:03 PM

المشاركة الأصلية كتبت بواسطة ahmed mubarak

السلام عليكم

اخى اباظه واخى رمضان

نفس المشكلة الىى بتعانوا منها الان كنت بعانى منها خلال اول شهر او شهرين بعد شراء العربية والحمد لله تم تكويد الريموت مع السنتر والانذار ذى ما شرحت لحضرتكم قبل كدة حاولوا تجربوا تانى وثالث ومليون وان شاء الله هيتكود ويشتغل

ا/ احمد مبارك انت فين يا راجل غايب من مده وبالرغم من ان الواحد شافك مره واحده بس حسيت اني اعرفك من زمان انا حاولت كذا مره ومش ساكت كل ما بركن في حته بجرب بس خلاص زهقت من كتر التجربه وخايف ان جهاز الأستقبال يكون هوا الي بايظ ومع المحاولات الكتير خايف ان الكونتاكت نفسه يبوظ فمش عارف اعمل ايه هحاول وافضل اجرب وشكرا ليك ياباشا على اهتمامك

**mahmoud ghanem** · 22-04-2013 05:31 PM

المشاركة الأصلية كتبت بواسطة Ahmed Mubarak

السلام عليكم

اخى اباظه واخى رمضان

نفس المشكلة الىى بتعانوا منها الان كنت بعانى منها خلال اول شهر او شهرين بعد شراء العربية والحمد لله تم تكويد الريموت مع السنتر والانذار ذى ما شرحت لحضرتكم قبل كدة حاولوا تجربوا تانى وثالث ومليون وان شاء الله هيتكود ويشتغل

وليك واحشه والله ... يارب يكون المانع خير

المشاركة الأصلية كتبت بواسطة abaza2107

ا/ احمد مبارك انت فين يا راجل غايب من مده وبالرغم من ان الواحد شافك مره واحده بس حسيت اني اعرفك من زمان انا حاولت كذا مره ومش ساكت كل ما بركن في حته بجرب بس خلاص زهقت من كتر التجربه وخايف ان جهاز الأستقبال يكون هوا الي بايظ ومع المحاولات الكتير خايف ان الكونتاكت نفسه يبوظ فمش عارف اعمل ايه هحاول وافضل اجرب وشكرا ليك ياباشا على اهتمامك

ههههههههههه انا معاك والله زيك بالظبط نفس المشكلة وبقيت بخاف على الكونتكت او الفبره بتعته من كثرة التجربة
كفاية 2 مرة فى اليوم تجربة علشان الكونتكت
وربنا يكرم واللى يوصل لنتيجة الاول يقولنا علشان الحالة المعنوية