موقف حصل معايا فعلا وبحكيه للفائدة
موقف حصل معايا فعلا
كنت ماشى فى المنيل عند شارع عبد العزيز ال سعود قبل المغرب والناس رايحة جاية ولقيت مكان فاضى قلت اركن فيه ولسا بركن لقيت واحد جالى وبيقولى انا من المباحث العامة وطلعلى كرنية وقالى لو سمحت انزل الظابط شاور عليك وعاوزك المهم نزلت قالى هات البطاقة بتاعتك قلتله خد بص فيها وبعدين قالى انت وقفت هنا ليه قلت مكان فاضى وبركن قالى هنا حصلت جريمة قتل وانا لازم اخدك للقسم قلتله ليه قالى دى اوامر المهم حسيت انه عاوز فلوس فطلعت 20 جنية بديهالوا قالى عشرين جنية وضحك وقالى دانت هتبات فى القسم النهاردة ومش هتطلع ولو دفعت 500 جنية المهم قلتله ليه قالى لما هنروح هتعرف ولقيته لف الناحية التانية وعاوز يركب معايا ونمشى
فسبحان الله ربنا الهمنى انى ما خلهوش يركب وقفلت الباب وقفلت العربية وقلتله بكل شجاعة انا هاجى معاك
فلقيت مصصمم اننا نروح بالعربية
قلتله لا انا هاجى معاك ونركب البوكس ونروح للقسم
فارتبك
فطلعت ال 20 جنية تانى عشان يحل عن دماغى (كل دا وانا مقتنع انه من المباحث فعلا) فحاول يركب تانى ونمشى بالعربية وانا قفشت وابتديت ازعق وقلتله مش هنمشى بالعربية وخدنى على القسم
من هنا لهنا خد الفلوس وقالى امشى من هنا الدنيا مقلوبة على حادثة القتل دى
المهم مشيت ورحت طالع على القسم على طول وطلبت عمل محضر ضد ضابط المباحث دا لانة مرتشى عشان ابهدلة
قالولى مباحث مين!!!!! فدخلت للمامور بعد ما عملت هيصة وهددت انى هطلع على الوزراة لمكتب الوزير وهعمل بلاغ فى الظابط وفى القسم كمان واتصلت بمالمحامى بتاعى من جوا القسم وحكيتله الموضوع وقالى بهدل الدنيا وانا جايلك فى الطريق المهم دخلونى للمامور وبعدين اتصل بظابط المباحث التابع للقسم وكان برة فى الشارع وقالوا تعالى بسرعة عشان فيه مشكلة من رجالتك والراجل عاوز يطلع على الوزارة لقيت بعد شوية جه بالبوكس وحكيلتلة الموضوع فسالنى ايه مواصفات الراجل وصفتهالة قام مطلع دفتر وقالى كنت فين بالظبطت قلتله المكان بالتحديد فبص فيه وقالى مفيش حد فى المكان دة الان وركب معايا ورحنا المكان وسال البوابين وقلب الدنيا وفى الاخر قالى دا تلاقية واحد عامل كرنية مضروب وورانى كرنيهه طلع فعلا مختلف عن الكرنية التانى وقالى اشرحلى ايه اللى حصل بالظبطت حكيتلة وحكيتلة موضوع اصرارة انى يركب معايه ونروح القسم فقالى احمد ربنا انك مانعته من الركوب وقالى اللى متوقعة انه هيركب جنبك وتمشى شوية وبعدين يثبتك بمطوة فى جنبك وهتلاقى ناس مستنيين قدام هيركبوا معاك بالعافية ويخلوك تطلع فى حتة مقطوعة فى الصحرا وبعدين يقلبوك وياخدوا العربية ويمشو ويرموك فى الصحرا وقال بتحصل كتيير.
تخيلوا دا يحصل فى مكان عام وفى عز النهار وفى وسط البلد.
ومن ساعتها وانا بخاف اصلا اركب حد معايا معرفوش ولو على الطريق السريع وبيشارو لتوصيلة (كنت بعملها كتيير)
انا قلت احكى اللى حصل دا عشان الناس تستفيد وتاخد بالها
تم النقل للاجتماعي
مشرف العــــــــــــــــــــام