عرض للطباعة
انا بفكر اشترى بريليانس FSV كامله اوتوماتيك ايه رأيكم ؟
انا هجيبها قسط يعنى هتدفع 70% من ثمنها
انا كنت بقارن بينها و بين الافيو اوتوماتيك
بس عاوز اعرف هل هتستحمل وهتعيش 4 سنين او اكتر
انا معايا i10 موديل 2009 و الحمد لله مفيش منها مشاكل لحد دلوقتى
هحس بفرق بين الكورى والصينى ؟
ولو في حاجه في حدود 100 الف برده زيرو و تكون اوتوماتيك افضل منها ؟
(ماعدا اللوجان والفيرنا)
اعتقد الصنى والأكسنت هيكونوا احسن منها
بس ممكن تزود حاجات بسيطه
الاخ الكريم السلام عليكم ورحمة الله وبركاته
بالنسبة للاختيار ما بين الصينى والكورى اولا استخير المولى عز وجل حيث ان االله عز وجل خير من يستخار و يستشار
ثانيا ابحث عن :
- الوكيل و ما مدى تعامله مع العملاء
- توافر قطع الغيار خارج التوكيل
- سعر اعادة البيع
- مدى انتشار السيارة
و بعدين الافيو مصرى و ليست كورى
شوف اللوجان و السانديرو الأوتو ، عندك بيرسونا و جين تو أوتو عربيات ممتازة فعلاً (بس هتعلى سيكا صغيرة مش زى الأكسنت حلوة برضه بس هتعلى معاك أكتر)
أخى الكريم
بخصوص السيارة FSV وانا حرد هنا على استفسارك
العربية فعلا كويسه جدا وتعيش معاك 4 سنين وأكتر كمان ان شاء الله
انت بس حافظ عليها زيها زى اى عربيه
طبعا اولا استخير ربنا فى الأول
العربيه اذا قدرت تشترى 1600 حيبقى ممتاز لو مقدرتش 1500 كويسه جدا بردك
العربيه ثبات وشبابيه وواسعه وقطع غيار متوفره خارج التوكيل والعربيه منتشره
اعتقد تقدر تراجع مشاركات الأعضاء فى المنتدى بخصوصها
واى عربيه بشكل عام تحافظ عليها حتعيش معاك ولو هنتها حتهينك للأسف
العربيه فيها كماليات abs,ebd سنسور بارك و جنوط اسبور وتكيف كويس جدا وكاسيت ممتاز وعافشه قويه
اعتقد فيها كماليات مش متوفره فى عربيه بالسعر ده بجانب انك عاوزها اتوماتيك
بخصوص العربيات التانيه كالنيسان عربيه ممتازة واعتقد تقدر تقرأ عنها فى القسم الخاص فيها رغم تحفظى على النيسان صنى 2013 كشكل وخامات واعتقد فى شكاوى منها بس كموتور رااائع.
متنساش استخير ربنا وتوكل على الله
وتحت امرك فى اى استفسار
وعاوز اقولك فى يوم الأربعاء القادم مقابله فى كافتيريا ليموزين فى مدينة نصر الحى العاشر ممكن تحضر المقابلة وتسال الحاضرين وتكون انطباع
بالتوفيق
شاكر ليكم يا جماعة على الرد السريع
شكرا ozy2026 - شكرا zicooo28 - شكرا hamaka - شكرا meshmesh78
بالنسبه لو الواحد على في ميزانية 110 يبقى البروتون بيرسونا او جين تو - او الاوبترا - او الصنى
افضل من ال FSV بس كده هيكون السعر بالقسط زاد اوى :(
لكن لو الميزانية محصورة اقل من 100 الف بيقى مفيش غير FSV او افيو او لوجان (بس انا مش حاببها)
مع انا كنت بفكر في بومه مستعمله او اكسنت
بس طبعا مفيش احسن من الجديد
بالتوفيق يا أخى
وتحت امرك فى اى استفسار