تعرف على جهاز انذار الاكسنت أر بى بالتفصيل :) والمفاجأة الكبرى

**khaabas** · 21-04-2013 09:50 AM

بعد الموضوع الجميل أووووى ده من احد عمالقة هيونداى
http://www.nilemotors.net/Nile/349816-elantra-md-6.html

وبعد سرقة سيارة جيتا 2013 لصديق عزيز جدا علي
وربنا يعوضه خير يارب
وبعد موضوع سرقات السيارات اللى بدأ فى الانتشار بصورة عجيبة
كما لو كان الشعب المصرى كله اصبح خبراء الكترونيات وسيارات
قلت مبدهاش وصرخت بأعلى صوت وقلت
هاتوووووولى انذار
وبعدين صديق كان قاعد بجانبى واقلى أهدي يا حمادة :) ما العربية فيها انذار فافتكرت أن العربية فيها صحيح انذار ( والمفاجاة اللى هتعرفوها نوعة دلوقتى )
فصرخت بأعلى صوتى وقلت
هاتووووووولى جى بى أس
ونفس الصديق الرخم أبن ......... التيت :) قالى بس هتخرج العربية من الضمان يا حمادة
ولكن سكت برهة من الوقت ههههههع وقالى انا عندى الحل

وقلى فى جهاز تجميع مصرى لكن شغال تتقدر تتحكم فى العربية عن طريق موبايلك
وتشغل وتقفل المحرك بيه او من خلال ريموت الجهاز
وتسمع الحرامية لو لا قدر الله سرقوا عربية اى حد :)
و تقدر تكلم الحرامية من خلالة ههههههههع
وطبعا لو أى حد كلم الحرامية أكيد الجملة الشهيرة دى هتتقال ليهم

.................................................. ..........................*

ههههههههههههههع

وفى نفس الوقت توصيله بعيد عن الضفيرة والكنترول وبيركب حنب انذار العربية
يعنى كهربا العربية موش هتطلع من الضمان ( بالنسبة للناس اللى بتفضل تحافظ على ضمان العربية وانا موش منهم طبعا )
وخصائص تانية
المهم روحت للكهربائى وبيفك ويشتغل فقلته شوفلى جهاز الانذار كده
وفجاءة الواد الكهربائى لقيته تنح بعد الفك وعمل كدهو

فقلتوا فيه شي يالحبيب هههههههههههههههههع
ورحت بصيت انا كمان فلقيت نفسي بقيت كدهو

ههههههههع
انذار الاكسنت ار بى تطلع ماركة سباى يا رجالة
ههههههههههههههههههههههههه ههع
وشكرا
وياريت اى حد يعرف خصائص الانذار ده والاستفادة القصوى من خصائصه يشرحوا لينا بالتفصيل

ملحوظة الكلام دى بالنسبة للعربيات المانيوال بفئتيها ( فاضية وكاملة )
اما بداية من الاتوماتيك فيها ايمبوليزر وحركات وياريت التاكد وده من كلام الواد الكهربائى

ملحوظة تانية الناس المعروفة اللى مبتدخلش القسم الا لتشوية عربيات هيونداى اللى تعليقاتهم حتى مبتتغيرش وموش من مالكى السيارة
ويقولك ازاى عربية فوق الميت الف مفيهاش ايمبولايزر ياريت احتفظ برايك لنفسك

وشكرا

لقد خالفت القاعدة رقم (9) بند (أ) من قواعد المنتدى لذا يتوجب حصولك على (وقف لمدة اسبوع).

3 ب
3:40 PM
2013/4/23

**destaroser** · 21-04-2013 10:05 AM

ازاي جيتا ٢٠١٣ اتسرقت مش أنتو قولتو يا جدعان ان العربيه اللي فيها امبوليزر صاحبها ينام ويحط في بطنه بطيخة صيفي ؟!؟؟

**matantawy** · 21-04-2013 10:34 AM

يعنى ال RB طلع فيها immobilizer؟
قعدت اقولك مصدقتش :P
انا خلال الاسبوع ده هعمل تجربة و هى انى هحاول ادورها بمفتاح RB بتاعت واحد صاحبى و ده اللى هيجيب من الاخر !

**khaabas** · 21-04-2013 11:11 AM

المشاركة الأصلية كتبت بواسطة destaroser

ازاي جيتا ٢٠١٣ اتسرقت مش أنتو قولتو يا جدعان ان العربيه اللي فيها امبوليزر صاحبها ينام ويحط في بطنه بطيخة صيفي ؟!؟؟

تثبيت على الطريق :( يا كبير مفيش عربيه محصنة ضد السرقة

**khaabas** · 21-04-2013 11:13 AM

المشاركة الأصلية كتبت بواسطة matantawy

يعنى ال rb طلع فيها immobilizer؟
قعدت اقولك مصدقتش :p
انا خلال الاسبوع ده هعمل تجربة و هى انى هحاول ادورها بمفتاح rb بتاعت واحد صاحبى و ده اللى هيجيب من الاخر !

بس اتأكد برده يا برنس لان ده كلام الكهربائى ويا ريت تبلغنا التجربة

**john55** · 21-04-2013 11:26 AM

انا دخلت علي موقع كونتكت كار وشفت كمليات العربيه لحد الهاي لاين ملقتش فيها ايمو بليزر ممكن حضرتك تكلم غبور وتستعلم منهم وياريت يطلع فيها ايومبليزر وشكرا

**hamaka** · 21-04-2013 11:33 AM

المشاركة الأصلية كتبت بواسطة destaroser

ازاي جيتا ٢٠١٣ اتسرقت مش أنتو قولتو يا جدعان ان العربيه اللي فيها امبوليزر صاحبها ينام ويحط في بطنه بطيخة صيفي ؟!؟؟

بس يا باشا أنا سمعت والله أعلى و أعلم ان فى بعض الحرامية ولاد التييت الله يحرقهم بيقدروا يعدوا الاموبيلايزر مش عارف ازاى ، و الالانترا اللى اتسرقت من قدام كوك دور دى متهيألى فيها اموبيلايزر ، و فى أمريكا و أوروبا سرقة العربيات مجنناهم و 99% من عربياتهم فيها الحاج اموبيلايزر ده ، واضح ان فعلاً مفيش نظام أمنى بلا ثغرات (على رأى د.نبيل فاروق زمان

)

**Walid_M** · 21-04-2013 01:00 PM

المشاركة الأصلية كتبت بواسطة khaabas

الاكسنت ار بى تطلع ماركة سباى يا رجالة

وكيل إنذار سباي في مصر الشركة الدولية للإستيراد والتصدير { غريب }
وهو متعاقد مع غبور على تركيب أجهزة الإنذار لمعظم عربياته من زمان !!!
ودي صورة لطريقة التوصيل ..

تحياتي

**mshmshm3** · 21-04-2013 11:03 PM

الا ربي مفيهاش ايموبلايزر يا اكسلانس
اللي فيها ايموبلايزر النترا اعلي فئة
و فعلا انا ما ادفعش 140 الف او اكتر ف عربية مفيهاش اقل عناصر الامان
لو بصيت للفلوانس فيها ايموبلايزر في كل الفئات و الصني الجديدة
و الكيا ريو فيها ايموبلايزر يا راجل في جميع الفئات
غير كدة جهاز الانذار في الفيرنا لو قفلتها بالريموت و دورتها من غير حتي ما تفتح الباب مش هاتدور
جهاز الانذار في الالنترا الجديدة اللي سعرها قد سعر الفيرنا مرة و نص مفيهوش الميزة دي
العيب مش علي البائع العيب علي اللي بيشتري

**khaabas** · 21-04-2013 11:37 PM

المشاركة الأصلية كتبت بواسطة mshmshm3

الا ربي مفيهاش ايموبلايزر يا اكسلانس
اللي فيها ايموبلايزر النترا اعلي فئة
و فعلا انا ما ادفعش 140 الف او اكتر ف عربية مفيهاش اقل عناصر الامان
هى ايه دى اللى 140
لو بصيت للفلوانس فيها ايموبلايزر في كل الفئات و الصني الجديدة
فلونس ههههههع الصنى الجديدة هههههههههههع
و الكيا ريو فيها ايموبلايزر يا راجل في جميع الفئات
غير كدة جهاز الانذار في الفيرنا لو قفلتها بالريموت و دورتها من غير حتي ما تفتح الباب مش هاتدور
كان معاى فيرنا بس انتا بتتكلم على فيرنا تانية محدش يعرفها ؟؟
جهاز الانذار في الالنترا الجديدة اللي سعرها قد سعر الفيرنا مرة و نص مفيهوش الميزة دي
العيب مش علي البائع العيب علي اللي بيشتري
ولو رجع الزمن بيا هشتريها بردة ان شاء الله :)