الحمد لله - عملت حادثه بفكترا a

بسم الله الرحمن الرحيم,,

النهارده الصبح وانا رايح الشغل فوجئت بعربيه قاطعه الطريق بسرعه من غير ماتبص يمين ولا شمال!! حاولت اضرب فرامل واكسر يمين علشان افادى العربيه بس الحمد لله انها جت على قد كده
http://www6.0zz0.com/2013/04/21/08/763293646.jpg

http://www6.0zz0.com/2013/04/21/08/220149210.jpg


طبعا زى ما انتو شايفين العربيه عايزه اكصدام و رفرف و تقريبا كبوت و فوانيس و شبكه ولسه مش عارف فى ايه فى العفشه!

ياريت لو تفدونى على أسعار الحاجات دى و أعملها عند مين.... اذا كان فى الحرفيين او فى صقر قريش المعادى...

وربنا يسترها عليكم جميعا و ابقو خلو بالكو من الى بيقطعو الطريق.... انا العربيه دى معايا من سنه 2000 تقريبا والحمد لله اول مره اتعرض للموقف ده بس بجد مكننتش متخيل ان صاج العربيه بالقوه دى..... ده العربيه التانيه مبقاش فيها كبوت اساسا!! ربنا يعوض على صاحبتها

حمد الله علي سلامتك والحمد لله بسيطه
هتحتاج رفرف واكصدام بس الكبوت يتسمكر
الشنب هتجيبه استيراد
المساعد واضح في الصوره انه مترحل للخلف او اتعوج
انصحك اشتري الشمعدان كامل وشيك علي المقص
رجاله الفيكترا ايه هتقولك ع الاسعار واماكن الشراء
وحمد الله علي سلامتك مره تانيه ,فداك اي حاجه

اقتباس:

---

المشاركة الأصلية كتبت بواسطة فادى محمد

حمد الله علي سلامتك والحمد لله بسيطه
هتحتاج رفرف واكصدام بس الكبوت يتسمكر
الشنب هتجيبه استيراد
المساعد واضح في الصوره انه مترحل للخلف او اتعوج
انصحك اشتري الشمعدان كامل وشيك علي المقص
رجاله الفيكترا ايه هتقولك ع الاسعار واماكن الشراء
وحمد الله علي سلامتك مره تانيه ,فداك اي حاجه

---

شكرا يا أ/فادى.... والله يسلمك, الواحد بقى بيشوف بلاوى وهو سايق.
بس انت تقصد ايه بالشمعدان ده؟

الحمد لله انك بخير و فداك الفلوس تتعوض

الحمد لله طالما انت كويس فداك اي شي

الحمد لله على سلامتك ، وفعلا الاوبل عربية محترمة ، وربنا يعوضك ويعوض صاحبة العربية التانية

اقتباس:

---

المشاركة الأصلية كتبت بواسطة ashourashour

الحمد لله انك بخير و فداك الفلوس تتعوض

---

الله يكرمك والحمد لله فعلا ان الواحد بخير.... بس كان نفسى افضل سايب العربيه فابريكه من جوا علشان اصلا انا عارضها للبيع!! سبحان الله جالى فيها يوم الجمعه 36 الف و مرتضش ابيع... بس الحمد لله فعلا و ارجع اقولك (لو علمتم الغيب لأخترتم الواقع)

ربنا يستر بس و متفتحش فى الفلوس ولا تنزل من قيمتها جامد

اقتباس:

---

المشاركة الأصلية كتبت بواسطة john55

الحمد لله طالما انت كويس فداك اي شي

---

الحمد لله هو النصيب

اقتباس:

---

المشاركة الأصلية كتبت بواسطة hilal

الحمد لله على سلامتك ، وفعلا الاوبل عربية محترمة ، وربنا يعوضك ويعوض صاحبة العربية التانية

---

الحمد لله على كل شئ.... وبجد الصاج صد وقلل من الخبطه جدا

الحمد لله انك بخير و لازم تعرف كويس انه لا يمنع حذر من قدر

الحمد لله على سلامتك قبل كل شئ .. ومقدور عليها بازن الله .. ربنا يعينك

قدر الله وما شاء فعل و الف حمد الله علي السلامه وفداك ميت عربيه ....... الاوبل مالهاش مثيل في الصاج والحوادث والخبطات وده الي ينفع في مصر ...

قدر الله وما شاء فعل الحمد لله انها جت على اد كده وان شاء الله بسيطه ومش هضيف على الاعضاء الافاضل

شكرا يا جماعه على ردودكم.... بس كنت بسأل أعملها فين و ياترى أسعار الحاجات دى أيه؟

الحمد لله علي سلامتك
وربنا يخلف عليك خير

الحمد لله انك بخير و اللي ديته صاج يتغير

الحمد الله انك بخير ده اهم شئ

حمد لله على سلامتك , و أ/ فادى قالك الخلاصه فعلا الكبوت يتسمكر

حمدلله ع سلامتك يا باشا

الف سلامة عليك
هقولك اسعار تقريبه لاننا للاسف كل يوم باسعار جديدة
رفرف هيكون استيراد فى حدود 150
كبود هبكون استيراد فى حدود 600
الركبة كاملة هتكون استيراد كاملة فى حدود 450 للاثنين " يمين و شمال علشان العربية تكون موزونه من قدام "
اكصدام استيراد هيكون 1000
مقصات الله اعلم بيهم باد اية
المهم ان شاء الله الحكاية تتلم بكل سهوله
من وجه نظرى
التغيير يكون فى اقل التقادير " الكبود ممكن يتعمل - الرفرف يتغير احسن - العفشة تتغير احسن و الاكصدام لو الراجل ينفع يرجع القشرة الخارجية و يثبتها بمسامير برشام يبقى زى الفل لان بصراحة 1000 جنية كتيرة اوى عليه
الفانوس الكورى كان جديد بـ 125 جنية
و باذكرك دة رنج الاسعار ممكن كل حاجة تزيد من 10 : 20 %

قدر الله و ما شاء فعل

اقتباس:

---

المشاركة الأصلية كتبت بواسطة cayman69300

الف سلامة عليك
هقولك اسعار تقريبه لاننا للاسف كل يوم باسعار جديدة
رفرف هيكون استيراد فى حدود 150
كبود هبكون استيراد فى حدود 600
الركبة كاملة هتكون استيراد كاملة فى حدود 450 للاثنين " يمين و شمال علشان العربية تكون موزونه من قدام "
اكصدام استيراد هيكون 1000
مقصات الله اعلم بيهم باد اية
المهم ان شاء الله الحكاية تتلم بكل سهوله
من وجه نظرى
التغيير يكون فى اقل التقادير " الكبود ممكن يتعمل - الرفرف يتغير احسن - العفشة تتغير احسن و الاكصدام لو الراجل ينفع يرجع القشرة الخارجية و يثبتها بمسامير برشام يبقى زى الفل لان بصراحة 1000 جنية كتيرة اوى عليه
الفانوس الكورى كان جديد بـ 125 جنية
و باذكرك دة رنج الاسعار ممكن كل حاجة تزيد من 10 : 20 %

---

شكرا يا باشا

انا وديتها أمبارح لسمكرى فى أخر شارع الجزائر و قالى انه هيرد الرفرف والكبوت والشاسيه بس هيسيبه نضيف من جوه
بس هيحتاج أكصدام جديد و الميكانيكى هيحتاج مقص و فانوس.
دور فى المعادى ملقتش أكصدام جديد كله أستيراد و غالى جدا..... تعرف حد فى الحرفيين يكون عنده جديد تايوانى؟

اقتباس:

---

المشاركة الأصلية كتبت بواسطة mo7eb1

شكرا يا باشا

انا وديتها أمبارح لسمكرى فى أخر شارع الجزائر و قالى انه هيرد الرفرف والكبوت والشاسيه بس هيسيبه نضيف من جوه
بس هيحتاج أكصدام جديد و الميكانيكى هيحتاج مقص و فانوس.
دور فى المعادى ملقتش أكصدام جديد كله أستيراد و غالى جدا..... تعرف حد فى الحرفيين يكون عنده جديد تايوانى؟

---

انا من اسيوط يا عم الحاج - كتر خير الدنيا انى افتكرت الاسعار دى
توكل على الله و اطلع على الحرفيين و شوف الدنيا هناك
و مش هقولك هانى العايدى و الكلام الفاضى دة - هقولك لف لفة و شوف عند الكل و فى الاخر لما تستقر على واحد ارجعله جيب الحاجة بتاعتك
و الله الموفق

حمدلله علي سلامتك وقدر الله وماشاء فعل

الحمد لله على كل شئ و كويس قوى انها جت على قد كده.

أنا نزلت الحرفيين أمبارح و الحمد لله أشتريت الاتى:-

1- أكصدام امامى جديد تايوانى كامل بالفيبر 490 جنيه
2- رفرف أمامى أستيراد 150 جنيه
3- مقص أمامى جديد (الراجل بيقول أمانى بس انا مش مصدق) ب 230 جنيه
4- فانوس depo أمامى 145 جنيه
5- فانوس أشاره هديه

يعنى الحمد لله انها اتلمت على قد كده. بتاع ألف جنيه قطع غيار و ألف جنيه سمكره.... لسه بقى نشوف البويه.

الحمد ... قدر الله و ما شاء فعل

باكو سمكرة كتير على فكرة

كتير انا عارف بس الصراحه مكنش عندى حلول تانيه.... الى كنت هوفره مع صنيعى تاى كنت هدفعه فى الونش.