مشكله فى ماروتى يا ريت تفيدونى وشكرااا

[i]السلام عليكم ورحمة الله وبركاته
انا معايا عربيه ماروتى 98 عامله 43 الف كيلو وحالتها كويسه بس انا بتعبها معايا وبشد بيها جامد وبحرق على النقلات
المشكله بقى انها جت من حوالى كام يوم ولاحظت انها بقت بتقطع فى السيلانسيه وبتاكل بنزين كتيييييييييييييييييير اوى اوى اوى زياده عن الطبيعى بتاعها(شكلها اتحسدت ولا ايه) وكمان السحبه بتاعتها بقت مش حلوه زى الاول وغير كده كمان اول لما ادورها الصبح وهى بارده اول لما ادوس بنزين تروح مبطله على طول وتكرر الحركه دى بتاع 5 او 6 مرات وبعد كده بتشتغل عادى مع العلم انى ظبطت كهربة الموتور اكتر من مره وبرضه مفيش فايده واقولكم برضه انا مش متعود اسخنها بدور واطلع على طوول
اتمنى الافاده وشكرااااااااااااااااااااا

ممكن يكون (بيك) السلانسيه عندك واسع هو اللي يخليها تبطل علشان العربيه بيدخل ليها بنزين كتير ف (تشرق) و دا اللي يزود استهلاك البنزين كمان.
روح فك الكرابيراتير و نضفه و شوف البيكات الواسعه غيرها و لو محتاج طقم صيانه هاته مفيش مشاكل و غير بوجيهات كمان و حافظ علي العربيه العربيات دي عربيات استعمال جوه البلد يعني توديك شغلك و ترجعك و تخرجك بالليل من عير مشاكل مش عربيه جري و شد و تكسير :wink:

إكشف على البوجيهات الاول وغيرها بنوع جيد لو كانت بايظة

لو تغيير الوبجبهات مظبطش العربية اكشف على الكاربوريتور، لك اللى انت بتوصفه دا اعراض بوجيهات

وممكن لو بتقطع منك اثناء السير تكون ابلياتين وكوندنسور

اكشف على البوجيهات وسلوك البوجيهات , شوف ميكانيكى كويس يظبطلك الكاربراتير اذا كنت فتحته قبل كدة.