الموضوع: خنقه الموتور

المشاركة الأصلية كتبت بواسطة warfighter2114

حاضر باشمهندس سيد
عربيتى قرطبه 1994 مسقط موتور ابيزا 1999 1.6i وموتورها كوده alm(multi point injection


وفعلا باشمهندس كريم انا عمل برمجه للكنترول وعملت errors removal ولقيت lambda prop sensor error ومبيتشلش والميكانيكى قالى مواصفات الحساس من 0.00 الى 0.90 ولكن الحساس بيقرأ 1.22v وسالت عليه لقيته ب 150 جنيه

طيب بص يا باشا
اختلفت الاقاويل فى طريقة عمل reset للـ ecu بدون vag-com
بس اكتر طريقة مقنعة هى دى:

1- شيل كابلات البطارية ولمسهم فى بعض (عشان تضيع الشحنات الكهربية المتخزنة وبالتالى تضيع اى حاجة متسجلة فى ذاكرة الـecu)
2- ركب الكابلات تانى وافتح الكونتاكت بدون ما الموتور لمدة 10 ثوانى
3- شغل الموتور لمدة 10 دقائق بدون ما تضغط على دواسة البنزين او تشغل اى انوار او تكييف
4- اطلع جرب العربية وسوق سواقتك العادية

الهدف من الخطوة رقم 2 و 3 و 4 هو انك تعلم الـECU
يعنى متستغربش لو لقيت العربية غريبة لأنها لسه بتتعرف على اجزاء الموتور وحساساتها وعلى طريقة سواقتك
يعنى متحكمش عليها من اول مرة

وفعلا سعر حساس الشكمان عند عدس 150 جنيه
جرب تسأل عليه جديد فى التوكيل

فيه معلومة جامدة جدا انا عرفتها وهى ان حساس شكمان الدايو ماتيز هو نفس حساس عربياتنا
اسأل برده عليه جديد عند بتوع الدايو