بعد صيانة 25 الف فى اوتو ايجيبت استفسارات هامة +بعض الملحوظات على جودة الصيانة
السلام عليكم ورحمة الله وبركاته
اخوانى الافاضل اعضاء منتدى الكرام ليكو وحشة فعلا
امبارح عملت الحمد لله صيانة ال 25 الف كيلو فى اوتو ايجيبت ابو رواش لعربيتى التيدا 2012
من غير فلتر ولا زيت المهم طبعا جيه مهندس الاستقبال المحترم قاللى ان تيل الامامى بحالة سيئة سمكه 3 ملل ويحتاج الى تغيير وان فيه قطع بسيط فى جلب المقاصات وحالتها 40 % قالى ممكن تستنى لصيانة 30 الف وتغيرها
المهم انا مكنتش عامل حسابى على حوار ده لان صيانة 20 الف كان تيل حالته ممتازه فقولتلوهم احجز معاد تانى واجى اركب الحجات دى المهم مهندس بيقولى انهم مش بيغيرو جلب المقصات هما بيغيرو المقص كامل وده تكلفتو 650 جنيه طبعا فى اتنين يعنى 1300 جنيه من غير مصنعية ولا ضرايب و لما سالتوا عن حاله المقصات قالى كويسة ومفهاش مشكلة
فدلوقتى انا عايز اشترى جلب بس واركبها سالت فى كذا موزع معتمد لقيت التايوانى بس ومش لاقى يبانى فهل ده ممكن ياثر على حاجة بالسلب عى المقصات او العفشة ؟
سالت فى الاهرام موزع معتمد عن موضوع الجلب لقيت عنده الامريكى واستغربت لان سعره اقل من التيوانى حد عنده فكره عن حوار ده؟
ولو اشتريته من بره ممكن اركبو فى التوكيل ولا مش هيرضوا ولو لا هل فى مكان كويس ميكانيكى شاطر يركبهولوى ؟
ولو عملت التركيب بره التوكيل العربية تطلع بره الضمان ؟
عندى اوكرة باب السواق حته الكروم الفضى وقعت :untitled: طبعا محدش يقولى ازاى طلبتها
طلعت مش موجودة فى المصنع هل ممكن اطلبها من نيسان الام واتحمل تكلفة شحنها عن طريق بارت نمبر ؟ ولو موضوع ده صعب هل فى حد استيراد نيسان تيدا تعرفوه لان مسئول عن قطع غيار بيقولى لو هنطلبها هتيجى بعد 5 شهوور
اما ملحوظاتى على موضوع الصيانة
يوم سبت كان زحمة جدا جدا فى اوتو ايجيبت والعربية اتاخرت جوه لاكتر من ساعة ونص بدون اى داع الصيانة فى مركزبدات تفتقد عنصر الجودة معرفش ليه يعنى من كتر الضغط ممكن تلاقى العربية
طالعة بنفس المشاكل وممكن تيجى الصيانة اللى بعده يحملك انت مسئولية المشكلة ويقولك دى بره الضمان ده عيب مستخد عاما انا هعمل تقرير وانطباعى فى صيانة هناك و هوضح فيه كلامى
انتظرو تقريرى صيانة ال 25 الف
وتقبلو تحيايتى
