امبارح كنت ماشى فى طريق اكتوبر بليل ولقيت مطب فجاة قدامى ملحقتش اهدى قوى طبعا والمهم اكلته وكملت عادى.
كنت عايز اعرف ايه تاثيره على العفشة او اى حاجة تانية
ارجو الافادة وشكرا للاخوة الافاضل
عرض للطباعة
امبارح كنت ماشى فى طريق اكتوبر بليل ولقيت مطب فجاة قدامى ملحقتش اهدى قوى طبعا والمهم اكلته وكملت عادى.
كنت عايز اعرف ايه تاثيره على العفشة او اى حاجة تانية
ارجو الافادة وشكرا للاخوة الافاضل
بداية حمدا لله علي السلامة
أهم حاجة تتأكد من التالي :
- مستوي كل السوائل في العربية (زيت محرك - مياه تبريد) و أنه لايوجد أي تسريب
- فحص الاطارات و الجنوط
- التأكد من ثبات العربية و أتزانها أثناء السير (مش بتحدف أو مافيش رفة أو غربلة في الطارة)
- مافيش صوت غير طبيعي في الموتور أو أهتزازات زائدة أثناء تشغيله
و أن شاء الله سليمة
للاطمئنان وسلامة الأرواح و سلامة السيارة، يفضل انك تروح تكشف عليها و تراجع الترصيص والزوايا...
يفضل انك تروح لمكان محترم تظبط زوايا و ترصص عنده برضه و يبصلك علي العافشة كلها و يربطهالك.
و قدر الله و ما شاء فعل.
بتختلف من عربية للتانية
العربيات اللى مش مجنطة واللى راكبلها طاسات مقاس قليل 15 مثلا !! دي اقل عربيات بتتاثر بالمطبات
العربيات الناعمة عموما برضوا من العربيات اللى بتتاثر بالمطبات بشكل خفيف
اما العربيات الناشفة واللى مركبين جنوط كبيرة دي بتزعل جامد من الحفر والمطبات !! ؟
الى غير ان عدد الافراد والحمولة في العربية برضوا بتفرق !! ؟
كمان حجم المطب ذات نفسه وياترى لما خدته كنت دايس فرامل ولا سبت العربية !! ؟ لما نزلت من على المطب حسيت ان العربية اتهبدت جامد ولا اكن ماحصلش حاجة !! ؟
مرة من حوالي تلت سنين تقريبا لبست انا وواحد زميلي مطب على المحور (انا بالياريس وهو سبيرانزا 516)
على سرعة 120 تقريبا كنا جمب بعض ولبسناه !!! كان ورانا واحد صاحبنا تاني ب e60
قالنا الاسبيرانزا نزلت من على المطب اتبهدت في الارض جامد لدرجة ان طلع شرارة من تحت العربية !! ؟ وطبعا زمايلي في الاسبيرانزا قالولي احنا اتبهدنا جامد جدا جدا ومش عارف العربية جابت ايه في العفشة بعدها !!!
بالنسبة ليا الحمد لله طلعت من على المطب نزلت تاني اكني لبست مطب هوا خفيف كدة ولا اكن حاجة حصلت وكملت طريقي عادي
-- فعشان كدة هي بتختلف من عربية للتانية
عموما الالنترا من العربيات اللى عفشتها ناعمة اتوقع ان شاء الله ماحصلش عند حضرتك حاجة
لكن مافيش مانع انك تروح تكشف على العفشة عشان تتطمن
بالاضافة لكل اللى فات اوعى تاخد مطب وانتا دايس فرامل هدى على قد ما تقدر قبل المطب وسيب العربية وانتا بتاكل المطب
دى نصيحة من مطبجى قديم هههههههههههههههع
والحمد لله طالما انتا موش حاسس ان فيه حاجات اتغيرت بعد المطب خير ان شاء الله
متشكر جدا لحضراتكم
انا فعلا شيكت على السوائل وبصيت على المساعدين والكاوتش والجنوط ( مش سبور )
والعربية الحمدلله مش بتحدف ( انا مش حاسس باى تغيير )
لكن انا كنت عايز اعرف ايه اللى ممكن يكون اتاثر ويظهر بعد كدة
حصل معايا وانا راجع من الصعيد الطريق الشرقي بتاع الجيش مثلث نهايه طريق يمين
وكوبري شمال مفيش اتجاه غيره
فوق كوبري والدنيا ليل والاقي مطب امامي
هوب امسك فرامل وبعدين البس يا معلم
اللي غايظني انه فوق كوبري وبعد ما سبت فرامل الاقي المطب التاني
حسبنا الله ونعم الوكيل في الاستهتار
انا اللى غايظنى ان الطريق دة بمشى فيه كتير وحافظه لكن المطب دة جديد ومفيش اى علامة ولا حتى عامود نور انا مش فاهم بينتقموا مننا كدة ليه - يعنى حتى لو شوفتو هتلاقيه حاطتتلك واحد تانى فى حتة مش باينة عشان تاخده
هو ايه اللي ممكن يحصل لو أخدت مطب وانا دايس فرامل ؟؟
]ده شهادة جودة لعفشة الالنترا
الحق لازم يتقال
لسه واكل انا وواحد صحبي مطب علي نفس السرعه تقريبا
كنا مشيين في طريق حفظينه 6 سنين مشي علي الطريق دا ويمكن ازيد
ولسه بقوله افتح النور انا فاكر ان في مطب هنا وطاخ
ضحكنا ضحك
الوصف الي انت بتقوله عن المطب تقريبا انا لبست هو هو. وانت راجع من ميدان جهينه اتجاه المحور. قصاد محطة موبيل كده صح ؟
لو هو يبقى انا كمان لبسته في رمضان الي فات على سرعة 140 :(
لا دة بعد البوابة الرابعة هضبة الاهرام اتجاه دريم بارك
وانا عارف المطب التانى اللى حضرتك بتقول عليه بس الحمدلله لحقته قبل كدة
يارجالة الموضوع دة حصل معايا في الالنترا الجديدة وكنت بزف عريس صديقي وعروسته وجاي من طريق الكريمات والكارثة اني كنت بجري على 140 (اول مرة في حياتي اجيب 140 وأخر مرة ان شاء الله)ولبست حته مطب جاااااااااااااااااااااااا ااامد عاملينة اساسا للنقل (وهوووووووب لقيت العروسة لزقت في السقف ونزلت (مغمن عليا مغمن عليا )اغمى عليها قلت بس ليلية صديقي باااااااااااااااااااااظت وهيلبسها فيا انا وهيقولي البنت اتخضت وباظت ليلية الدخلة وحللي على ما تفك من الخضة تخدلك اسبوع (والخسائر حكة في الاكصدام من تحت وقدر الله وما شاء فعل اكتشفتها بعد ما الليلة عدت )وكملت الطريق والعريس عمال يفوق في عروستة وانا والله فطسان على نفسي من الضحك وكل شوية يقولي محمود ممعكش شوية سكر نفوقها (وانا من غضبي قلتلو هو انا زافف نملة شوية سكر اية في ام الصحرة دي وستر ربنا ان الرجل كمل دخلتة تمااااااااااااااااااااااا اااااااااااام وقلت علية العوض في الاكصدام والعربية كانت عاملة حوالي 5000 كيلو وبعديها حلفت 100 يمين ما انا زافف حد تااااااااااااااااااااني خالص
متقلقشى يا باشا
الالنترا معايا من 2007 وهى حماله أسيه
هو العيب فى ولاد التييييييييت اللى بيعملو المطبات بدون أى علامات الله لا يسامحهم
روح لمركز ظبط زوايا لو فى حاجة اتنت (مقص ولا مساعد او بيض باظ) هيبان على الجهاز علطول
اتاكد ان كرتيرة الزيت سليمة والفتيس كمان اكشف علية
شوف تنك البنزين من تحت ممكن يكون فية ضرر
ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هه ينهر ابيض حرام عليك انا مت من الضحك والشاى كله اتقلب ع اللاب ههههههههههههههههههههههههه ههههههههههههههههههههههههه ههه
اووووووووووووووووووعى تكرررها تاااااااااااااااااااانى
خدو بقا الحتة التقيلة
في نفس الفرح دة والله وانا جايب العروسة من الكوافير ورايحة بيتها علشان العريس يكتب الكتاب وانا في العربية والعروسة نزلت علشان تدخل بيتها مستنية العريس لما يكتب وييجي ياخذها على بيته وعمن االعريس نزل راح المسجد اهو يصلي المغرب ويكتب كتابة وانا نزلت العروسة وخارج من الشارع راجع بضهر العربية علشان اقف على الطريق وهوووووووووووووووب لقيت قطيع من المعيز والخرفان هاااااااجم على العربية وهات يا اااااااااااااااكل في الورد البلدي اللي كنت مزين بية العربية (200) جنية يا مؤمنين يا موحدين كنت موجب بيهم لصحبي ورد بلدي مزين بية العربية بقت مش عارف اقلع البدلة واجري ورا المعيز والا اهشهم طب وبرستيجي والبدلة والحركات ابص حواليا علشان حد ينقذني مفيش من طوفان المعيز الجعاااااااااانة طب اعمل اية قلت والله لا يمكن تعبي والواجب يروحو كدة على المعيز زعقت لصاحبهم وهو جاي يتمختر على اقل من مهلة ويقولي معلش يا باشا ده مكلوش الا ورديتين قلتلة حرام عليك ورديتين بس دة غير العفرة والتراب واللذي منه
والله فعلا كان يوم غرررررررررررررررريب اول مرة في حياتي ازف حد وآآآآآآآآآخر مرة ان شاء الله
اكلان المطب ملوش علاقة بترصيص العربية لكن بيعمل مشاكل فى زوايا العربية والعفشة ممكن يقدم او ياخر العجلة كده يعنى