السيارة الخاصة بسيدة الغناء العربى كوكب الشرق / أم كلثوم

**hossam_elwani** · 21-04-2013 05:37 PM

هذه هي السيارة الخاصة بسيدة الغناء العربى كوكب الشرق / أم كلثوم وهي ماركة "كاديلاك" ملقاة خلف مبنى دار القضاء العالى وسط كوم للقمامة وعلى بعد أمتار منها سيارة الفنان الراحل عبد السلام النابلسى وهي ماركة "أودى" موديل الخمسينيات، وسيارة المطرب الشعبى محمد عبد المطلب ماركة "تاونس

على فكره عربيه ام كلثوم كان فيها ازاز اوتوماتيك وكراسى كهربا وتكييف وفتيسها اوتوماتيك فى الطاره و موديل خمسينات !!!!!!!!!!!

**ahmedb1** · 21-04-2013 07:45 PM

المفروض العربيات دي تتحنط عشان متحللش في مصر

**aboomar22** · 21-04-2013 07:56 PM

معلش ياباشا سؤال كده مش تشكيك فى المعلومة ولا حاجة حضرتك عرفت منين ان دى عربية ام كلثوم

**Land_Cruiser** · 21-04-2013 07:58 PM

فعلا حاجه تحزن .. قيمه السيارات دي من قيمه أصحابها و اللي اكيد ما ينفعش ده يبقي قيمتهم ابدا. في اليابان عاملين تمثال لكلب مات حزنا علي صاحبه كرمز للوفاء و عندنا وفاءنا للراحلين دول برمي مقتنياتهم في القمامه :(
كان ممكن العربيات دي بتعملها متحف او يبيعوها حتي لحد من الخليج او من اي حته في العالم يحافظ عليها بدل الحاله دي و مش معقول يعني عليها ورثه من ٣٠ سنه

**hossam_elwani** · 21-04-2013 08:03 PM

المشاركة الأصلية كتبت بواسطة aboomar22

معلش ياباشا سؤال كده مش تشكيك فى المعلومة ولا حاجة حضرتك عرفت منين ان دى عربية ام كلثوم

من خلال مواقع كتير بتأكد الكلام ده والله اعلم

**ahmedazabreno** · 21-04-2013 08:14 PM

حرام العربية دى يحصل فيها كدة

**abogogo** · 21-04-2013 09:16 PM

العربيات دي ملك أحمد بطاح بتاع قطع غيار واكسسوارات العربيات اللى في التوفيقية والعربيات دي مركونة في ساحة الانتظار اللى امام دار القضاء العالي وكان راكن امام محل من محلاته عربية سيتروين قديمة زي دي

وعربية كابروليه بيضاء ايضاً سيتروين موديلات عتيقه
بالمناسبة بعيد عن الموضوع عائلة بطاح هما اللى مسيطرين على سوق التوفيقية لإكسسوارات السيارات عندهم في العائلة عائلة بطاح واحد بلطجي بيلم ايتاوه ( فِرده ) من البياعيين اللى فارشين في شارع 26 يوليو وطلعت حرب والتوفيقية بيلم في اليوم حوالي 11000 جنيه ...!!! عمل خناقة مع بياعيين من اللى بيفرشوا في الشارع من بلد الطوابيه بأسيوط فضربوا عليه نار في شارع 26 يوليو وجاتله طلقة في ظهره في العمود الفقري رقدته سافر فرنسا يتعالج مات هناك الكلام ده من حوالي شهر ...!!! هبقى اعدي على العربيات دي اصورها لو لقتها موجودة عشان انا كنت بشوفها من فترة لما كنت بركن هناك معرفش لسه موجوده ولا لاء لأنه هو كان شايلها من الشارع من مكانها اللى في الصورة دخلها جوه ساحة الانتظار .... تحياتي

**medo111** · 21-04-2013 09:24 PM

والدتي كانت ديما تقولي ان لما كانو بيهدو الفيلا بتاعت ام كلثوم واحد اجنبيه خادت بلاطه احتفظت بيها وكانت فرحانه جدا ان معاها حاجه من بتاعت ام كلثوم وعلي فكرا يا جماعه العربيات القديمه ددي بتتباع غاليه جدا

**youssef_u** · 21-04-2013 09:42 PM

فيها كاسيت يا ترا

**_hema** · 21-04-2013 09:57 PM

يااااااااااااااااااه

عليــــــــــــــك

يـازمـــــــــــن

بدمعه الآه بتودع الحبايب

وبدمعه الآه بتفتكر اللى كـان

رحم الله تعالى رموز الفن الجميل

ايام الزمـــــــن الجميـــــــــــــل