الموضوع: تقرير السمكرة والرش بعد الحادثة ...

بسم الله الرحمن الرحيم

فقد تم في مشاركة سابقة توضيح أني عملت حادثة بالسيارة أكسنت 2010

وهاهو التقرير بعد انهاء الإصلاحات اللازمة::

- تم استشارة السمكري ما العمل، فقرر إنه سيلزم شراء اكصدام ورفرف شمال أمامي جديد.
- تم شراء رفرف شمال أمامي (165 جنيه) صناعة تايواني، الأصلي ماكانش موجود ولكن كان ممكن احضاره بـ 400 جنيه وطبعا صناعته كوري، وتم أيضا شراء اكصدام تايواني وهو صراحة خامته كويسه وسعره (225 جنيه)، والأصلي بـ 700 ولم يكن موجود.
- تم تركيبهم عند السمكري بعد التأكد أنه لا يوجد مشاكل في دواخل السيارة نهائيا، (أجرة السمكري 80 جنيه).
- تم عمل رش للأجزاء الجديدة على النحو التالي::
- أول يوم عمل بطانة للجزئين الجدد (50 جنيه خامات ولوازم رش)
- ثاني يوم شراء الرش بنفس رقم اللون من على قائم السيارةوالرش فعلا، طبعا دي رشها لون ميتاليك (110 جنيه خامات ولوازم رش)
- ثالث يوم عمل تلميع للسيارة بالصاروخ والملمع حتى يكون الرش ولون السيارة على نفس درجة اللمعان مع إخفاء كافة خربوش من جسم السيارة بالتطعيم بالقطنة، وأيضا اخفاءكل آثار الرش (120 جنيه)

أجرة الرش للجزئين وجزء بسيط في العتب (170 جنيه).

الحصيلة الكلية للتكاليف (920 جنية) والحمد لله رب العالمين على كده.

ومانجيلكوش في حاجة وحشة