مبروك لمن سرقت عربيته؟؟؟؟

**al_qassam2003** · 21-04-2013 07:57 PM

‫الشرطة تقتحم أكبر وكر لسرقة السيارات ابحث عن سيارتك المسروقة‬&lrm; - YouTube

**kimocyc** · 21-04-2013 08:44 PM

ربنا يرد ضالة كل شخص.. اللهم آمين

**abogogo** · 21-04-2013 09:22 PM

عقبال لما يعرفوا يخشوا الجعافرة وكوم السمن ونوى مثلث الرعب في القليوبية فيهم اكثر من وكر متخزنة فيه عربيات كتيرة مسروقة
ملحوظة المكان اللى في الفيديو ده هو المكان اللى دخلناه في سيدي كرير لما جبنا عربية خالى المسروقة ...!!!
http://www.nilemotors.net/Nile/348291-a.html

**maskeen** · 21-04-2013 10:10 PM

والله يابو جوجو اول ما شفت الخبر افتكرتك...

بس ده معناه ان الداخليه ابتدأت تشتغل وتخش فى الغميق فعلا

ويارب ترجع لكل واحد ضالته

**شاهين - بنز** · 21-04-2013 10:21 PM

الخبر على قد مابسطني على قد ماغاظني
طب يكملوا بقى بقيت شغلهم ويطبوا على بقيت الأوكار على مستوى الجمهورية هما عارفين كل الأماكن مستنيين إيه مش فاهم
وبجد خلاص أنها كرهت الكوري يحرق العربيات الكوري كلها إيه مش عارفين يعملوا فيها أي أمان
يبقى الراجل دافع دم قلبه ويصحى تاني يوم ميلاقيش العربية وكل ذنبه إن إشترى عربية كوري

**abogogo** · 21-04-2013 10:36 PM

المشاركة الأصلية كتبت بواسطة maskeen

والله يابو جوجو اول ما شفت الخبر افتكرتك...

بس ده معناه ان الداخليه ابتدأت تشتغل وتخش فى الغميق فعلا

ويارب ترجع لكل واحد ضالته

يا مسهل بس انا اللى كان مضايقني البرود اللى اتقابلنا به في القسم على الرغم اننا معنا واسطة محترمة كان متابعنا بالتليفون لما كنا في قسم الدخيله في الاسكندرية واللى يعرف قسم الدخيلة من ابناء الاسكندرية هيعرف ان امامه معسكر امن مركزي هو اللى كان طالعه منه عربيات الشرطة والقوات الخاصة في الفيديو اللى في الموضوع فوق ..... والمكان ده اللى كانوا بيجروا منه العربيات المسروقة هو اللى كنا فيه في سيدي كرير وجبنا منه العربية والوسيط اللى كان معانا قالنا ان الناس دي عندهم مكان فيه اكثر من كذا عربية مخبيين فيه العربيات دي ممكن يكون هو المكان اللى اقتحمته الشرطة ..... للمعلوميه ان اللي وراء الهجمه العنترية دي على الوكر ده صاحب العربية الجيب الشيروكي اللى في الفيديو عضمه كبيرة فكان لازم يعملوا كده بس خلاص ...!!!

وعلى العموم هما يورونا همتهم فيه كام وكر في الجعافرة وكوم السمن غالبية العربيات اللى مسروقة من الدائري والقاهرة والجيزة والقليوبية هتكون هناك ربنا يعينهم ويعرفوا يطهروه ... تحياتي

**S O P H O S** · 22-04-2013 03:53 AM

لو الامن رجع هيكون افضل
لانه هيققل السرقة الاول بنسبة كبيرة
يبقي حلينا الموضوع قبل حدوثه
مجرد رأي .

**Hossam_hassan4** · 22-04-2013 04:17 AM

الداخليه لما بتحب تشتغل بتشتغل ! فاكر من 4 5 سنين الداخليه عمله حمله علي الباطنيه و الجزيره و الجياره و كام مكان كده مخلتش سجاره حشيش في البلد

**ahmed-moga** · 22-04-2013 06:02 AM

المشاركة الأصلية كتبت بواسطة abogogo

عقبال لما يعرفوا يخشوا الجعافرة وكوم السمن ونوى مثلث الرعب في القليوبية فيهم اكثر من وكر متخزنة فيه عربيات كتيرة مسروقة
ملحوظة المكان اللى في الفيديو ده هو المكان اللى دخلناه في سيدي كرير لما جبنا عربية خالى المسروقة ...!!!
http://www.nilemotors.net/Nile/348291-a.html

يارب ياابو جوجو دول بيطلعوا يثبتوا ويسرقوا اكنهم طالعين يجيبوا علبة سجاير وراجعين وأكتر وقت لحظته انهم بيثبتوا فيه من الساعه 12 لحد الساعه 6.30 الصبح بقالي اسبوع متواصل اسمع ضرب نار وآلي في الوقت ده وبعد كده اعرف انهم ثبتوا عربيه نفسي صاروخ ينزل علي المناطق دية يبيد البلطجيه والحراميه وقطاع الطريق اللي فيهم عن بكرة ابيهم بفكر انزل بعربيتي الجديده دية

وانزل ابيدهم ايه رآيك ههههههههههه