غبور العبور والتامين .. مناقشة

**Eng_Designer** · 21-04-2013 09:06 PM

بصراحه يا شباب انا كرهت غبور مع انى لسه جديدرحت غبور العبور وكان فاضي جدا الهياكل والصيانة وقلت ان شاء الله تصليح العربية مش هياخد يوم او يومين بالكتير والمعاملة هناك تمام ومش عارف ليه حاسس مجرد ما امشي من التوكيل واتابع تليفونات بحس ان المعاملة بتتغير
المفروض الخبطة بسيطه لو عملتها برا هتخلص ف 300 ج 500 ج يوم ما تتنطط بس قلت لا العربية لسه زيرو
المهم رحت يوم 15 وسلمتلهم العربية وتاني يوم التامين نفض وثالت يوم نفض ورابع يوم راح هناك واتناقش طيب اقولهم الاسعار خلصت ع كام يقولولى كلم التوكيل واعرف اكلم التوكيل والراجل اللى متابع معاه كان اجازة برغم ان كلمت الرئيسى وقالي انه شغال 24 ساعة اكلم التوكيل نفسه يقوللي منعرفش حاجه عن قسم الهياكل استنيت وكلمتهم تانى لقيت واحده قالتلي العربية هتستلمها يوم 2/5 يعنى بعد 17 يوم تقريبا !!!!!!!
كلمت الراجل تانى اللى متابع معاه يقولي خدمة العملاء هتكلمك اخر اليوم وادي يوم عدي ومفيش حد اتكلم

والتامين دلوقتى مطلعلي ف بند بيقولي لو اللى كان سايق او قدم اخطار الحادثة ف التاميناقل من 21 سنة ممكن تشيل ربع او نص التكلفة واقوله العربية اصلا كانت واقفه يقولي ديه الشروط (المجموعة العربية للتامين amig) واصلا الشيك مش هيطلع الا بعد 3 اسابيع من اول ما اسلملهم لفواتير
فرايكم ايه ف لقصة دي ؟

ولو فيه حد ليه معرفة ف غبور العبور ممكن ينجز موضوع العربية؟ او اكلم توكيل تانى ؟
ونظام المراكز المعتمدة من غبور بيبقى نفس النظام ف التصليح ؟ واسعار قطع الغيار والمصنعية نفس التوكيل ولا بتفرق ؟ بتنصحوا بايه عموما ؟
وبردو موضوع الشرط بتاع التامين ده قصته ايه والمشكلة بيقولي الكلام ده مش هتعرفه الا لما تسدد الفواتير بنفسك ! والتامين يراجع المحضر بتاع الشرطة والاخطار

**AlGazar2** · 21-04-2013 09:37 PM

الى اعرفه عن غبور انه بيهبر من كل حته

و مش فاهم نقطه ان الى سايق اقل من 21 دى + ان الحوادث البسيطة اصلا مبيتعملهاش محضر يعنى

كلم حماية المستهلك و شوف الموضوع معاهم هتلاقى هبور اتعدل و شركه التأمين اتلمت شويه

+ ان 17 يوم فى حادثه بسيطة كتيره جدا جدا جدا جدا دى اى سمكرى نص لبه يعملها فى ساعتين تلاته يعنى

**Eng_Designer** · 21-04-2013 09:40 PM

المشاركة الأصلية كتبت بواسطة algazar2

الى اعرفه عن غبور انه بيهبر من كل حته

و مش فاهم نقطه ان الى سايق اقل من 21 دى + ان الحوادث البسيطة اصلا مبيتعملهاش محضر يعنى

كلم حماية المستهلك و شوف الموضوع معاهم هتلاقى هبور اتعدل و شركه التأمين اتلمت شويه

+ ان 17 يوم فى حادثه بسيطة كتيره جدا جدا جدا جدا دى اى سمكرى نص لبه يعملها فى ساعتين تلاته يعنى

حاجه تحرق الدم
اقل من 21 سنة والمحضر اتعمل ف 5 دقايق وطلبوه عشان لو التكلفة اكتر من 5000 وقلت اريح دماغى واعمله عشان حجج التامين

**khaledccie** · 21-04-2013 09:57 PM

من خلال تجربة سابقة معاهم دية المواعيد الطبيعية عندهم
لو هتركب رفرف بس من غير اى سمكرة يعنى فك وركب علطول هيقولك اسبوع ويبقى عمل معاك واجب
ويقولك مفيش صنايعية وكلام كتير

انا معنديش فكرة عن حوار التامين بس المهم قول لهم ورونى الشرط دة في الوثيقة بتاع التامين

**khaabas** · 21-04-2013 10:10 PM

يا باشا كنت عملتها بره ارخص واحسن واشتريت دماغك من العطلة توكيل ايه بس يا كبير

**Eng_Designer** · 21-04-2013 10:41 PM

المشاركة الأصلية كتبت بواسطة khaledccie

من خلال تجربة سابقة معاهم دية المواعيد الطبيعية عندهم
لو هتركب رفرف بس من غير اى سمكرة يعنى فك وركب علطول هيقولك اسبوع ويبقى عمل معاك واجب
ويقولك مفيش صنايعية وكلام كتير

انا معنديش فكرة عن حوار التامين بس المهم قول لهم ورونى الشرط دة في الوثيقة بتاع التامين

ده تهريج اصلا ليه الفترة ديه كلها ده التوكيل كله فاضي وقلت اخري يوم او يومين بالكتير

المشاركة الأصلية كتبت بواسطة khaabas

يا باشا كنت عملتها بره ارخص واحسن واشتريت دماغك من العطلة توكيل ايه بس يا كبير

قلت العربية لسه زيرو ومش مهم ويتغير الحاجه وتبقى الدنيا تمام بس انا مستني الرد النهائى بكره ونشوف اخرتها ايه

نظام المراكز المعتمدة من غبور بيبقى نفس النظام ف التصليح ؟ واسعار قطع الغيار والمصنعية نفس التوكيل ولا بتفرق ؟ بتنصحوا بايه عموما ؟

**khaabas** · 21-04-2013 11:44 PM

المشاركة الأصلية كتبت بواسطة eng_designer

ده تهريج اصلا ليه الفترة ديه كلها ده التوكيل كله فاضي وقلت اخري يوم او يومين بالكتير

قلت العربية لسه زيرو ومش مهم ويتغير الحاجه وتبقى الدنيا تمام بس انا مستني الرد النهائى بكره ونشوف اخرتها ايه

نظام المراكز المعتمدة من غبور بيبقى نفس النظام ف التصليح ؟ واسعار قطع الغيار والمصنعية نفس التوكيل ولا بتفرق ؟ بتنصحوا بايه عموما ؟

لا بتبقى اسرع والاسعار اقل

**khaledccie** · 22-04-2013 12:29 AM

بص يا صاحبى انت خلاص مش هينفع تاخدها من التوكيل تانى
لانك لو قلت مش هصلح عندكم هيقولك ادفع ثمن المقايسة اللى بتكون 2200 جنية

فلو عاوز تتخانق وتعمل مشكلة ليهم اعملها على الميعاد مع انى متاكد انهم مش هيغيرة كتير

مدير الورشة بتاع الهياكل مهندس محترم اسمة ايمن حاول تدخلة وتقابلة وتكلمة لان بتوع الاستقبال مش هيساعدوك في شئ لان دورهم خلاص انتهى

وربنا معاك

وبعد كدة تبع اتعلمت وتروح لاى ورشة برة بتتعامل مع التامين وصلحها

**Eng_Designer** · 22-04-2013 12:49 AM

المشاركة الأصلية كتبت بواسطة khaabas

لا بتبقى اسرع والاسعار اقل

طيب ازاى اقل مش المفروض بيشتروها من التوكيل من غبور ؟ ولا بيستورودها من برا ؟ وهل مضمونة زي غبور ؟

المشاركة الأصلية كتبت بواسطة khaledccie

بص يا صاحبى انت خلاص مش هينفع تاخدها من التوكيل تانى
لانك لو قلت مش هصلح عندكم هيقولك ادفع ثمن المقايسة اللى بتكون 2200 جنية

فلو عاوز تتخانق وتعمل مشكلة ليهم اعملها على الميعاد مع انى متاكد انهم مش هيغيرة كتير

مدير الورشة بتاع الهياكل مهندس محترم اسمة ايمن حاول تدخلة وتقابلة وتكلمة لان بتوع الاستقبال مش هيساعدوك في شئ لان دورهم خلاص انتهى

وربنا معاك

وبعد كدة تبع اتعلمت وتروح لاى ورشة برة بتتعامل مع التامين وصلحها

ثمن مقايسة :( ربنا يستر بخصوص المهندس باذن الله هحاول اروحله مخصوص من اسكندرية واشوف الدنيا
بس عموما يا شباب غبور العبور حتى بعد التاخير الشغل هيطلع نضيف ولا مشي حالك ؟ وايه افضل توكيل عبور ف مصر ؟

وبخصوص التامين مين اتعامل قبل كدا مع التامين وهل الشرط ده موجود عند كل الشركات وايه الافضل وكدا ؟