| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 2 من 3 الأولىالأولى 1 2 3 الأخيرةالأخيرة
النتائج 11 إلى 20 من 29

  1. #11

    الصورة الرمزية amr 2

    رقم العضوية : 133617

    تاريخ التسجيل : 17Jan2013

    المشاركات : 63

    النوع : ذكر

    الاقامة : المنصورة

    السيارة: لنسر

    السيارة[2]: ريتمو

    الحالة : amr 2 غير متواجد حالياً

    افتراضي -

    hasad">

    معلش ممكن اعرف الشعر اللى بيقع دة من انه منطقه ؟ لو من عند تجويف الاذن من الامام حسيت ان الشعر بيقع والجلد باين يبقى مليانه براغيت وبتهرش كتير وممكن كمان يتحول لجرب .
    طيب ايه رأيك على سطوح العمارة ؟ لو مش هينفع يبقى تاخدها توديها لمحل الحيوانات وتسيبهاله بدون مقابل .
    واصل الحكايه دى فكرتنى بحكايه والدى مع الارنب الانجورا .
    احكيهالكم معلش : والدى محب جدا للحيوانات والتربيه ( وانا واخدها وراثه ) وفى شبابه كان مربى ارنب انجورا ( للى ما يعرفش يعنى ايه انجورا يدور على جوجل فى الصور ) دة ارنب جميل جدا ( احسن من اى قطه فى الشعر ) وسهل تربيته مش زى القطط وكان مدربه يأكل و يقضى حاجته فى جزء مخصص من البلكونه وغير كدة لا . يعنى تقدر تقول احسن حيوان اليف ارتبط بيه عاطفيا لانه كان سايب فى الشقه . وفى يوم من الايام واحدة معرفه كانت جايه تبارك لظرف ما شافت الارنب وشهقت شهقه وأدته العين التمام . والارنب بعدها بساعه كان بيتمرمغ فى الارض . والدى بخبرته فى تربيه الارانب بالزات عرف انه خلاص بيودع وان الحركه دى مالهاش غير حل واحد . الذبح .
    طبعا والدى هو اللى بيحكيلى إزاى انه دبحه بأيدة وهو والارنب بيعيطوا . وبعدها والدى جاى يغسل سكينه الدبح السكينه كملت على يدة واتعور جامد . و طبعا تبرع بلحمه لانه مارضاش يشوفه مطبوخ او حد بياكله واحتفظ بفروة لفترة طويله .
    اول درس احب ان يتعلمه كل واحد نازل يشترى قطه او عصفورة او أيا كان انك بتشترى كائن حى المفروض انه نعمه غاليه ( لان فلوسك مهما كترت ماتساويش خلقه ربنا ) مش شويه فلوس بتفرط فيهم . ولازم تعرف ان التربيه مش بالساهل دى مسئوليه جامدة يكفى انك هتحاسب عليها يوم القيامه .
    طبعا هى بتبقى استعداد او زى ما بيتقال غيه او غوايه . انا مثلا استحملت انى خمس مرات كل يوم اقوم بتأكيل 4 عصافير عمر 3 ايام عن طريق حقنه بدون سن ( عن طريق طحن البلكم والدنيبه فى كبه الخلاط ثم يتم عزل القشر واخذ البودرة وخلطها بصفار البيض ) و دة كان لان عامل صيانه شغل الشانيور بجانب القفص ومن ساعتها الام خرجت مفزوعه وسابت 4 فراخ لم يكسوها الريش بعد . واستمرت العمليه دى فوق الشهر . كل دة كان ليه ؟ جوزين عصافير يوم ما ابيعهم ب 30 جنيه ؟ ولا علشان دى مسئوليه واختبار من ربنا ؟
    مش عايز حضرتك تزعل منى . انا مش بلقح بالكلام انا بس زعلان . بس بصراحه انا بشوف كدة كتير والناس اصلها بتستعجل فى الشراء ومش بتفكر ان دى مسئوليه كبيرة . يعنى مثلا حضرتك كنت ناوى تسيب القطه كدة عاذبه علطول ؟ ولا انت اصلا ما فكرتش فى الموضوع دة وانت بتشترى ؟ فى البلاد المتقدمه بيحددوا هما عايزين ايه الاول بالضبط لو عايزين كائن جمالى ومظهرى بيشتروا الذكر ويتم تعقيمه من صغرة . لو عايز تعيش التجربه كامله يبقى انثى وتجوزها كل فترة . طبعا كون حضرتك تعمل موضوع زى دة دة دليل على حسن اخلاقك ( وكمان المدام ربنا يخليهالك ) وطبعا واضح انكم اب وام مثاليين لان تفكيركم انصب فى مصلحه الاطفال . وعلشان كدة نصيحتى ليكم انكم تتخلصوا من القطه دى عن طريق التنازل عنها لاى محل او عيادة او حتى حديقه حيوان وبلاش الطرد فى الشارع لان القطط الهجينه دى بتتبهدل والمناعه بتاعتها بتبقى ضعيفه شويه .


  2. #12

    الصورة الرمزية sha2e

    رقم العضوية : 11119

    تاريخ التسجيل : 21May2008

    المشاركات : 1,396

    النوع : ذكر

    الاقامة : Egypt

    السيارة: No

    السيارة[2]: Fiat

    دراجة بخارية: No

    الحالة : sha2e غير متواجد حالياً

    افتراضي -

    واضح ان عندك فى البيت خلاص كده من ناحية القطه دي وفى نفس الوقت حرام القطه تتساب بره لانها كده هتموت لان الشيرازي ميقدرش يتأقلم على الحياة بره الشقة

    الحل لو احد الاعضاء بيته قريب من بيتك يعدى عليك ياخدها يحميها ولو عايز يحتفظ بيها اوكي او يهادي بيه حد غاوي قطط او حتى يبعها

    وبخصوص التعامل مع القطط بره الشقة انا مربي عندي 6 قطط عندي فى البيت (رومي على بلدي) وساعات كتير بيدخل من البوابه قطط من الشارع وسعات هما بليل بيطلعو يتفرجو على الشارع ومع ذلك بتعامل معاهم عادي فمش ليه داعى الهلع وحالة الذعر دي كلها
    دي قطه

    [sor2]http://www5.picturepush.com/photo/a/13707593/640/111/29838-101385683246531-100001252983981-6799-7168748.jpg[/sor2]


  3. #13

    الصورة الرمزية windofchange

    رقم العضوية : 22731

    تاريخ التسجيل : 20Oct2008

    المشاركات : 3,291

    النوع : ذكر

    الاقامة : القاهرة

    السيارة: الحمدلله حمداطيبا كثيرا مباركا فيه

    السيارة[2]: Seat IBIZA 99 6K 1.6

    دراجة بخارية: لا

    الحالة : windofchange غير متواجد حالياً

    Lightbulb -

    اقتباس المشاركة الأصلية كتبت بواسطة amr 2 مشاهدة المشاركة
    نصيحتى ليك بصفتى كنت من مربين القطط لاكثر من مرة :
    لو حضرتك عايز ترجع القطه دى تانى بيتك ( وطبعا فى وجود حاله الهلع منها ) احب اقولك ان الموضوع بسيط جدا . انت خايف من ايه ؟ براغيث ؟ جرب ؟ طفيليات ؟
    كل دة حله بسيط . وديها لاى دكتور بيطرى او حتى صيدلى بيطرى يشوفها لو حامل ولا لأ . لو طلعت مش حامل هتعمل الاتى : 1- حميها بصابونه كبريت واوعى الميه تيجى فى ودنها وتسيب الصابون عليها 4 دقائق وتكون الميه سخنه مش فاترة لا ازيد من الفاترة ( طبعا مش سخنه قوى بس الحركه دى هتلاقى القطه هاديه جدا فى الاستحمام ومش هتخاف من الميه ومش هتخربش ) . 2- فى امبولات ( مش حقن دة لوسيون بييجى فى امبولات زى اللبوس كدة ) الامبولات دى بتفتحها وتضع لها 7 نقط فى منطقه الكتف عن طريق تفريق الشعر للوصول للجلد الفعلى والتنقيط كل نقطه فى مكان لكن كل الاماكن فى منطقه ما بين الكتفين والرقبه . النقط دى اسمها ( ريفوليوشن 25جنيه ) او ( بارس 15 جنيه ) ودة بييجى من اى صيدليه بيطريه او عيادة . و النقط دى بقى بتقضى نهائيا على البراغيث وبيضها والجرب وكل الطفيليات الاخرى حتى ديدان البطن لمدة سنه كامله . ما تنساشان كل دة لو طلعت مش حامل .
    لو طلعت القطه حامل : 1- الدش المحترم بصابون الكبريت مرة كل اسوع لغايه 4 اسابيع . 2- شراء طوق مضاد للبراغيث دة تقريبا ب 40 جنيه وبيقعد 4 شهور تقريبا . 3- اعطاء مضادات الطفيليات فى صورة شراب يخلط مع الاكل ( لو طلعت حامل خلى البيطرى يكتب لك مضاد الطفيليات دة )
    وفى كلتا الحالات استخدم مطهر ومنظف فى ارجاء البيت وخاصه السجاد وابقى امسح الاركان بممسحه ( شراشف ) مضاف اليها الجاز او الكلور . وبلاش المبيد خاصه فى وجود اطفال وقطط .

    فى الاجمال المشكله مش صعبه قوى كدة . بصراحه انا مش عايز اقطع قلبك اكتر من كدة لكن احب اصارحك ان القطه لو حامل خليك عارف انها عايزة تدخل عندك لان بيتك هو الامان بالنسبه ليها ولو هتختار مكان تولد فيه يبقى بيتك . هى ماغلطتش هى ربنا خلقها علشان كدة ( تستكشف كل شئ وتبحث وتتكاثر ) دة مخلوق مش مكلف . فاهمنى ؟
    +1111
    كريم بك ايه الاخبار ؟ ان شاء الله تكون في احسن حال...التوكسوبلازما بيجي من القطط لو بتاكل اكل ني او لحم بارد وبتيجي للبني آدم من البلوبيف والجبن الرومي والروزبيف واللانشون بمعني انها مش مختصرة علي القطط فقط وانا شايف انك تدخلها وتعمل زي ما عمرو قال فوق.شعرها بيقع مش معني كده بالضرورة انها مريضة ياريت تقرأ اللينك ده للدكتور البيطري محمد الصواف https://www.facebook.com/groups/pets...4003465004576/

    وده لينك لمرض التوكسوبلازماhttps://www.facebook.com/groups/pets...4666218271634/
    ومتستغربوش لو قلنا ان القطط انظف من الانسان بالادلة العلمية وكلام الحبيب صلي الله عليه وسلم
    لو تأملنا كفوف الهررة سنلاحظ مدى نظافتها حيث أنها تلعق كفوفها بشكل دائم مع باقي أعضاء جسدها
    كذلك أمهات القططه تقوم بلعق صغارها طوال فترة صغرهم مما يؤدي لنقل ذلك الإهتمام إليهم.

    أكد الرسول صلى الله عليه وسلم في العديد من الأحاديث أن القطط طاهرة غير نجسة، وكان يسميها من الطوافين والطوافات في البيوت، وكان يتوضأ من الماء الذي شربت منه القطة واعتبره طاهراً. والسؤال الذي يطرح نفسه:

    هل كان الرسول الأمي عليه الصلاة والسلام طبيباً مخبرياً ليقول إن الهرة طاهرة و ليست بنجس، قال إن الكلب نجس وهذا شبه معروف للجميع اليوم وأثبت علمياً، فكيف علم بأنه لا يوجد في الهرة جراثيم. لنطلع على هذا البحث وعلى الحقائق المخبرية الواردة فيه، حيث قمنا ببعض التجارب وكانت النتائج العلمية مطابقة لما جاء به النبي قبل أربعة عشر قرناً.

    بعض الحقائق العلمية والتجريبية الموثقة عن الهر

    ويسمى القط - السنور- الضّيونُ - الهر - البس (لهجة أهل الشام) - المش (لهجة أهل المغرب) - القطاوة (أهل الجزيرة العربية).

    من عادات القط المعروفة تنظيفه لنفسه حتى إن العالم باستور قال إن القطط حيوانات نظيفة بسبب قضائهم يومهم في تنظيف أنفسهن، ولا يوجد منطقة
    في جسم القط إلا ويصله هذا التنظيف

    ونظراً لتعرض جلد القط للبيئة الخارجية لن يكون من المفاجئ أن نعلم أن هناك خلايا فيه تعمل عمل دفاعي مثل الكريات البيضاء والجلد يحوي خلايا عديدة تعدل من حساسية خلايا الأدمة

    يوجد في جلد القط خلايا مقاومة للجراثيم

    إنه ليس من المستغرب أن القط يحب الحليب ولكن طريقة استعماله للسانه للعق الحليب من الصعب تصورها، وعندما تتحسس لسان القط ستجد أنه مغطى بنتوءات حادة تعمل عمل أسنان المشط وكان البعض يظن أن هذه النتوءات تستخدم كجيوب صغيرة لتحمل السائل إلى الفم لكي يتم ابتلاعه ولكن هذه التصوير الذي سنراه الآن سيثبت أنها ليست الطريقة التي يعمل بها اللسان (5).
    بدلاً من هذه الطريقة التي تصور البعض أن القط يشرب بها فإن القط يجعل بطن اللسان لسطح السائل أو الحليب حيث يحمل السائل عليه بطريقة لا تجعل أي منه يعود للوعاء.

    سندعكم الآن مع التحليل المخبري لما نجده على الهر من جراثيم وميكروبات إن وجدت.

    الفحوصات المخبرية

    بعد فحص مجموعات مختلفة من العينات لأعمار مختلفة من القطط ومن أماكن مختلفة من جسم الحيوان (الظهر - باطن الكف والقدم - محيط الفم - الذيل) حيث تم أخذ مسحات للدراسة وتم زراعتها على أوساط الزرع الخاصة بالجراثيم (سلبية غرام - إيجابية غرام - وسط EMB - وسط Moler henton - وسط Blood agar)، وقد تم أخذ عينات خاصة من الجدار الداخلي للفم وسطح اللسان وتوصلنا للنتائج التالية (6):

    1- كل النتائج المأخوذة من السطح الخارجي كانت سلبية حتى بعد إعادة الزرع لعدة مرات.

    2- نسبة المزروعات التي أعطت نتيجة سلبية كانت 80 % بالنسبة للعينات التي أخذت من جدار الفم.
    3- أخذت عينات من سطح اللسان وكانت نتيجتها سلبية.

    4- نوع الجراثيم التي ظهرت أثناء الدراسة بشكل عام كانت من الزمر الجرثومية التي تعتبر من الزمر الطبيعية التي تتعايش عند الإنسان بنسب محددة (أنتروباكتر enterobacter - ستريبتوكوكس streptococcus - ستافيلوكوكس Staphylococcus) وكانت بأعداد أقل من 50000 مستعمرة (خمسين ألف مستعمرة)

    5- لم يظهر لدينا في الزراعة أي زمرة جرثومية معقدة.

    كما ترون فإن التحليل المخبري الموثق من عدة مصادر يثبت أن الهر ليس عليه جراثيم ولا ميكروبات وأن لعابها طاهر مطهر.

    أقوال أطباء مختصين بعلم الجراثيم

    قال الدكتور جورجس مقصود (رئيس قسم المخابر في مشفى البيطرة): نادراً ما تجد جراثيم على السطح الخارجي للقط وإن وجد فإن القط سيكون مريض.

    تقول الدكتورة جين جوستافسن: بعد تحليل مجموعة من العينات للمقارنة بين اللعاب لكل من الإنسان والكلب والقط وجدنا أن أكثر نسبة للجراثيم هي عند الكلب ثم يأتي الإنسان بمقدار الربع للكلب ويأتي القط بمقدار النصف بالنسبة للإنسان.

    و قال الدكتور البيطري المعالج في مشفى البيطرة في دمشق سعيد رفاه أن القطط لديها مادة مطهرة اسمها الليزوزيم.

    والقطط تكره الماء وتبتعد عنه لأن الماء هو موطن مثالي للبكتريا وخصوصاً إن كان راكداً والقطط تحافظ على درجة حرارتها ثابتة فتبتعد عن الشمس ولا تقترب من الماء لكي لا تنتقل البكتيريا لها وهذا يعلل عدم وجود جراثيم على فراء القطط الذي تحتفظ به جاف دائماً (7).
    بعض الحقائق من السنة المطهرة

    إن سؤر الهرة طاهر كونها غير نجسة: فلحديث كبشة بنت كعب بن مالك: أن أبا قتادة – والد زوجها - دخل عليها فسكبت له وضوءاً فجاءت هرة لتشرب منه فأصغى إليها الإناء حتى شربت قالت كبشة: فرآني أنظر إليه فقال: أتعجبين يا ابنة أخي ؟ قالت: قلت: نعم، فقال: إن النبي صلى الله عليه وسلم قال: ليست بنجس إنها من الطوافين عليكم والطوافات " (8).

    عن علي بن الحسين، عن أنس بن مالك قال:: (خرج النبي (صلى الله عليه وسلم) إلى أرض بالمدينة يقال لها بطحان، فقال: " يا أنس اسكب لي وضوءاً " فسكبت له، فلما قضى حاجته أقبل إلى الإناء وقد أتى هر فولغ في الإناء، فوقف النبي (صلى الله عليه وسلم) وقفة حتى شرب الهر ثم توضأ، فذكرت للنبي (صلى الله عليه وسلم) أمر الهر، فقال: " يا أنس إن الهر من متاع البيت لن يقذر شيئاً ولن ينجسه "(9).

    وقد روي عن داود بن صالح التمار عن أمه: (أن مولاة لها أهدت إلى عائشة صحفة هريسة فجاءت بها وعائشة قائمة تصلي، فأشارت إليها أن ضيعها، فوضعتها وعند عائشة نسوة، فجاءت الهرة فأكلت منها أكلة، أو قال لقمة، فلما انصرفت قالت للنسوة كلن، فجعلن يتقين موضع فم الهرة فأخذتها عائشة فأدارتها ثم أكلتها وقالت إن رسول (صلى الله عليه وسلم) قال: إنها ليست بنجس، إنها من الطوافين والطوافات عليكم، وقد رأيت رسول الله (صلى الله عليه وسلم) يتوضأ بفضلها (10).

    وعن أبي قتادة رضي الله عنه قال: قال رسول الله صلى الله عليه وسلم في الهرة: (إنها ليست بنجس إنها من الطوافين عليكم والطوافات رواه مالك وأحمد وأهل السنن الأربع. فالهرة إذًا هي طاهرة البدن، طاهرة الريق، ريقها طاهر، فسؤرها طاهر، بقية شرابها، أو بقية ما تأكله طاهر) (11).

    وجه الإعجاز

    من هذه النتائج الطبية والتجارب التي قمنا بها في المختبرات المختصة بالجراثيم يتبين لنا أن الهر جسده نظيف بالكامل وإنه أنظف من الإنسان العاقل، وأن الله تعالى زود هذا القط بغدد تحمي جلده من الجراثيم وبلسان فيه نتوءات يساعد على تنظيف الجسد ويصل إلى كل الأماكن تقريباً لوحده وحتى قمة الرأس ينظفه بظهر كفه و أن لعابه فيه نسبة جراثيم أقل من عند الإنسان بمقدار الربع وفيه مادة معقمة ومطهرة، و أنه عندما يشرب من وعاء يشرب منه الإنسان لا يسقط شيء من فمه في هذا الوعاء.

    " اللهم إنا نجعلك في نحورهم ، ونعوذ بك اللهم من شرورهم "


  4. #14

    الصورة الرمزية windofchange

    رقم العضوية : 22731

    تاريخ التسجيل : 20Oct2008

    المشاركات : 3,291

    النوع : ذكر

    الاقامة : القاهرة

    السيارة: الحمدلله حمداطيبا كثيرا مباركا فيه

    السيارة[2]: Seat IBIZA 99 6K 1.6

    دراجة بخارية: لا

    الحالة : windofchange غير متواجد حالياً

    افتراضي -

    مش مفضل اعطاء القطط لمحلات الحيوانات لان ناس كتير منهم مش بيأكلوهم كويس او بيأكلوهم اكل الفراخ وطبعا القط بيمرض ويموت وفالغالب هو بيلعب ان اللي بيشتريه منه مش خبرة يعرف القط مريض ام لا ويموت عنده القط وهو مالوش دعوة وحصلت كذا حادثة جنب محلات بيع الحيوانات القطط والكلاب انهم لما بيكونوا مرضي (عنيهم مرضت لو رجلهم اتكسرت) بيرموهم فالشارع يموتوا ولاتخبطهم عربية ولا ولا ولا ... عموما نهي الحبيب صلي الله عليه وسلم عن بيع القطط والكلاب..في جروبات كتير عالفيس بوك ممكن تحط القط للتبني في جروب منهم او تعطيه لجمعية خيرية للحيوانات الاليفة زي ايسما او انيمال فريندز او سبير ولو تعطيهم تبرع كويس وده لان غالبا معندهمش اماكن

    " اللهم إنا نجعلك في نحورهم ، ونعوذ بك اللهم من شرورهم "


  5. #15

    الصورة الرمزية Ahmed A Rahman

    رقم العضوية : 13961

    تاريخ التسجيل : 01Jul2008

    المشاركات : 4,984

    النوع : ذكر

    الاقامة : Rehab city

    السيارة: Nissan Sunny 2014

    السيارة[2]: RENAULT LOGAN 2010

    دراجة بخارية: agala

    الحالة : Ahmed A Rahman غير متواجد حالياً

    افتراضي -

    بص يا كريم انا مش بيطري بس حقولك اللي يخصني كطبيب مكافحة عدوى

    انا مش قلقان من البراغيث والكلام ده لان دي اسهل حاجه
    انا قلقان من التوكسوبلازما

    انت عندك بنت والقطة خرجت اسبوع في الشارع
    اكلت من اكل الشوارع المليان جراثيم واكيد توكسوبلازما (اللي هو في اللحمة النية او اللانشون او البسطرمة)


    التوكسوبلازما (Toxoplasma gondii) او مرض القطط
    الطفيل ده عايش في امعاء القطط وبيكون موجود في البزاز بتاع القطة وطبعا على شعرها بعد كده
    ممكن لاقدر الله ممكن يسبب امراض خصوصا في البنات
    لانه ممكن يسبب صعوبات في الحمل بعد كده

    معرفش اذا كان فيه تطعيمات بيطرية للتوكسوبلازما تحديدا ولا لأ
    بس انا قلت اكتر حاجه بخاف من القطط بسببها خصوصا على بنتي لان مراتي مدمنة قطط برضه


    طبعا مش محتاج اقول بعد كل ده ان بنتك لحاد ما تتجوز متاكلش لانشون او بسطرمة خالص
    انا عامل كده في بيتي
    ابقى هاتهم لي وانا حاكلهم :) :) :)

    د. أحمد عبد الرحمن
    ونرجع ثاني: نفسي الناس تبطل تقول الحشيش مفيهوش ادمان


  6. #16

    الصورة الرمزية Al-Farooq

    رقم العضوية : 110437

    تاريخ التسجيل : 15Aug2011

    المشاركات : 816

    النوع : ذكر

    الاقامة : Cairo

    السيارة: Camry Highbrid 2011

    السيارة[2]: Persona Elegance

    دراجة بخارية: ---

    الحالة : Al-Farooq غير متواجد حالياً

    افتراضي -

    اقتباس المشاركة الأصلية كتبت بواسطة sha2e مشاهدة المشاركة
    وفى نفس الوقت حرام القطه تتساب بره لانها كده هتموت لان الشيرازي ميقدرش يتأقلم على الحياة بره الشقة
    بالمناسبة ، في قطة شيرازي شكلها مطرود من بيت بردو و بقت شوارع عادي ومتأقلمه وبشوفها زي القطط العادية ، وبلاحظ على فكرة ان اغلب القطط بتبعد عنها مش العكس مش عارف ليه ، يعني اعتقد انهم لو اتخانقوا معاها يبقي هي اللى بتجر شكل معاهم lol ، يعني لو شوفتها ماشية فى طريقها وفي قطط شافتها جايه عليهم بلاقيهم يستخبوا منها اكنهم شافوا مخلوق غريب ;d

    لا إله إلا أنت سبحانك ، إنى كنت من الظالمين
    اللهم إغفر للمؤمنين و المؤمنات الأحياء منهم و الأموات
    لا إاله إلا الله عدد ما كان وعدد ما يكون وعدد الحركات والسكون


  7. #17

    الصورة الرمزية dolly13

    رقم العضوية : 27439

    تاريخ التسجيل : 12Dec2008

    المشاركات : 1,913

    النوع : انثى

    الاقامة : العبور

    السيارة: ستروينc3 2007

    السيارة[2]: ........

    دراجة بخارية: لا يوجد

    الحالة : dolly13 غير متواجد حالياً

    افتراضي -

    استاذ كريم
    تحياتى اولا
    ثانيا بالنسبة لسقوط الشعر طالما من كامل جسمها يبقى ده راجع لوجود ديدان فى بطنها والديدان غير معدية للبشر وبيتم اخذ دواء بيطرى له
    افضل حل للقطة دى ان حضرتك تكشف عليها عند بيطرى ولما ترجع لشكلها الطبيعى تهاديها لحد معرفة يكون بيحب القطط لكن حكاية انها تترمى فى الشارع دى هاتبقى صعبة اوى
    او تفضل على الاقل بالوضع الحالى انها تاخد اكلها وشربها برة الشقة وعلى الاقل هاتبقى مطمن عليها شوية
    ربنا يوفقك للحل السليم


  8. #18

    الصورة الرمزية mOuStaFa_ERTU

    رقم العضوية : 54927

    تاريخ التسجيل : 05Dec2009

    المشاركات : 645

    النوع : ذكر

    الاقامة : cairo

    السيارة: فيات 131

    السيارة[2]: فيات 132

    دراجة بخارية: لا

    الحالة : mOuStaFa_ERTU غير متواجد حالياً

    افتراضي -

    ممكن تعليقى مايكنش فى صمييم الموضوع بس فعلا فى ناس كتير بتشترى الحيوانات الاليفه وبعد كده تكتشف انها مش قد المسئوليه وترميهم.
    يعنى انا فوجأت من اسبوع نازل اصلى العصر لائيت كلبه ( جيرفون ) و3 جراوى فى الشارع وبيشربوا من المجارى وشكلهم بقه يصعب على الكافر فضلت احسبن على اللى رماهم الشارع علما ان فى 4 محلات حيوانات اليفه فى نطاق 100متر حول المنزل

    mostafa3tef سابقا


  9. #19

    الصورة الرمزية moody_687

    رقم العضوية : 26925

    تاريخ التسجيل : 05Dec2008

    المشاركات : 1,211

    النوع : ذكر

    الاقامة : Alexandria

    السيارة: vectra c

    السيارة[2]: fiat131

    دراجة بخارية: No

    الحالة : moody_687 غير متواجد حالياً

    افتراضي -

    اقتباس المشاركة الأصلية كتبت بواسطة amr 2 مشاهدة المشاركة
    نصيحتى ليك بصفتى كنت من مربين القطط لاكثر من مرة :
    لو حضرتك عايز ترجع القطه دى تانى بيتك ( وطبعا فى وجود حاله الهلع منها ) احب اقولك ان الموضوع بسيط جدا . انت خايف من ايه ؟ براغيث ؟ جرب ؟ طفيليات ؟
    كل دة حله بسيط . وديها لاى دكتور بيطرى او حتى صيدلى بيطرى يشوفها لو حامل ولا لأ . لو طلعت مش حامل هتعمل الاتى : 1- حميها بصابونه كبريت واوعى الميه تيجى فى ودنها وتسيب الصابون عليها 4 دقائق وتكون الميه سخنه مش فاترة لا ازيد من الفاترة ( طبعا مش سخنه قوى بس الحركه دى هتلاقى القطه هاديه جدا فى الاستحمام ومش هتخاف من الميه ومش هتخربش ) . 2- فى امبولات ( مش حقن دة لوسيون بييجى فى امبولات زى اللبوس كدة ) الامبولات دى بتفتحها وتضع لها 7 نقط فى منطقه الكتف عن طريق تفريق الشعر للوصول للجلد الفعلى والتنقيط كل نقطه فى مكان لكن كل الاماكن فى منطقه ما بين الكتفين والرقبه . النقط دى اسمها ( ريفوليوشن 25جنيه ) او ( بارس 15 جنيه ) ودة بييجى من اى صيدليه بيطريه او عيادة . و النقط دى بقى بتقضى نهائيا على البراغيث وبيضها والجرب وكل الطفيليات الاخرى حتى ديدان البطن لمدة سنه كامله . ما تنساشان كل دة لو طلعت مش حامل .
    لو طلعت القطه حامل : 1- الدش المحترم بصابون الكبريت مرة كل اسوع لغايه 4 اسابيع . 2- شراء طوق مضاد للبراغيث دة تقريبا ب 40 جنيه وبيقعد 4 شهور تقريبا . 3- اعطاء مضادات الطفيليات فى صورة شراب يخلط مع الاكل ( لو طلعت حامل خلى البيطرى يكتب لك مضاد الطفيليات دة )
    وفى كلتا الحالات استخدم مطهر ومنظف فى ارجاء البيت وخاصه السجاد وابقى امسح الاركان بممسحه ( شراشف ) مضاف اليها الجاز او الكلور . وبلاش المبيد خاصه فى وجود اطفال وقطط .

    فى الاجمال المشكله مش صعبه قوى كدة . بصراحه انا مش عايز اقطع قلبك اكتر من كدة لكن احب اصارحك ان القطه لو حامل خليك عارف انها عايزة تدخل عندك لان بيتك هو الامان بالنسبه ليها ولو هتختار مكان تولد فيه يبقى بيتك . هى ماغلطتش هى ربنا خلقها علشان كدة ( تستكشف كل شئ وتبحث وتتكاثر ) دة مخلوق مش مكلف . فاهمنى ؟
    مفيش كلام اكتر من ده احيك اخى الكريم
    ويااستاذ كريم متخليش مراتك تخاف منها عشان هى حاسة كده بانه غير مرغوب فيها وممكن يجيلها حالة نفسية فلا داعى للهلع منها عشان ببساطة زى مااخي الكريم ماقال انها ممكن تنضف عادي عشان لو سيبتها ف الشارع ذنبها ف رقبتك لانك تخليت عنها


  10. #20

    الصورة الرمزية moody_687

    رقم العضوية : 26925

    تاريخ التسجيل : 05Dec2008

    المشاركات : 1,211

    النوع : ذكر

    الاقامة : Alexandria

    السيارة: vectra c

    السيارة[2]: fiat131

    دراجة بخارية: No

    الحالة : moody_687 غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة moustafa_ertu مشاهدة المشاركة
    ممكن تعليقى مايكنش فى صمييم الموضوع بس فعلا فى ناس كتير بتشترى الحيوانات الاليفه وبعد كده تكتشف انها مش قد المسئوليه وترميهم.
    يعنى انا فوجأت من اسبوع نازل اصلى العصر لائيت كلبه ( جيرفون ) و3 جراوى فى الشارع وبيشربوا من المجارى وشكلهم بقه يصعب على الكافر فضلت احسبن على اللى رماهم الشارع علما ان فى 4 محلات حيوانات اليفه فى نطاق 100متر حول المنزل
    وربنا انا ماعارف اقول ايه عايزين ربنا يرحمنا واحنا مش راحمين ارواحه !!!!
    ربنا يهدي الناس اللي بتعمل كده



 
صفحة 2 من 3 الأولىالأولى 1 2 3 الأخيرةالأخيرة

المواضيع المتشابهه

  1. حد يشتري ضميري ؟
    بواسطة me_medoo في المنتدى المنتــــــدى الاجتمــاعى
    مشاركات: 16
    آخر مشاركة: 07-01-2012, 01:05 AM
  2. ضميري بيفرض عليا اني أحط الفيديو ده !!!
    بواسطة A7medHeaders في المنتدى هـــــــوندا
    مشاركات: 10
    آخر مشاركة: 28-06-2011, 01:18 PM
  3. عشان ارضي ضميري
    بواسطة aelhossan في المنتدى سبـــيرانزا
    مشاركات: 31
    آخر مشاركة: 25-07-2010, 06:13 PM
  4. ضميري تعبني اوي و مش عارف ارتاح افيدوني من فضلكم
    بواسطة نينو في المنتدى المنتــــــدى الاجتمــاعى
    مشاركات: 71
    آخر مشاركة: 01-04-2009, 12:30 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2