ضميري بيوجعني من قطة

**Karim_Monir** · 22-04-2013 02:22 PM

يا جماعه انا مربي سابق لجميع انواع الحيوانت الاليفة
حمام بانواعه وكلاب بانواعها وقطط وعصافير وببغاوات و ورل وحرباية غير اسماك الزينة باواعها واحجامها
المشكلة المرة دي ان زوجتي رفضت تماما دخولها الشقة
وبتكتفي باطعامها برة البيت
ومفيش محل ولا شخص هايرضي ياخدها بالشكل ده
وانا مش هاقدر امسكخا احميها عشان هاتخربشني لانها بقت تشوفنا تجري

د.احمد
انت عارف ان زوجتي اول كلمة قالتهالي بعد ما كتبت الموضوع ده ؟
قالتلي د.احمد عبد الرحمن رد في الموضوع ؟؟
قولتها لسه
قالتلي لما يرد اديني اللينك اقرا غير كدة لاء :-)
ربنا يسامحك ياللي في بالي يا بتاع البسطرمة انت :-)

**KemozTanta** · 22-04-2013 03:57 PM

أنا بدعي ليل نهار القط اللي عندي يهرب ومش عارف اخلص منه ازاى لان اختي متمسكة بيه اكنه ابنها
عموما صحة ولادك بالدنيا .. أتبرع بيها لإي محل قطط او لاي شخص .. اعمل اعلان علي الانترنت بدون مقابل حد مهتم بالقطط يرابيها
وتبقي خليت مسئوليتك من القصة دي.

**micromoud** · 22-04-2013 04:12 PM

عادى جدا ياباشا متدخلهاش البيت ولما تيجى على بابا البيت وتنونو حطلها اكل واقفل الباب تانى ومع الوقت هتتعايش مع قطط الشارع عادى وهتشوف رزقها معاهم

**ابو لؤى** · 22-04-2013 04:37 PM

مستر كريم وزعها ياباشا اديها لاى محل بيع حيوانات ببلاش هتوجع دماغك ليه وتشيل ذنبها

**Ahmed A Rahman** · 22-04-2013 05:23 PM

المشاركة الأصلية كتبت بواسطة Karim_Monir

د.احمد
انت عارف ان زوجتي اول كلمة قالتهالي بعد ما كتبت الموضوع ده ؟
قالتلي د.احمد عبد الرحمن رد في الموضوع ؟؟
قولتها لسه
قالتلي لما يرد اديني اللينك اقرا غير كدة لاء :-)
ربنا يسامحك ياللي في بالي يا بتاع البسطرمة انت :-)

هههههههههههههههه ربنا يكرمك يا باشا
على العموم بتاع البسطرمة احسن من اللي بالي بالك

**Karim_Monir** · 22-04-2013 11:38 PM

بسطرمة
توم
مزروعات
ماشي يا احمد :-)
انا عديت علي المحل واتفقت معاهم قالي لو نضيفة
جيت لقيتها مش نضيفة دول عشر ايام برة
معايز ادخلها احميها وطبعا للو عملت كدة هاتتبرعولي بمكان انام فيه خاصة لو دخلت مش هاتبطل نونوة ده بافتراض اني عرفت احميها
هاوديها المحل بكرة واشوف هايرضو ياخدوها ولا تقضي حياتها عالسلم :-(

**Nashaat Rady** · 23-04-2013 12:51 PM

انا آخر قط كان عندي اديته لمحل ببلاش قبل الجواز....

القط ده كان ليهرب كل اسبوع مرة، و كان بيطلع من الشباك و يمشي علي الحيط زي الصرصار و يخش عند الجيران، و جاري يقوم جايبه و رميه في وشي و يقولي انا مش عايز الموضوع ده يتكرر.. قلتله اديه سامع بنفسه اهو... هههههههه

ياما رجع مضروب من الشارع، و افضل احمي و أطعم و حلقتله ٤ مرات الحيوان عشان نلاقي الجروح، كان شيرازي علي سيامي.

و كنت حزين جداً و انا بسيبه مع ذلك. بس قعدت افكر كده مع نفسي....

قلت يا واد يا نشأت، مش القطط أصلا غدارة، يبقي تزعل ليه؟؟؟ هو اللي جابوا لنفسه

ليه رب اسمه الكريم.