الشكل القديم متوافر واسعاره ايه ؟؟
وايه هي الاوبشن اللي فيه
لاني سمعت ان الشكل الجديد هو اللي فيه كل حاجة abs &airbags & ......
والقديم فاضية ؟؟؟
عرض للطباعة
الشكل القديم متوافر واسعاره ايه ؟؟
وايه هي الاوبشن اللي فيه
لاني سمعت ان الشكل الجديد هو اللي فيه كل حاجة abs &airbags & ......
والقديم فاضية ؟؟؟
كلام حضرتك مظبوط جدا .. كل الاخوه الافاضل اتكلمو عن الوسع والضيق واستهلاك البنزين ونسيو امكانيات الشكل الجديد 2airbag& abs& .. فى موضوعات كتير متثبته على المنتدى هتفيدك عن امكانيات كل عربيه فيهم ...
اعتقد ان امكانيات الجديده افضل من القديمه اما بالنسبه للاتزان على الطريق فهى ممتازه جدا لحد سرعه 120 كم وثابته جدا على الطريق ودى سرعه مناسبه حتى للامان احنا مش محتاجين نطير وربنا يسترها على الجميع .. نقطه اخيره حضرتك هتتعامل مع التوكيل على الاقل اول ثلاث سنوات او 100000كم ايهما اقرب سواء فى الشكل الجديد او القديم علشان لا يضيع حقك فى الضمان يعنى مش هتفرق معاك اذا كنت من الصعيد او من القاهره .. وعلى فكره العربيتين ممتازين فى النهايه يكفى انها نيسان وربنا يوفقك الى الخير ان شاء الله
بص ياريس
االشكل القديم معايا وهقلك ميزاته وهقولك عيوبه
مميزاته الموتو قوي جدااا والاستايل الكلاسيك مميز جدااا والاتزان والثبات روعة
والله بسوق على سرعات 160 و 170 و 180 ولو نزلت اخري 160
والثبات روعة في الغورز والمنحنيات العادية وليست الصعبة ومقاومة الهواء حاجة تشرف
العربية ماسكة نفسها
كمان ميزة تانية وهي قوة الصاج بتاع العربية وتوافر قطع الغيار .
العيوب من وجهة نظري هو ضيق الكنبة ومعدل إلاستهلاك عالي نسبيا والعفشة ناشفة شويتين
والعيوب تتحول الى إيجابيات في الشكل الجديد والمميزات تتحول أيضا الى سلبيات
يعني شوف انت محتاج إيه من العربية وقرر
انا لو مكانك هشتري الشكل الجديد وهضمن على ألاقل ان السيارة ليست منتشرة في الصعيد مثل القاهرة
والى ان تنتشر معاك 3 سنين على الاقل
ولو هتشتري يفضل تشتري السوبر صالون
بصراحة شكل الاسويلر والجنوط الاسبور تحفة
وربنا يوفقك
انا بشكركم جدا
وان شاء الله هصلي استخارة واللي فيه الخير هيكون باذن الله
رأي القديمة ..
سالت معرض قالولي الشكل القديم 107000
والجديد 113000
الاسعار دي طبيعية ولا ايه ؟؟؟؟؟
الشكل القديم اوتو ب 97 منيول ب 93
فعلا القديم أوتو عند سمير ريان ب 100000جم , وبجد والله مش تحيز الشكل القديم أشيك بكتير بالذات مقدمه العربية , وفى النهاية هيه أذواق وربنا يوفقك للخير
السلام عليكم
لو أنت حضرتك محتاج عربيه واسعة ومريحه جدا فى المطبات والعفشه يبقى لازم تجيب الشكل الجديد ويا سلام لو معاك سواق
يببقى ربنا كرمك اخر كرم أنا بجد بحب اركب فى المقصورة الخلفية
كتير مع ان أغلب الوقت أنا اللى بسوق بس هى معموله لواحد مدير وعاوز يقعد كده براحته ويحط رجل على رجل وينفرد المسند ويشغل المروحه الخلفية ويشرب شأى ويقرأ الجرأيد
أنا فى رأى ان الموديل ده مش معمول الا كده
مش عاوزه شاب وجرى واهانه العربية
اللى يركب يحسس عليها وبحترمها علشان تحترمه
عاوزه اخر التلاتين ومن بداية الاربعين
والله الموفق