المشاركة الأصلية كتبت بواسطة Samir Elshahawy
(1).. تكمل علي طول من عند كارفور المعادي (امارات مصر) في أتجاه التجمع و مدينة نصر
حلو كده ؟؟
(2).. هاتعدي أول نفق (نفق التجمع الخامس) و هاتطلع منه علي يمينك توكيل تويوتا
ماشي ؟؟
(3).. هاتلاقي بعد كده نفق تاني (التجمع الأول) أنزله برضه و كمل علي طول و خليك ماشي
(4).. هاتلاقي بعد كده محطة موبيل علي يمينك ... هنا بقي هدي و أبدأ خد يمين
هاتنزل من الدائري أول فتحة بعد المحطة لطريق السويس - في أتجاه السويس و الرحاب
(5).. كده أنت نزلت من الدائري و بقيت علي أول طريق السويس , هاتمشي شوية هاتلاقي مدرسة كبيييييرة علي يمينك (المدرسة الانجليزية الحديثة) كمل علي طول بعدها هاتلاقي دخلة يمين
(مدخل الرحاب 1)
ادخل منها .. هاتلاقي كمين شرطة عدي منه و كمل هاتوصل لصينية كبييييييييييرة
خلي بالك و انت بتعديها علشان طيارات هيونداي و كيا العابرة للصواني هههههههههههه
كمل علي طول .. كده الرحاب علي شمالك أمشي لحد ماتلاقي أول يوتيرن شمال
لف و أرجع .. هاتلاقي محطة موبيل علي يمينك و جنبها لزق بوابة 13
أدخل منها (خليك في الحارة الشمال) و لو حد كلمك قوله داخل للمهندس / سمير جوه في مجموعة 88
أدخل ياباشا و كلمني و أنا هأوصف لك الطريق يا أما هأجي لك