الموضوع: مقابلة هيونداي لشهر مايو (بالرحاب)

المشاركة الأصلية كتبت بواسطة matantawy

بس انا معرفش اى حد، هعرفكم ازاى ؟ :d
العربات عليها استكر انما انتوا بقي اعرفكم ازااااى؟ :d

بسيطه يا جميل
اي عربية من اللي عليها الاستيكرات دي اخبط عليها جامد الانذار هيشتغل وفي اقل من ثانية هتلاقي الشباب كله عندك

بس بصراحه مش متاكد ان كنت هتلحق تعرفهم بنفسك قبل ما تضرب ولا مش هتلحق

المشاركة الأصلية كتبت بواسطة samir elshahawy

حضرتك اتفضل شوف الموضوع ده

http://www.nilemotors.net/nile/350377-a.html

ده عن العروض الخاصة بقسم هيونداي و فيه لينكات عن مواضيع الاستيكر الخاص بالمنتدي و المميزات اللي بيحصل عليها حامل الاستيكر

أما أستيكر هيونداي تيم فهو أستيكر مكمل و فيه منه لباقي الاقسام
يعني : نيسان تيم - تويوتا تيم - رينو تيم ..... و هكذا

في بعض الاحيان بيكون للأقسام خصم أضافي عن خصم المنتدي و في هذه الحالة وجود الاستيكر الفرعي هو اللي بيفعل هذا الخصم الاضافي

شكراً يا باشا
هدخل اقرا عشان افهم ايه الموضوع

المشاركة الأصلية كتبت بواسطة mhkorayem

بسيطه يا جميل
اي عربية من اللي عليها الاستيكرات دي اخبط عليها جامد الانذار هيشتغل وفي اقل من ثانية هتلاقي الشباب كله عندك

بس بصراحه مش متاكد ان كنت هتلحق تعرفهم بنفسك قبل ما تضرب ولا مش هتلحق

هطبع الاستيكر على تى شيرت و البسها عشان تعرفوا انى تبعكم

المشاركة الأصلية كتبت بواسطة matantawy

هطبع الاستيكر على تى شيرت و البسها عشان تعرفوا انى تبعكم

كده يبقى احتمالات الضرب قلت بنسبه 50%
اقعد ادعي بقى الشباب ياخدوا بالهم من التشيرت

المشاركة الأصلية كتبت بواسطة kazamodia

انا مش معايا هيونداي بس انا ساكن في الرحاب واحب اقول لكم اتقابلو في الفود كورت احسن المكان هناك تحفة بجد خصوصا وقت الغروب قطعة من دبي او لندن واحلى من السوق بس طبعا اغلى بكتييييييييييييييييييييير

وخلو بالكوا ان الامن مشدد شوية على اللي داخل اليومين دول وممكن يرخم معاكم فيا ريت يكون في حد ساكن في الرحاب عشان يدخلكم معاه ويضمنكم

أنا ساكن في الرحاب برضه و يسعدني التعرف أليك و أنك تشرفنا في المقابلة
مش لازم يكون معاك عربية من أساسه لأننا أحنا اللي بنتقابل مش العربيات

أما عن الفود كورت فأنا لا أفضله للأسباب التالية :
1- يوم الحمعة بيكون زحمة موووووووت و خنقة
2- مافيش مكان واسع نركن فيه عربياتنا
3- لكن السوق عندنا كذا مكان نركن فيه العربيات بالاضاقة لقربه من مراكز الخدمة و بأفكر حضراتكم بعرض بريدجستون اللي هايكون في أنتظاركم

أما بالنسبة لبوابات الدخول مافيش اي مشكلة و اي حد توجهه أي مشاكل بس يكلمني في التليفون

الأخوة الكرام ..


بداية بأرحب بكم بالنيابة عن قسم هيونداي في مدينة الرحاب يوم الجمعة القادمة بأذن الله , و سأقدم لحضراتكم وصفا تفصيليا للطريق للقادمين ألينا في المقابلة بأذن الله

أولا.. خريطة لموقع الرحاب

بداية كده للقادمين من أتجاه المعادي بأستخدام الطريق الدائري :
هاتكمل زي ما أنت و تعدي أول نفق (التجمع الخامس) و تاني نفق (التجمع الاول) و تكمل علي طول لحد ماتوصل محطة موبيل و تنزل بعدها علي طريق السويس
هاتمشي شوية و يقابلك أول مدخل للتجمع الاول بعد المدرسة الانجليزية الحديثة , سيبه و كمل هاتلاقي مدخل الرحاب 1

للقادمين من مدينة نصر :
تأخد ذاكر حسين و تخترق سوق العاشر للسيارات و تكمل علي طول في أتجاه زهراء مدينة نصر و منها تطلع علي الدائري , هتأخد الصينية شمال و تطلع الدائري و تمشي حسب الوصف السابق أعلاه

للقادمين من مصر الجديدة :
هتأخد شارع الثورة و تطلع علي طريق السويس مباشرة و منه تكمل لحد ماتلاقي مدخل الرحاب 1

ثانيا .. المدخل الرئيسي

دي صورة المدخل الرئيسي لمدينة الرحاب (بوابة 13) بجوار محطة موبيل الرحاب
خلي بالك و أنت داخل , خليك في الحارة الشمال لأن اليمين للملاك فقط و بيتم فتح البوابة أليكترونيا بواسطة كروت ممغنطة مع المالكين فقط

ثالثا.. السوق الرئيسية

دي صورة المدخل الرئيسي للسوق و فيه ساحة كبيرة لأنتظار السيارات (الساعة ب 3 جنيه) و يوجد مداخل أخري للسوق و أماكن أنتظار أخري مجانية

الوصول الي السوق الرئيسية بأحدي طريقين :

الأول .. من خلال الدخول لبوابة 13 :
1- و منها هاتكمل علي طول , هاتقابلك صينية هتأخد يمين
2- هاتمشي هاتلاقي جامع كبير لونه أحمر و وراه المول التجاري رقم 2 كمل لحد ماتوصل لصينية تانية هاتقطعها و تمشي علي طول
3- هاتوصل لمدرسة علي شمالك كده هاتلاقي الطريق بينزل و بيأخدك لصينية ثالثة هاتكمل علي طول و هايبقي الفود كورت علي شمالك
4- كمل علي طول لحد ماتوصل للصينية الرابعة
كده السوق قدامك علي اليمين

الثاني .. بوابة 6 :
لما توصل الرحاب ماتعملش يوتيرن علشان تدخل من بوابة 13 و كمل علي طول بحيث تبقي الرحاب علي شمالك , هاتلاقي صينية كبيرة , لف معاها شمال بحيث تفضل الرحاب علي شمالك برضه

هاتمشي شوية و هاتلاقي يوتيرن و العربيات بتدخل منه في الاتجاه المعاكس أدخل معاهم
هاتوصل لبوابة 6 (قدامها موقف عشوائي للميكروباصات - خلي بالك) هاتدخل من البوابة

هاتلاقي جهاز المدينة علي يمينك كمل علي طول لحد ماتلاقي مطب حديد صغير عديه و أدخل أول يمين ... كده أنت دخلت السوق

كمل علي طول هاتلاقينا قاعدين في أخر كافيتيريا علي اليمين (زلط)