أولاً ألف مبروك على العربية وربنا يرزقك خيرها ويكفيك شرها
ثانياً ... العربية مش مخنوقة ولا حاجة ...خد عندك المعلومات دي علشان تبقى واخدها مقياس:
سرعة 80 ...عداد لفات المحرك بيكون تحت 2000
سرعة 90 ...العداد بيعمل 2000 بالظبط
سرعة 100 ... العداد بيعمل 2500
سرعة 120 ... العداد بيوصل 3000
يعني طبيعي على 60 واللفات 1600 ... عايز تتسارع على السرعة دي (60) تعمل حاجة من اتنين : يا ترفع رجلك وترجعها تاني على البنزين بشكل أقوى سنة بسيطة ... يا تضغط على زرار OverDrive في الفيتيس وتخلي اللمبة بتاعته تنور عندك في العداد , العربية هاتعلق على التالت وتدي بنزين جامد .... خد بالك انت كدة بتجبر العربية تحرق بنزين ... ماتستمرش على كدة غير علشان التخطي بس
اما بخصوص التيل ... النوع القديم اللي نازل مع العربية بالغ السوء وبيهبب دايماً .... وده معناه انه بيتاكل بسرعة ...وخد بالك انك لازم تخليهم يكشفوا عليه كل 5000 كيلومتر
النوع الجديد حتى الآن مافيش منه هباب لأني كنت غيرته على 20000 كيلومتر ... ربنا يرزقك خيرها ويكفيك شرها
المفضلات