أعصابك يا حاج علشان صحتك :ma:
انتا بتتكلم عن مشكلة
باتت اساسية فى شورعنا
تحياتى للجميع
انت جيت على الجرح والله - انا فى منطقة عين شمس - و الركنه من كام سنة بقيت نيلة أوى - و بدأت بعض الناس تحط موضوع الحديد ده
الحقيقة بيكون هاين عليا أساويهم على الارض بضهر العربية - بس معرفش ممكن يحصل ايه و انا بخاف على عربيتى
منهم لله
انا من الناس اللى كنت عامل حديد ادام بيتنا ودا عملته بعد كذا موقف
واجهة العمارة صغيرة عبارة عن المدخل و بابين للمخزن يعنى مفيش حيطان على الشارع خالص
بعض الجيران ربنا كرمهم وجابوا عربيات حديثة وعندهم عربية تانية قديمة وطبعا مبيستخدمهاش خالص
يقوموا يركنوها ادامنا يسدوا بيها ابواب المخزن وكمان باب العمارة
اقسم بالله وصلت بينا ايام كنا بنطلع من فوق كبوت العربية علشان ندخل العمارة
لان العمارة مفيش ادامها رصيف والبهوات بيلزقوا العربية في الباب
في البداية اتكلمت بكل زوق وكان رد الناس دا شارع الحكومة واركن فين يعنى هتلى مكان وانا راكن فيه
رغم ان نفس الناس كانوا بيتخانقوا مع سكان عمارتهم لو سدوا مدخل عمارتهم
دا غير ان علشان نحط بضاعة في المخزن العربية بتقف في اخر الدنيا والعامل اللي بياخد 50 جنيه بياخد 100 علشان بيمشي مسافة كبيرة
وتيجي تسأل بواب عن صاحب عربية يقولك مسافر او في الشغل او مفاتيح العربية ضايعة
لحد ما صبري خلص وشتمتهم افظع الشتايم وحلفت لو اى عربية هلاقيها ركنة في خلال 5 دقايق هكسرها
وفعلا المسافر رجع واللى في الشغل جه واللى مفاتيحه ضايعة لقاها وشالوا عربيتهم في اقل من 5 دقائق
وقعدت فترة كبيرة كل اللى يركن ابهدله لحد ما ناس قالتلي ركب حديد علشان تريح دماغك بدل الخناق
وفعلا عملت الحديد بسبب الناس اللى معندهاش دم اللى بيرموا عربياتهم بالشهور من غير ما يحركوها
في ناس هتقولي برضه ملكش حق تعمل الحديد
هرد عليه واقوله بس من حقي ادخل العمارة اللى ساكن فيها
ومن حقي افتح المخزن بتاعي واخد بضاعتى زى ما انا عايز من غير ما اتحايل على حد ينزل يشيل عربيته
في منطقة الطوابق فيصل _ وتحديدا شارع الصا والمروة ..
فيه قطهة ارض معمولة جراج هناك يباخد 600 عربية
اجرة العربية في الشهر الواحد 110 ج
الناس حتى لو فيه مكان في الشارع كل اللي معاهم عربيات جديدة بيركنوا هناك
والجراج مفيهوش مكان خالص
مشروع الجراج ده في المناطق المزدحمة ممتاز جدا على فكرة
الحمد لله الواحد رجع الفيوم تاني بعد قرف القاهرة ..... تركن في اي حتة مهما كانت زحمة لو ركنت 50 متر بعيد تبقى زعلان قوي ومصر تروح تركن قدام المكان اللي انت عايزة
لما كنت ساكن في فيصل كنت بعاني من المشكلة دي .... كنت بركن في زاوية العمارة والراجل صاحب المحل اللي جنبها زعلان جدا علشان مش عارف يركن مستريح ... بيتزنق شوية وهو بيركن .... وانا حاطط نص العربية في الشارع وهو يا دوب عربيته مطرفة برة 30 سم وكل شوية يكلمني علشان احرك العربية ......
حاجة مستفزة فعلا
[quote=windofchange;3874944304]الارض ارض الله قال الحبيب صلي الله عليه وسلم ((أيما رجل ظلم شبراً من الأرض كلفه الله أن يحفره حتى يبلغ آخر سبع أرضين ،ثم يطوقه يوم القيامة حتى يُقضى بين الناس)) [url=http://www.alminbar.net/alkhutab/khutbaa.asp?mediaurl=2447]
ده لينك لموضوعى خاص بنفس المشكلة
http://www.nilemotors.net/Nile/341156-a.html
لو الدوله بتخطط مدن جديده ليها طريق واسع مرصوف لأقرب محافظه
عليه نقطه اسعاف واحده
ليه وسيله مواصلات واحده بوقت محدد
فيها تخطيط لأطوال الشوارع وعرضها وشكل المبانى ومساحتها وراتفاعها والفراغات بينها والمخالف تتشال مخالفته على حسابه غير المحاسبه القانونيه
الشوارع فيها الخطوط الرئيسيه من الخدمات مياه صرف غاز كهرباء تليفونات
فيها نقطه شرطه ومستشفى ومخبز ومدرسه واحده لكل مرحله
فيها تفريق بين المنطقه السكنيه والخدميه وايهم يصلح للتواجد فى المنطقه السكنيه يعنى صيدليه ولا سمكري
فيها تحديد لمساحات المتاجر يعنى مينفعش محل خمسه متر يبقى مكيانيكى
لو طلع ان العيب مفيش عندنا ناس بتعرف تخطط نستعين بناس من بره
------------ لو كده ممكن يبقى فيها حاجه حلوه ---------
ونسيبلهم شوارعهم الضيقه بخنقتهم بمتاريسهم بباباغنوجهم يشبعوا بيها
احنا عندنا جراجات فى المنطقة بس الغالبية سعة 20 عربية ماكسيمم ومفيهاش مكان ومفيش حتة ارض فيكى يا شبرا الا وبتطلع عمارات سكنية وربنا يبارك فى رئيس الحى اللى هايودينا فى داهية
وربنا يكرمنا بقى ونروح مدينة من المدن الجديدة لكن حياتنا وشغلنا ودراستنا مرتبطة بالمنطقة ومش هانعرف ننقل منها دلوقتى خالص