ما هو اقوى تكييف سياره يابانى؟

**Ramy.Gamal** · 13-08-2008 08:37 PM

بسم الله الرحمن الرحيم

ونحن فى منتصف فصل الصيف واكيد كلنا بقالنا اكتر من شهرين مشغلين التكييفات فى عربياتنا و طبعا كلنا عارفين ان العربيات اليابانى التكييف بتاعها قوى وواخد شهره عاليه بدليل ان فى الخليج اعلى طلب هناك على السيارات اليابانى بسبب قوه تكييفها .مع انى لحظت فى منتدى كل ماركه يابانى اجد بعض الملاك يشتكون من تكييف سياراتهم وتكون الردود ان هذا ليس الطبيعى وانهم فى التوكيل سيقومون بأصلاحه .وكذلك واحد صحبى يمتلك لانسر سبورت خليجى 2008 عندما ركبت معه وجدت التكييف ضعيف جدا مقارنتا بعربيتى وكنت اود ان اعرف من الساده الاعضاء هل هناك ماركه فى اليابانى تكييفها افضل من اخرى ام انهم مستواهم واحد اذا كان المكييف مظبوط وانا عن تجربتى لما ركبت الكورولا والمازدا3 والصنى اليابانى لقيت التكييف متقارب جدا مع اللانسر

**أبو عبدالله** · 13-08-2008 08:53 PM

تويوتا بدون منازع أكيد

**Ramy.Gamal** · 13-08-2008 09:03 PM

المشاركة الأصلية كتبت بواسطة أبو عبدالله

تويوتا بدون منازع أكيد

طيب و الجنوب افريقى اقوى من تكييفات العربيات اليابانى اللى جايه من اليابان ولا اقل منها ؟ ,وبعدين انا سمعت من ناس كتير ان تكييف الياريس ليس بكفاءة الكورولا هل ذلك صحيح ام لأ؟

**Hassan Khalil** · 13-08-2008 09:13 PM

امممم
انا ركبت معظم الياباني اللي نعرفه .. جديد و قديم ..ما عدا السوبارو
اعتقد ان تكييفات النيسان افضلهم

**شاهين - بنز** · 13-08-2008 10:37 PM

أكيد أقواهم التيوتا من غير منازع وأضعفهم المتسوبيشي

**Rsarabia** · 14-08-2008 01:59 AM

معلش يا شباب بس هقول الهوندا بعدين تويوتا و اخر حاجة ميتسوبيشى

**Ramy.Gamal** · 14-08-2008 02:47 AM

هناك بعض ملاك الكورولا الجنوب افريقى اعطوا تقييم تكييفها 8/10 من تكييف الكورولا اليابانى فهل يتفق باقى الملاك على هذه النسبه ام ان لهم تقييم اخر؟
-------------------------------------
نقطه اخرى انا ارى انها عيب قاتل والوحيد فى تكييف المتسوبيشى ان قوه اندفاع الهواء من الفتحات الوسطانيه ضعيف جدا بما لا يسمح للركاب الخلفيين من الشعور بتأثير المكييف وخصوصا صباحا .انما الراكب الامامى والسائق الفتحات الجانبيه قويه ومؤثره ده طبعا بالنسبه للبوما ولأ اعرف اى تقييم بالنسبه للشارك بس معظم ملاكها يشيدون بتكيفها بشكل عام وليس لهم ملاحظات عليه

**ahmad7610** · 14-08-2008 09:46 AM

من زمان معروف بين تجار السيارات مقولة ...( تكييف النيسان ليس له مثيل )
ركبت نيسان 95صنى وكورولا 94 وفعلا النيسان كان أقوى ( العربيتين كانوا زيرو )
حاليا المقارنة صعبة لأن النيسان صنى مش يابانى
-
وكمان لازم تقارن بين عربيات 1600 لان ال 1300 حيكون مظلوم بينهم
-
أعتقد ان تكييف تويوتا كورولا 1600 يابانى و لانسر 1500 و السوبارو
شغالين بدون مشاكل وبيرضوا أصحابهم وده الأهم ...

**blazer** · 23-08-2008 08:40 AM

انا بحس ان التكيفات فى العربيات اليابانى اللى فى مصر مراوح
لو قارنته باى تكييف عربيه نازله من الخليج الفرق بيكون شاسع

**Ramy.Gamal** · 26-08-2008 02:42 PM

المشاركة الأصلية كتبت بواسطة blazer

انا بحس ان التكيفات فى العربيات اليابانى اللى فى مصر مراوح
لو قارنته باى تكييف عربيه نازله من الخليج الفرق بيكون شاسع

انا سقت عربيه واحد صحبى لانسر سوبر اكشن خليجى ولقيت المكيف ضعيف جدا يعنى على سرعه 4 عنده زى 2 عندى وانا عربيتى مواصفات مصرى .بس مش عارف هل فيه عيب عنده ولا هى كده