صدى صوت فى حرارة التليفون !

**Caspoor** · 22-04-2013 04:38 AM

[OVERLINE]

السلام عليكم ورحمة الله وبركاته،

دلوقتى ياجماعة أنا أنا بعت طلب اشتراك لشركة TE Data وقالولى إن الخدمة حتيجى فى خلال 21 يوم، فات اسبوع بالظبط ولقيتهم ركبوا الخدمة وبعتولى بيانات الـADSL بتاعتى ( وديه حاجة حلوة طبعاً لأنهم ركبوا الخدمة بسرعة ).

المشكلة بقى إن فى اليوم اللى قالولى ركبوا فيه الخدمة حرارة التليفون باظت ( مع العلم إن أنا الحرارة كانت كويسة جداً قبل مايركبوا الخدمة بيوم واحد فقط )، المهم المشكلة اللى كانت فى التليفون إن الارسال كان بايظ، يعنى لما كنت باجى أكلم حد بيدى رنتين ويقوم فاصل لكن الاستقبال كان كويس جداً، المهم رحت السنترال أكثر من 8 مرات وروحت للمدير مرتين وكانوا كل شوية يقولولى خلال 48 ساعة .. خلال 48 ساعة .. خلال 48 ساعة ! ومفيش حاجة بتتصلح، لغاية مافيه واحد قالى "حتروح البيت حتلاقى الحرارة موجودة"، وأنا مروح بقى قولت خلاص المشكلة حتتحل أخيراً، فوجئت لما روحت البيت لقيت الحرارة باظت خالص والأستقبال باظ كمان !، ولما باجى أكلم حد بيبقى فيه صدى صوت ولما حد بييجى يكلمنى صوت الحرارة بسمعوا مع اللى بيكلمنى وبالكاد بسمع اللى بيكلمنى !

المهم بقى أنا زهقت ومش عارف أعمل ايه مع بتوع السنترال دول، روحتلهم كذا مرة وبردوا مفيش أى حاجة بتحصل، ياريت لو حد حصلتلوا المشكلة ديه قبل كدا يقولى حليها إزاى أو يقولى المفرود أعمل ايه عشان المشكلة تتصلح فى أقرب وقت عشان أنا تقريباً كل شغلى من على النت وبحتاجوا جداً، وفلاشة النت مش بتقضى الحاجات اللى بعملها.

آسف على الإطالة، تحيآتى.

[/OVERLINE]

**Ayman-Ahmed** · 22-04-2013 10:32 AM

تقريبا كانت نفس مشكلتك عندى وبعد زهق ولف كتير اعمل الاتى :

-تكلم 111 وتبلغ عن عطل فى التيلفون.هيجى واحد من السنترال وتقوله على المشكلة وتعرف منه بالتفصيل حلها من السنترال ولا من الPort بتاع النت اللى راكب فى السنترال.

-قالك من البورت تكلم خدمة عملاء Te-data وتقولهم ان المشكلة حسب كلام المصرية للاتصالات من البورت بتاعى وعاوز اعمل شكوى وتاخد رقم الشكوى وهتابع الشركة معاك لحد ما يحلوا المشكلة.

وده كلوا طبعا لو مفيش خدمة انترنت شغالة وفى جميع الاحوال انصحك بالاتصال اولا ب 111.

**ابو لؤى** · 22-04-2013 02:44 PM

ركب اسبليتر ياباشا

**youssef_u** · 22-04-2013 03:18 PM

كلم ١١١ انا كلمتهم قبل كده يوم جمعه الصبح جالي الفني عالعصر و صلحه و كله تمام

**مزمار وحيد** · 22-04-2013 03:49 PM

نصيحه كلم تى داتا فقط وهما يحلوا المشكله من خلال فنى الشركة فى السنترال بدل ما حدوخ وتدفع إكراميات بدون لازمه وفى الاخر هما بيحلوها

**Caspoor** · 23-04-2013 12:15 AM

المشاركة الأصلية كتبت بواسطة youssef_u

كلم ١١١ انا كلمتهم قبل كده يوم جمعه الصبح جالي الفني عالعصر و صلحه و كله تمام

يعنى سبب المشكلة من البيت عندى مش من السنترال ؟ وانت كان عندك نفس المشكلة ديه ؟

**sas5** · 23-04-2013 09:55 AM

اخى العزيز
بعد اذنك تشرح لنا كيف تم حل المشكله - وكانت ناتجه عن ماذا ؟

**Sherifmt** · 23-04-2013 10:05 PM

ركب اسبلتر علي الخط الرئيسي وخد منه خط للتليفون وخط تاني للراوتر تمنه رخيص ومش محتاج....تحياتي ودعواتي من مكه (:

**khaled_sabry** · 23-04-2013 10:54 PM

يتهيألى الحل للحوار بتاعك هو تركيب اسبليتر (ب 15 جنيه كله على بعضه ) على الخط اللى داخل للشقه
و ده حتلاقى طالع منه خطين واحد للتليفون وده توصله لباقى الشقه
و يطلعلك خط تانى للراوتر

**Caspoor** · 24-04-2013 12:34 AM

أنا مركب Splitter أصلاً.

الموضوع: صدى صوت فى حرارة التليفون !

LinkBack

أدوات الموضوع

عرض

-

-

المواضيع المتشابهه

هل فى الكاسيت صدى صوت

صدى صوت الكهف

صوت لأبو تريكه فى إستفتاء صدى الملاعب

هل حياتك صدى لافعالك؟!

حرارة الموتور الخارجية (حرارة عالية خارجة من الكبوت).........

الكلمات الدلالية لهذا الموضوع

المفضلات

المفضلات

ضوابط المشاركة