الموضوع: عاوز اشتري باكية في الجراج وعاوز اعرف الاجراءت القانونية؟

20000 بس ؟؟؟
تعالى هنا عندى على أول الشارع فى عمارات الدلتا فى زيزينيا فى اسكندرية سعر الباكية سنة 98 كان 35000 الف و دلوقتى اسمع انها وصلت 65000 يعنى ثمن عربية زيرو صغيرة.
من رائى حط ال 20000 دول فى البنك و ايرادهم صلح بيه العربية لو حصلها حاجة او ادفع بيهم ايجار الجراج

المشاركة الأصلية كتبت بواسطة dehumanizer

رأيي أجرها احسن

شكرا لردك يا غالي

المشاركة الأصلية كتبت بواسطة mo3tazelgamal

أشترى ثم أشترى ثم أشترى
أنا غلطت الغلطه دى ما أشتريتش وقلت اأجر ودلوقتى كل أول شهر بحط إيدى على قلبى أحسن صاحب الجراج يقولى مع السلامه

شكرا لرلدك يا باشا
بس علي فكره انا حقسط المبلغ دة
يعني ممكن اخدها ل 25 بس قسط

المشاركة الأصلية كتبت بواسطة Ahmed Samy

الموضوع ده ليه شقين
الأول مكان للركنه
و الثاني صيانه للعربية

و بما ان العربية لادا و من مميزاتها رخص قطع الغيار يبقى مش هتحط ايدك على قلبك لو ركنتها ركنه حلوة في الشارع زي ما لو كانت من البلاوي اللي بـ 200 الف ولا ميجان ولا أي حاجة قطع غيارها غالية و بتتبهدل بسرعة

اللادا بسم الله ماشاء الله حمولة و غطاء كويس و انتهينا

انما موضوع الركنه هو المشكلة يبقى انت شوف الحكاية دي تستاهل 20.000 الف ؟؟؟؟

لو هاتأجرها بعد ما تبيعها تبقى مش محتاجها فعليا (يبقى فلوسك في جيبك و ابني في حضني)

من رأيي كده أجرها سنة و للا سنتين قدام مرة واحدة هاتدفع 120 *12=1440 جنيه في السنة و ضمنت ركنه كويسة و ماتعورتش في فلوس جامدة

و بعدين ربنا يحلها

شكرا لردك يا باشا
بس انا معايا لادا دلوقت
مش عارف كمان سنتين يكون معايا اية
اكيد حغير
وانا لو اجرتها وحطيت الفلوس في البنك مهو قيمة الجنية بتقل ,يعني لو حيجي لي فايدة في الشهر 200 جنية كمان سنتين تلاتة الباكية حتزيد وقطع الغيار حتزيد والفائدة حتقل وقيمة الجنية حتكون ضعيفة جداا

المشاركة الأصلية كتبت بواسطة gemino

20000 بس ؟؟؟
تعالى هنا عندى على أول الشارع فى عمارات الدلتا فى زيزينيا فى اسكندرية سعر الباكية سنة 98 كان 35000 الف و دلوقتى اسمع انها وصلت 65000 يعنى ثمن عربية زيرو صغيرة.
من رائى حط ال 20000 دول فى البنك و ايرادهم صلح بيه العربية لو حصلها حاجة او ادفع بيهم ايجار الجراج

طبعا يا باشا ودة عشان زيزنيا مش ميامي
وكل منطقة ولها سعر