سؤال مهم جدا برجاء المساعدة
السلام عليكم جميعا
استفسار بسيط بس ارجو ان يساعدنى احد فى الاجابة عليه :
دلوقتى انا كان معايا عربية 128 و بعتها ، عملت عقد بيع ابتدائى ، و طبعا كتب فيه المشترى انه استلم العربية يوم كذا و الساعة كذا ، و كمان عملتله توكيل يحق فيه البيع لنفسه و للغير و التوكيل للغير .
و كمان على صورة التوكيل امضائه انه استلم اصل التوكيل ..
السؤال ، هل كدة جميع الاجزاء سليمة فى عملية البيع ؟؟ و هل هناك اى مسئولية عليا ليس لها حل اذا قام المشترى بعمل شيىء ما لا قدر الله ؟
برجاء الاجابة لان السيارة لسة فيها رخصة سنة ( معى صورة الرخصة )
و مش عارف بصراحة اشيل الموضوع ده من دماغى ولا فى حاجة المفروض تانية تتعمل ؟
سمعت كلام عن وجوب اخطار المرور او اخطار الشهر العقارى ، لا اعلم كل واحد يقول رأى مختلف عن الاخر ...
شكرا لكم جميعا و السلام عليكم