>>> >> سلسلة كبسولات قانونية – تهديد فتاة على الانترنت بصور فاضحة كاذبة أو مفبركه
سلسلة كبسولات قانونية – تهديد فتاة على الانترنت بصور فاضحة كاذبة أو مفبركه
@طب لو سمحت لو كانت يعني ... يعني .. حقيقية ..
وحتى لو حقيقية ..
عليك فورا ابلاغ الاهل ..
@صعب اني اعمل كده !ّ
اكيد حيتفهموا الموقف . وحيعملوا كل جهدهم لاحتواءه
@طب ممكن انا احاول اتفاهم معاه ؟
الشخصية الحقيرة اللي تعمل كده .. اكيد ليها اغراض وهدف .
وبتواصلك المباشر معاه .. بتفتحي ليه
ولشيطانة الباب ..
لاستدراجك مثلا .. او ابتزازك .
ويمكن يتطور الامر لاسقاطك في فخ الرذيلة والعياذ بالله.
@انا مش ممكن اعمل كده ؟
صعب تتوقعي اي شئ .. عشان كده لازم تبلغي اهلك طوالي .
والتوجة الى مباحث جرائم المعلومات والحاسبات بمديرية الامن التابعه لك ..
لاتخاذ الاجراءات في مواجهة هذا الشخص قبل ان تتطور الامور بشكل سئ . ليتم تنظيم كمين له والقبض عليه .
أي محاولة للاعتماد على النفس فقط ستؤدي الى كوارث .
@انا حتفضح ؟
كان لازم تخدي بالك ..
وما تصوريش نفسك .. وانت بملابس عارية ..
او بشكل غير لائق ..
حتى لو كان لنفسك .. ولاستعمالك الشخصي بس .
او حتى عن طريق صديقة ليكي .
لان اكتر الصور المتسربه بتكون من بنت صديقة او قريبة .. تحقد على البنت .
او تسرق من موبايلها الصور من غير ما تحس .
@فعلا ده اللي حصل مع واحده صاحبتي قبل كده .. وحصل معايا ؟
غير بقه .. انك تكوني على علاقة بواحد ..
وتندفعي في مشاعرك وتسمحي له بتصويرك معاه ..
او بشكل مش كويس ..
تحت تأثير مخدر الحب والغرام .. والامل في البيت السعيد والمستقبل .
مش قادره تشوفي خطورته عليكي .
مثلما حدث لفتيات من قبل ووقوعهن في فخ الرذيلة تحت التهديد ..
وانهيار اسر بسبب شخص تافه . واي استجابه فردية للشخص ستؤدي الى مزيد من السقوط والخساره .
@ده اخد صور ليا من النت .. وركبها على صور بنات مش كويسه !!!
عشان كده بنقول ان على كل فتاة أو اخت او امرأة ان تتجنب نهائيا وضع صور شخصية حقيقية لها ..
على الانترنت او الفيس بوك ..
لان اي مريض او ضعيف نفس .. يعجب بها .. سيستخدم برنامج ..
لا يساوي جنية .. ليدمر مستقبلها ويشوه سمعتها ..
@طب ايه اللي ممكن يحصل له ويحصل للصور .
هو بخلاف السجن .. والقضاه في مثل هذه الامور مش بيرحموا امثالة ..
بالاضافة لتضبيطه في قسم الشرطة .. بمعرفة الاخوه المخبرين او السجناء ..
طبعا حيتفضح هو نفسه في بيته وبين اهله ومنطقته ..
بالاضافة للتواصل مع المواقع المنشور فيها الصور وكذا جوجل ..
لمسحها من الكاش .. او الذاكره لديهم .
@انا خايفه قوي .. بابا وماما ممكن يموتوا فيها .
ما تقلقيش ربنا موجود .. المهم ما تعمليش كده تاني والموضوع حيتلم باذن الله .
وفي النهاية من يتق الله يجعل له مخرجا ..
وربنا يستر علينا جميعا .
حافظوا على اخواتكم وبناتكم وزوجاتكم من هذه الامور
وعالجوها بهدوء شديد
تحياتي