حد قابل المشكلة دى فى ال a113 ؟

**mastershot** · 22-04-2013 06:17 PM

دواسة الدبرياج بقت بتقفش قفشة بسيطة فى أخر المشوار بتخلى الدواسة متترفعش بسهولة لما أجى أقوم بالعربية.. ده غير أنى بالاقى العربية بتنتش على السلانسيه و انا ماشى على الأول و شايل رجلى من على الدبرياج.. نقطة تانية برضو أنى بسمع صوت النقلات و انا بحرك الفتيس، يعنى مثلا بسمع الطق لما أخرج من النقلة التانية و برضو و انا بعشّق النقلة التالتة.. هل ده اللى اسمه التصقيف؟
مع العلم ان العربية 2013 و لسة ما كملتش ال 1000 كيلومتر.
شكرا جزيلا

**hugan** · 22-04-2013 06:28 PM

بسيطه ان شاء الله
دواسه الدبرياج ليها سوكيت اسفلها يتم ضبطه مع حركه الدواسه
في صيانه ال 1000 بلغهم بيها

**hugan** · 22-04-2013 06:45 PM

المشاركة الأصلية كتبت بواسطة mastershot

شكرا على ردك... بس هل دى حاجة بسيطة أقدر أعملها ولا لازم أستنى لما أروح التوكيل؟

اظن مش هاتعرف
لكن العمليه بسيطه جدا
بتسحب السوكيت الموجود اسفل الدواسه للاعلي وليكن بايدك الشمال

وتدوس دبرياج بايدك اليمين
وبكده بتظبط دواسه الدبرياج مع السوكيت الموجود اسفلها
يفضل انك تروح التوكيل او حد متخصص في اسبرانزا

**hugan** · 23-04-2013 10:26 PM

المشاركة الأصلية كتبت بواسطة mastershot

بقى فى مشكلة أكبر دلوقتى... العربية بقت زى ما يكون قافشة فى الارض كأن فرامل اليد مشدودة و بتعزم جامد فى الطلعة و باجيب 60 بالعافية و بشم ريحة كدا مش ولا بد!!!! دلونى لحسن أنا شكلى لبست فى الحيط فى العربية دى

حضرتك مش ناوي تعمل صيانه ا 1000
ماتقفلش من العربيه بدري
اطلع علي التوكيل وهما يظبطو كل الشغل المطلوب
وده حقك

**hugan** · 24-04-2013 09:47 PM

المشاركة الأصلية كتبت بواسطة mastershot

روحت التوكيل اللى فى العباسية النهاردة و قلتلهم على المشكلة.. استلم العربية قعدت ساعة و خرج يجربها و قاللى الدنيا تمام.. طب يا عم كان فى.. قالى كان فى شوية حاجات بسيطة ظبطناها.. قاللى جرب ولو فى حاجة ابقى تعالى تانى و كدة كدة انت لسة عندك صيانة ال 1000.. خدت العربية و مشيت بيها بعيد عن المركز راجع على كبرى الاباجية لقيت العربية قفشت تانى!!!!!!! فجأة تقلتو دواسة الفرامل حجرت و بقت مش قادرة تمشى حتى على التالت.. رحت راكن على جنب عشان أشوف أعمل ايه و ماكنش ينفع ألف و أرجع تانى عليهم.. بطلت العربية 5 دقايق و شغلتها تانى، لقيتها اتعدلت!!!!! بعد شوية رجعت تقلت تانى
أدى يا عم التوكيل اللى فالعباسية... ممكن يكون لما جه يجربها كانت مبطلة فكانت ماشية معاه..لكن هى بتحصل لمل تمشى مدة أطول بعد الدوارة!!
أنا قررت ما أرجعش تانى العباسية و أبقى أروح أبو رواش عشان شكل بتوع العباسية مابيفهموش!!

ربنا معاك
شيء محبط بجد