السلام عليكم يا أهل الخبرة
معايا بيرسونا 2013 ما شاء جميلة بس في مشكلة غريبة مش عارف حلها ايه
صوت غريب زي صوت تنفيس هواء من ناحية الدركسيون يختفي مع لف الطارة بالراحة سنة صغيرة لو سبت الطارة يرجع تاني مستمر طول ما انت ماشي لو وقفت وزوت بنزين يختفي علي ار بي ام 4000 والغريبة اكتر والعربية باردة الصوت ما يظهرش
روح لمركز عصام وصفا يشفوهالك ضروري لانها عربيه جديده ممكن اقولك حاجه وتطلع حاجه ولو ني اشك في زيت البور عاوز يتزود لكن برده الله اعلم لازم تروح تكشف عليها
جزاكم الله خيرا
انا روحت مركز عصام وصفا فك الطارة وزيت العمود وقالي اجرب لغاية صيانة 5000 بس بعد التجربة الصوت مارحش
بس انا حبيت اعرف ممكن يكون العيب ناتج من ايه
وبالفعل بصيت علي زيت الباور لقيتة مظبوط!!!1
الصوت ده من خرطوم الضغط العالي للباور منتشر و سهل علاجه خلي البشاوات يغيروه في الضمان لان الصمام الداخلي بايظ
اقتباس:
المشاركة الأصلية كتبت بواسطة dramrmostafa
يعني هما كده هيغيرو خرطوم الباور بس ولا صمام ده كمان
هو الصمام ده مكانة فين؟ طلمبة الباور ولا الاسكاترا
لأ الصمام مش في السكاترا ده في الوصله المعدن اللي خارج من الطلمبه