عرض للطباعة
السيارة اونو 94 المساعدين الاماميين خفاف شويه و بلى العجل الامامى خشن شوية والطنبورتين عايزين يتغيروا ايه رايكم اشترى ركبتين استيراد كاملين المساعد بالسوستة بالطنبورة كاملين ولا اشترى زوج مساعدين جداد وزوج طنابير جداد وزوج بلى جداد وده طبعا هيكلف كتير جدا وانا مش مستعد انما اركبتين الاستيراد بحوالى 500 من عزبة شلبى شكرا
ممكن تجيب مستعمل "مع اني مش بحب المستعمل خاصاً في المساعدين" بس خلي بالك لازم يكونوا استيراد مش استعمال هنا يعني علشان بيخدوا المساعد القديم ويصلحوة ومفيش اسبوعين تلاتة ويضرب.
الجديد جديد
ممكن تغير المساعدين فى مرة، والبلى والصرة فى مرة تانية
لكن المساعدين الإستيراد دى انا مدفعش فيها قرش صاغ
كلها بتضرب بعد اقل من شهر ، غير أنها من الأول بتكون خفيفة
طبعاً الجديد جديد
وانت بتتكلم على عناصر مهمة جداً في أمان العربية
وأنا أعرف إن المساعدين الاستراد ما بيستحملوش حاجة
نوكل على الله وهات جديد
بص يا ماجد في حاجات ممكن تجيبها استعمال زي الابواب مثلا الفوانيس الزجاج الموتور حتي انما حاجه العفشه و الفرامل بالذات اوعي تجيب فيها حاجه استعمال علشان اولا عمرك ما حتبقي عارف هيا مشيت اد ايه جايز تكون ما مشيتش خالص و جايز تكون عمرها الافتراضي قرب ينتهي.ف نصيحتي هات جديد و ريح دماغك .انا كان قدامي نفس العرض بتاك كده بس انا جبت جديد و بصراحه فرق جامد
الف الف شكر يا جماعة الواحد فعلا حاسس انه وسط اخواته واهله رغم ان احنا مشفناش بعض لكن الواحد بيحس بمشاعر الاحترام والتقدير للكل ربنا يكرمكم جميعا ويخليكم لينا انا نفسى يكون فى زى اجتماع لاعضاء المنتدى فى اى مكان او نادى او فندق نتعرف ببعض ويكون كل واحد على حسابة لان معرفة الناس فعلا كنوز الف شكر
اقتباس:
الف الف شكر يا جماعة الواحد فعلا حاسس انه وسط اخواته واهله رغم ان احنا مشفناش بعض لكن الواحد بيحس بمشاعر الاحترام والتقدير للكل ربنا يكرمكم جميعا ويخليكم لينا انا نفسى يكون فى زى اجتماع لاعضاء المنتدى فى اى مكان او نادى او فندق نتعرف ببعض ويكون كل واحد على حسابة لان معرفة الناس فعلا كنوز الف شكر
ممكن حضرتك تشوف الموضوع دة
http://www.nilemotors.net/Forum/viewtopic.php?t=3489
انا صوت لصالح العبور وربنا يسهل ونتعرف على بعض كلنا لانى مقتنع تماما ان معرفة الناس كنوز
معلش يا جماعه سؤال رخم ايه الركبة دى
لو فى صوره تكون أفضل
الركبه دي يا ميدو عباره عن المساعد بالياي بالبطاحه بتاع المساعد و شامله اسوانه الفرامل و الرولما بلي يعني بمعني اصح كل الجزء اليمين او الشمال في العربيهاقتباس:
معلش يا جماعه سؤال رخم ايه الركبة دى
لو فى صوره تكون أفضل