زيت الفرامل بينقص في اوبتر 2011 عامله 5000 كيلو مع العلم انه لم يصل مستوي الزيت في قربة زيت الفرامل الي العلامه min يعني فوق العلامه بحاجه بسيطه هل هذا طبيعي ؟؟؟ وهل ازوده ولا لا ؟؟؟ ولو زودته اجيب زيت فرامل كويس ايه ؟؟؟ وجزاكم الله خيرا
عرض للطباعة
زيت الفرامل بينقص في اوبتر 2011 عامله 5000 كيلو مع العلم انه لم يصل مستوي الزيت في قربة زيت الفرامل الي العلامه min يعني فوق العلامه بحاجه بسيطه هل هذا طبيعي ؟؟؟ وهل ازوده ولا لا ؟؟؟ ولو زودته اجيب زيت فرامل كويس ايه ؟؟؟ وجزاكم الله خيرا
زيت الفرامل لازم ماينقصش ولو نقص يبقى فية عندك تسريب فى دورة الفرامل روح فورا للميكانيكى يراجع الخراطيم والماساتر وحضرتك لو رفعت العربية اكيد حتلاقى مصدر التسريب وحتلاقى ترشيح زيت الفرامل خلى بالك ده خطر ولما تصلح الفرامل انصحك تغيير زيت الفرامل كله تحياتى !!
شكرا لحضرتك بس النقص ده ممكن يكون سببه ان تيل الفرامل بيتاكل اوبينقص عشان كده منسوب زيت الفرامل بيقل مع العلم ان النقص ده تم في خلال الفتره منذ الزيرو حتي الان يعني في حوالي سنه ونصف ده تخميني ومش متأكد منه والله اعلم
حضرتك بتقول العربية ماشية 5000 ك التيل حيلحق يتاكل امتى فى 5000 ك وبرضه حتى لو التيل اتاكل الزيت بينقص كام مللى مش يوصل للmin !!!
قبل اى حاجة شوف التيل نقص منه قد ايه ..أنا اتوقع ان النقص البسيط من تاكل التيل
فينك يا ابو يحيي ؟ ياصديق وقت الضيق؟؟؟
حضرتك بتقول الزيت ده من 2011 فيجب تغيير الزيت بالكامل مش تزويده وتحط زيت dot.4 شل افضل وممكن تقراء الموضوع ده حيفيدك !
http://www.nilemotors.net/Nile/105922-a.html
طيب انا روحت التوكيل النهارده وزودلي زيت الفرامل الكميه اللي ناقصه تيجي مثلا 1سم او 1.5 سم وقلتله كده المبه مش هتنور لما التيل يتاكل قالي مش مشكله بس احنا عايزين نعرف المنسوب هيقل تاني ولا لا وابقي لاحظها مع الوقت السؤال دلوقتي هل لما زودت الزيت كده الفرامل خدت هوا ولا في كده خطر ولا ايه ياجماعه اصلي انا خايف من الفرامل اوي وربنا يسترها معانا ومعاكم
طيب انته شايف يابو يحيي اني لازم اغير زيت الفرامل ؟؟؟ ولازم بعد مازودت زيت الفرامل لازم اخد هوا ولا لا؟؟؟ علما بأن العربيه انتاج 2/2011 وتستعمل منذ 9/2011 حتي وقتنا هذا وعامله 4800 كيلو وجزاك الله كل خير هتعبك معايا لوقلتلك معلش جاوبني علي السؤالين دول بالظبط وبالتفصيل عشان ارتاح اصلها الفرامل ياصاحبي وربنا يسترها معانا ومعاك
هل بعد مازودت زيت الفرامل نقص تانى ؟
هل الفرامل كويسه معاك والعربية مابتزحفش ؟
بدال الفرامل عالى ولما بتدوس علية شوية مابينزلش معاك لتحت ؟
لون زيت الفرامل فى القربة شفاف ولا مسود شوية او لونة بنى؟
ياريت تجاوب على الأسئلة دى علشان نعرف نساعدك وماتقلقش اوى لو الزيت مانقصش تانى !!
شكرا لاهتمامك يا اخي ربنا يجعله في ميزان حسناتك ان شاء الله الزيت الحمد لله منقصش تاني - العربيه بتزحف فعلا ومش عارف ممكن يكون عيب كاوتش او فرامل ؟؟؟ بس الكاوتش اللي فيها هانكوك صناعه صيني ده اللي جي معاها - وبدال الفرامل بينزل معايا عادي - ولون زيت الفرامل اصفر غامق شويه وبعدين حضرتك انا من اسكندريه كمان ممكن لو تعرف ميكانيكي شاطر ويعرف ربنا وعن تجربه شغال في الاوبترا يبقي جزاك الله كل خير
طيب هوا بمجرد فتح علبة الفرامل وغلقها يبق كده في هوا دخل للفرامل ؟؟؟؟؟؟؟
زيت الفرامل عندة شراهه لامتصاص الرطوبة من الجو... حتى حتلاقى على علبة زيت الباكم انك متستعملش زيت من علبة كانت متسابة مفتوحة مدة وزيت الفرامل له درجة غليان و كل ما بيمتص رطوبة درجة الغليان دى بتقل و بالتالى بيبقى عرضة اكتر للغليان مع مرور الوقت والمشكلة في حاجتين... اولا لو الزيت غلى حيطلع فقاقيع هوا... يعنى حيتولد جوة دايرة الفرامل بتاعتك هوا نتيجة الغليان و كلنا عارفين التاثير السلبى لوجود هوا فى الفرامل... حتلاقى الدواسة زى السفنجة و العربية متفرملش لان الهوا زية زى اى غاز بيبقى قابل للانضغاط بالتالى لما تكبس فرامل جزء كبير من قوة الفرملة حيروح فى ضغط الهوا اللى جوة الدايرة بدل ما يضغط على مكابس الفرامل و بالتالى التاثير على تيل الفرامل و اجبارة على الاحتكاك بالطنابير والمشكلة التانية ان الرطوبة فى الاساس ميه والمية بتسبب الصداء طبعا الموضوع مش فارق اوى لو عربيتك مفيهاش ABS... لكن لو فيها ممكن ترسبات الصداء تعمل مشكلة مع بلوف نظام الABS و تسبب انسداد يعوق عمل النظام اذا من هنا نكتشف ان زيت الفرامل كفائتة بتقل مع الوقت و يجب تغييرة دوريا على الأكثر مرة كل سنتين حتى لو العربية مركونة ويفضل لما تغير تجيب زيت DOT4 و دة له درجة غليان اعلى من DOT3 وبالتالى بيديك امان اكتر تحياتى !!
هو فيه ميكانيكى شاطر فى سيدى بشر لو تحب بس الموضوع عندك بسيط اى ميكانيكى حيغيرلك زيت الفرامل ويسحب القديم من العجل وحتلاقى الفرامل عندك بقت قوية جدا والعربية حتبطل زحف مجرد ماتغير زيت الفرامل وانصحك تحط زيت فرامل شل dot .4 هو ب 25 جنية 1/2 لتر بس ماعرفش عربيتك بتاخد قد ايه زيت فرامل وعلى فكرة المية الخضراء اللى فى الموتور برضة ليها عمر افتراضى سنتين علشان المواد الكيميائية اللى فيها بتحلل فالمفروض تغير المية الخضراء كمان تحياتى !!!