ايوه هو نفس الفلتر لا تقلق اذا كان تويوتا اصلي
عرض للطباعة
ايوه هو نفس الفلتر لا تقلق اذا كان تويوتا اصلي
تمام انا اصلا كنت بجيب الفلتر من عند الراجل اللي بغير عنده زيت وبعدين لقيته خلصان
قلت اسال موزع تويوتا اللي جبت منه المايه الحمره بتاعت الريدياتير فسألته الاولعلى بتاع الدايهاتسو قالي هو نفسه بتاع التويوتا ياباشا قالي خوده لو مركبش هاته تاني فخدته وروحت لبتاع الزيت قلت له فك الفلتر الاول نشوف زي ده ولا لاءه فكه لقناه نفس المقاس روحت مركبه وبرده ب 55 جنيه
طيب عاوزين نعرف ايه تاني يركب من تويوتا عندنا عشان يبقى فيه بديل لان طبعا التويوتا منتشره اكتر وقطع غيارها متوفره اكتر في كل مكان
يعني مثلا هل في حاجات متطابقه بين السيريون و اليارس في العفشه مثلا من مقصات او طنابير او جلب او اي حاجه
استاذ حسام انت تؤمر :S_thum1[1]:
بص يا سيدي انا الحمد لله من يوم ما جبت العربيه من الزيرو معملتش اي حاجه نهائي في المايه او الريدياتير يعني مجرد ببص عليها كل فتره ببص على القربه فقط بشوف المايه ناقصه ولا ايه وبفضل الله هي ما نقصتش في 5 سنين غير تكه يعني يدوب نزلت عن الF حاجه بسيطه وساعتها ممكن تزودها اما بمايه مقطره او لو معاك مايه مخففه ممكن تزودها منها وطبعا بتزود القربه فقط لان القربه بتغذي الريدياتير اصلا في حاله المايه نقصت فيه يعني موصلين على بعض فانت خليك متابع كده كل فتره القربه لو نقصت عن علامه الF جامد زودها زي ما قلت لك
انا كنت ناوي اعمل موضوع للعربيه من الزيرو لحد الان بس ربنا يسهل:pffft:
انا اسمي شريف :verygood:
انتظروني قريبا" في حلقات أنا و السيريون 5 سنوات و 150000 كم من الحب و السعادة
هههههههههههه سبحان الله يعني لما انوي اعمل موضوع كلنا نفكر فيه في نفس الوقت
طيب يا احمد انا مستني اهو بس يارب اشوف الموضوع قبل مبيع العربيه بس :pffft:
الحمد لله غيرت انهارده التيل الخلفي وفارق كتييييييييييييييير في الفرامل
جبته من العالميه ب 285 اصلي طبعا نوعه nbk
وركبته انهارده عند الميكاني بتاعي واخد 40 جنيه
بس فعلا العربيه فرقت جامد بعد ما غيرته
كانت العربيه بتتحدف جامد مع الفرامل على السرعات دلوقتيالعربيه بتفرمل كلها
كده فاضلي السير بتاع الدينامو بقه اغيره وزيت الفتيس ويبقى كده عملت كل الحاجات
سير الدينامو الاصلي برده عند العالميه ب 185 ج
زيت الفتيس لسه محتار اغير نوع ايه بس احتمال كبير اغيره زيت تويوتا ب 265 ج
في حاجه بقه انا كنت عاوز اغير زيت الفرامل بس في ناس قالتلي بلاش عشان هيدخل فيها هواء مش هتعرف تظبطها تاني الكلام ده صح ؟
غيره يا احمد وهتحس انك مكنش معاك فرامل قبل كده
بس فين ياعم الموضوع اللي انت قلت عليه نمتني ونمت جمبي :pffft:
كلنا فى أنتظار حلقات أنا و السيريون 5 سنوات و 150000 كم من الحب و السعادة ، المشكلة أحسن تكون حتتعرض فى رمضان و الواحد بيبقى مش فاضى .