الموضوع: شكر خاص لانسان اقل ما يوصف بانه جدع

يا جماعة انا حصل معايا موقف امبارح وانا على الدائري سمعت صوت زي ما يكون خشونه في المروحة افتكرته الاول من الكاسيت وبعدين لما ما عرفتش سببه ايه كملت مشي شوية لقيت العربية زمرت ولمبة البطارية نورت روحت مكلم واحد محترم جدا جدا جدا مش هقول اسمه غير في الاخر لان في انسان تاني يستحق الشكر هذكر اسمه المهم الراجل ده مردش عليا كلمت بعدها حبيب قلبي شاركي واللي بجد ربنا يكرمه على الخير اللي بيعمله للناس قولتله على اللي حصل قالي كلم التوكيل وفعلا كلمتهم قالولي سير الدينمو اتقطع وننصحك انك ما تمشيش بيها ولاني كنت قربت من البيت كلمت بالعربية ورحت مركز فرنش موتورز اللي في الرحاب لقو فعلا سير الدينمو مقطوع لكن كانت الكارثة الاكبر ان الدينمو نفسه لقوه قافش وقالولي لازم يتغير وتمنه 1000 جنيه مستورد ومش مضمون و 2822 اصلي وده مضمون لمدة سنة انا لسه هقول للراجل اوكي هعمل ايه يعني لقيت الاخ اللي ما ردش عليا بيكلمني وكانه جايلي لحظة الانقاذ حكيتله على اللي حصل قالي شكرا خد الدينمو وامشي ، امشي اروح فين يا عم الحج قالي اسمع الكلام ما قدرتش اكسرله كلمه هوا الكبير برضه، المهم اخدت الدينمو قالي روح عند واحد اداني عنوانه وهوا هيقوم معاك بالواجب رحت فعلا للشخص اللي قالي عليه فك الدينمو وغير فيه 3 قطع مش عارف هما ايه بس المهم الدينمو اتصلح بعد ما فرنش موتورز واي حد غيره كان هيقولي مستحيل طبعا يتصلح ورجعت والمفروض اركبه النهاردة وادعولي ان الموضوع ده يخلص على خير لاني واضح ان حد موجب معايا واجب كبير قوي ومديني عين مظبطاني.

المهم انا طولت عليكم وما قلتلكمش مين الراجل ده، الراجل ده يا جماعة يبقى ايمن باشا MOMO بجد انا لو شكرته من هنا لبكرة مش هوفيه حقه الراجل فضل معايا على التليفون ثانية بثانية ما سبنيش لحد ما كلمني وقالي كله تمام قولتله تمام وبعد كده بجد اتكسفت اكلمه عشان اشكره لاني تقلت عليه جدا امبارح، الراجل ده يا جماعة ما شاء الله عليه عارف كل حاجة في العربية والناس كلها حبايبه بجد ربنا يقدرني اني اخدمه ولو خدمة واحده من خدماته، وطبعا شكر تاني خاص لشاركي حبيب هارتي كلمني بالليل عشان يطمن عليا وقعدنا جبنا في سيرة ايمن عشان لو كان زور يبقى عارف انه ايوة انا اللي كنت جايب في سيرته.

كفاية كده انا زهقتكم

المشاركة الأصلية كتبت بواسطة momo10000

يا محمد كتير قوي الكلام دة

يا راجل انت عارف ان احنا كلنا هنا فعلا اخوة و الحمد لله بينا روح طيبة وبنتمني كلنا الخير لبعض....واللي في ايدة حاجة بيساعد بيها اخوة..

يا محمد مفيش شكر بين الاخ واخوة وانتا او اي حد من الوحوش فوق راسي

والكلام دة كتير عليا قوي يا محمد ... الحمد لله وربنا يكرمك ويجزيك كل خير

واحنا مع بعض لغاية اما تطمني ويبقي كلة تمام ..

والله يا باشا الكلام ده وقده 10 مرات ما يوفكش حقك وانا حاولت اوري الناس هنا عينة بسيطة جدا بس من خدماتك للناس ربنا يكرمك كمان وكمان يا باشا