الموضوع: لمن مصنع مية يولع ... نطفيه بايه ( بي بانزين !!! ) .. أزمة المياة المعدنية في السوق!

المشاركة الأصلية كتبت بواسطة y a r i s

مع العلم ان في فترة من الفترات اجي افتح الحنفية الاقي ميه بيضة نزلت من الحنفيه واجي اسيبها شوية تقوم تصفى

اعتقد موضوع ان موضوع الميه تنزل بيضاء ده سببه زيادة فى الكلور وانا برضه احيانا بتحصل عندى

بسم الله الرحمن الرحيم
تحيه طيبه لكل اعضاء المنتدى . الاخوة الكرام انا معلوماتى دى عن طريق مشروع تخرجى كمهندس ميكانيكا قوى ( تصميم وتشغيل و صيانه محطه معالجه مياة شرب ) لكن للايضاح انه تصميم ميكانيكى يعنى كان التدقيق فى التصاميم الميكانيكيه اللى بتحقق العمليات الكيميائيه والحيويه اللى انا ذكرتها من قبل . لان كل كلمه انا قلتها لها اجهزة ميكانيكيه هتقوم بالدور دة ( مثلا التقليب عن طريق محرك فأنا باقوم باختيار نوع المحرك وتصميم ريش التقليب اللى تحقق السرعات المطلوبه وتساعد على التقليب لان فى مواصفات لكل عمليه لازم نمشى عليها ) يعنى من الاخر المشروع بتاعى دة غير قابل للتنفيذ غير لما يبقى معايا خبراء كيمياء و بيولوجى هما فعلا اللى هيصححولى حاجات ممكن تكون غلط . يعنى انا مش خبير فى موضوع المياة انا بس فاهم المنظومه ماشيه إزاى . وطبعا قمت بزيارة اكثر من محطه مثل ميت خميس و السنبلاوين وكلهم مياة سطحيه ( نهر النيل او الترع ) .
انا طبعا مش هعرف كل منطقه ايه محطتها . لكن المفروض ان كل واحد يبقى عارف هو تبع انهى محطه معالجه ولو مش عارف ممكن تسأل فى اول مرة تكون رايح الحى او الادارة اللى انت فيها وممكن تسأل محصل الفواتير بيبقى عارف طبعا وممكن تسأله عن مصدر المياة جوفى ولا سطحى ولو سطحى تعرف منين ( نهر النيل ولا ترع ) .
وممكن كمان تدخل على جوجل ماب او ايرث وتبحث عن صور القمر الصناعى للمحطه وتتاكد من مدخل المياة . ولو حضرتك تعمل زيارة للمحطه هما مش هيعارضوا بس هتعرفهم قبلها مش مفاجئه يعنى . ولو الموضوع مهم لحضرتك ممكن تقنع جيرانك كمان وتاخذوا عينه وتحللوها .
وبالنسبه للفلاتر انا معلوماتى فيها ضعيفه خالص زى اى حد ( بالسمع فقط لانى بشرب دايركت من الحنفيه ) . طبعا اى حد ممكن فى وجود النت يدخل ويتابع اخبار الفلاتر وكل فلتر ايه مميزاته وعيوبه .
لكن موضوع الاملاح دة مهم اوى : مش كل الاملاح زى ملح الطعام كدة . لا . ملح الطعام هو مادة كلوريد الصوديوم . فهو عنصر الصوديوم والماء يحتوى على املاح الكالسيوم ( والتى لو ذادت اصبح ماء عسر ) يعنى عنصر الكالسيوم . وكذلك يحتوى الماء على املاح بوتاسيوم وهو عنصر مهم جدا لجسم الانسان وله تأثير فعّال على نشاط العضلات خصوصآ عضلة القلب ، كما يلعب دورآ مهمآ في التوازن الحمضي ويسبب نقصه اضطرابات عصبية وقلبية ( قلة وضعف ضربات القلب ) . وكذلك املاح الماغنسيوم والذى تؤدى قلته الى القلق والاكتئاب والنوع الثانى من السكرى .
طيب جرب حضرتك كدة تكون عطشان وحران وتشرب مياة مقطرة ( من الصيدليه او بتاعه البطاريه ) وشوف هتحس بأيه ؟ هتحس انك لم ترتوى بعد فهى فعلا هتحافظ على حياتك لكن مش هتعوضك نقص الاملاح اللى فقدت مع العرق والبول . ولما الاملاح تنقص ( حتى لو شربت مياة مقطرة ) فإن كميه المياة بجسمك هتقل . ولكن الصراحه الاملاح دى موجود منها فى الفواكه والخضروات ( اللى اغلب المصريين أهملوهم )
وعلشان كدة بيسموا المياة المعبأة مياة معدنيه نسبه للمعادن . لانها ( المفروض ) بتستخرج من ابار جوفيه فيها معادن بنسب حلوة ومن نوعيات جيدة يستفيد بها الجسم . لكن طبعا فى مصر ممكن يعبى مياة الحنفيه ويبيعها ويكتب اى حاجه من حيث نسبه الاملاح وكدة ( وهو فى حد هيكدبه ولا هيراجع وراة وادينا شفنا لماراجعوا وراهم قفلوا لهم المصانع ) .
المهم يعنى ان جسم الانسان مكون من تراب يعنى من الارض وعناصرها والمعادن دى اهم العناصر . لكن اللى ربنا ابتلاة بمرض ( كلى , كبد . ضغط ,.........) لازم يراجع نفسه و على فكرة الدكتور بيكتب ليهم الفيتامينات والمعادن فى صورة حبوب او حقن .
لتانى مرة اعزرونى على الاطاله . وتحياتى للجميع .

فلتر 7 مراحل

تحيه عطرة لكل اعضاء المنتدى بلا استثناء .
سعيد جدا بمشاركات الاستاذ benmatar والاستاذ midnightman_74 .
بس لى بعض النقاط احب ان اوضحها وبدون زعل لانى لا اقصد الاساءة لاى حد :
اولا جمله : ( كل لما tds بتزيد كل لما كانت الميه وحشه ) هى جمله مطلقه . ولتحديدها يجب ان توضع ضوابط وارقام لنسبه الاملاح فلو حضرتك بتعيب على مياة الحنفيه علشان نسبه الاملاح ( لدواعى طبيه ) يبقى فعلا تستخدم الفلتر السبع مراحل . لكن لو حضرتك مش مريض فباستخدام الفلتر و لما نسبه الاملاح تقل بردة هتمرض . تعالوا نشوف الكلام العلمى ( مبنى على اساس ان الانسان هياكل طماطم وخضروات وكل حاجه وكمان ملح الطعام ) :
إجمالي المواد المذابة (بالإنكليزية: Total dissolved solids) يرمز لها عادة TDS :
وخلى بالك حرف ال s مش جاى من كلمه salt لا solid .
و تعبر عن كمية المواد العضوية واللاعضوية التي يحتويها سائل سواء كانت مواد عالقة في صورة جزيئية أو أيونية. غالبا ما يستخدم هذا المصطلح عند التعامل مع المياه لوصف مدى صلاحيتها للشرب .
يحتوي الماء على كربونات، بيكربونات، كلوريدات، كبريتات، فوسفات، نترات، كالسيوم، مغنيزيم، صوديوم، بوتاسيوم، حديد، منجنيز، وبعض المعادن، الغازات، ومواد مترسبة أخرى.
كم تبلغ في لتر من الماء : يتوقف على نوع الماء .
هناك خمسة مراتب من المواد المذابة:
منخفضة جدا 0 - 50 ملي جرام/لتر
منخفضة 50 - 250 مل غرام/لتر
متوسطة 250 - 800 مل غرام/لتر
مرتفعة 800 - 1500 مل غرام/لتر
مرتفعة جدا > 1500 مل غرام/لتر
المياة المعدنية :
تحتوي المياه المعدنية على كمية من المواد المذابة تتراوح بين 50 إلى 800 مل غرام/لتر. يطلق مصطلح "ماء معدني قليل المحتوى" على المياه التي تحتوي مواد مذابة أقل من 1500 ملغ/لتر و "ماء معدني عالي المحتوى" على المياه التي تحتوي مواد مذابة أكثر من 1500 ملغ/لتر. وللعلم ان اقصى حد مسموح به لمياة الشرب هو 1000 ملغ/لتر . وبما ان نسبتها فى مياة الشرب فى حدود 300 ملغ/لتر ولغايه 500 ملغ/لتر دى نسبه حلوة جدا جدا . وصدقنى قله الاملاح بيجيب امراض بردة لان حضرتك مش واخد بالك ان المجهود والعرق بيحرق املاح وبدون املاح جسمك يفقد السوائل بشكل كبير . لقد خلق الله المياه من مكونات عديدة بينها الأملاح التي تحتوي علي عناصر مهمة يحتاجها جسم الإنسان مثل الماغنسيوم والكالسيوم وغيرهما حيث يؤدي نقص هذه الأملاح إلي الإصابة بأمراض العظام والقلب والتأثير علي العمليات الحيوية بالجسم والتي ترتبط بالمياه. ولأهمية هذه الأملاح طالبت منظمة الصحة العالمية في وقت من الأوقات برفع مستواها في المياه إلي 1500 مليجم في اللتر خصوصا بعدما تبين أن هناك ارتباط بين نقص أملاح الكالسيوم والماغنيسيوم والإصابة بمرض القلب، وإذا ما تأملنا مياه زمزم المباركة نجد أن مستوي الأملاح فيها يصل إلي 2000 ملجم للتر وهو ما تتم دراسته حاليا باعتباره مصدراً للطاقة. فالأطفال والكبار في السن ينصح لهم بتناول مياه بها أملاح زائدة ومنضبطة لاحتياجهم الصحي وكذلك لاعبو كرة القدم. وعلشان كدة لو تشوف السياح بيبصوا على زجاجات المياة المعبأة ( المسماة بالمعدنيه ) إزاى . بيبصولها على اساس انك بتضحك عليهم هيا اسمها معدنيه يعنى تحتوى على معادن .

وياريت حضراتكوا تفصلو خالص بين مفهوم كلمه املاح ونظرتكم لملح الطعام . خالص خالص خالص .
وياريت تشوفوا الموقعين دول ضرورى ضرورى ضرورى :
فلاتر المياة: تصبيك بهشاشة العظام والشيخوخة.
[url=http://thawra.alwehda.gov.sy/_print_veiw.asp?FileName=14795321420070721231722]