السلام عليكم اعضاء المنتدى الكرام
امبارح وانا رايح المقطم لقيت عداد الحرارة رفع مره واحده
نزلت فجأة واستنيت وفتحت الريداتير ملقيتش نقطة مياه والقربه زي ما هي
المهم نزلت حطيت مياه ورحت المقطم في مسجد بلال بن رباح ما شاء الله الله اكبر ربنا يبارك في الناس هناك مجمع مش مسجد ربنا يبارك لاهل المقطم ......
المهم قعدت وانا نازل بصيت في العربيه لقيت مافيش برضه نقطه مياه وتحت العربيه غرقان طبعا كان الاحد والكل قافل :H_angry[1]::H_angry[1]::H_angry[1]::H_angry[1]:
روحت ونزلت انهارده روحت للميكانيكي قاللي الشجره بتاعت المياه ضايعه والطبب طبعا انا مستوعبتش في الاول قولتله يعني ايه قاللي في ماسوره الماسوره دي بتاخد المياه من الريداتير وتوديها الماتور وتسحب تاني المهم المسئوله عن عمليه دوران المياه قولتله نغير ماشي :F_eyeb1[1]:
جديد ولا استيراد قاللي جديد احسن نزلت للراجل وقلتله عايز الشجره بتاعت الاكسيل بكام يا كبير
قاللي 100 والطبب الواحده 5
المهم من هنا لهنا خد 110 وقاللي كوري اصلي ودي شكل الشجره
http://nileup.com/up/uploads/nilemotors_13666766211.jpg ان شاء الله اكون قدرت اوصلكوا معلومه تقدر تفيدكوا باذن الرحمن