اتجرحت جامد من الجنب شؤال معكنن عليا

**hamdy** · 14-08-2008 10:21 AM

عربيتي نزلت النهاردة الصبح لقتها واخدة حكة جامدة بطول الجنب كله واخدة البابين و حتة من ورا من الجنب غير حتةنغزة كده في الباب الامامي
الحمد لله قدر الله ما شاء فعل
ياتر اعمل ايه اوديها للتوكيل يعملوها ويرشوها و طبعا العربية اللي دافع فيها دم قلبي لما اجي ابيعها هيقولولي رشة من برة يا بيه ويخسفوا بيها الارض
اعمل ايه سؤال لاخواتي بفضفض معاكو والله و حسبي الله ونعم الوكيل

**AHMEDCAR** · 14-08-2008 10:33 AM

الحمد لله على كل شيى ممكن صور علشان نقدرنحدد التلفيات

**أبــوحبيبه ونور** · 14-08-2008 10:38 AM

عليك وعلى الحرفين بس نصيحه تاخد واحد بيفهم فى الدوكو والسمكرة عشان يعرف يلاغى الصناعية والعمال وهتكون النتيجة زيها زى التوكيل ويمكن احسن وعلى الاكل هتخلص بسرعة
بصراحة انا معرفش حدا هناك معين بس اتعاملت مع ناس تانية فى شغل كهرباء وعموما سمعة الحرفيين معروفة اوى

**AHMEDCAR** · 14-08-2008 10:41 AM

صح كلام الحرفيين ده علشان غبور ده توكيل عامل زيه زى اى ورشه بره

**hamdy** · 14-08-2008 10:59 AM

بس يا جماعة هي مش جامدة هي تجريحة بطول العربية بس شكلها معكنن عليا
تتفكرو لما ارشها من برة البابين والحتة اللي ورا هيقل تمنها لو حبيت ابيعها ودا طبعا بعد ال 5 سنين القسط معلش يا جماعة بس انتوا عرفين بقا كل اما بشوف التجريحة و افتكر القسط بيتحرق دمي

**AHMEDCAR** · 14-08-2008 11:02 AM

ممكن ببولش و كومباوند و تلمع مكانها هاتروح على طول

**Nile_Storm** · 14-08-2008 11:10 AM

لو مش جامده يبقي بلاش التوكيل يا استاذ حمدي
هياخد وقت كبيييييييييير جدا

ممكن تحاول تعملها بره بس لو حسيت ان الصنايعي هيعك سيبها لغايه اما تفضي ووديها التوكيل

**hamdy** · 14-08-2008 11:58 AM

المشاركة الأصلية كتبت بواسطة AHMEDCAR

ممكن ببولش و كومباوند و تلمع مكانها هاتروح على طول

هجربها النهارده و جزاك الله خيرا علي الاهتمام

المشاركة الأصلية كتبت بواسطة Nile_Storm

لو مش جامده يبقي بلاش التوكيل يا استاذ حمدي
هياخد وقت كبيييييييييير جدا

ممكن تحاول تعملها بره بس لو حسيت ان الصنايعي هيعك سيبها لغايه اما تفضي ووديها التوكيل

جزاك الله خيرا يا نايل ستورم علي الاهتمام و عمتا انا هجرب كلام الاستاذ احمد جزاه الله خير
بس تفتكرو انها لو ترشت اجزاء منها برة لو حبيت ابيعها يقلل من تمنها جامد

**AHMEDCAR** · 14-08-2008 12:05 PM

ماتفكرش فى الرش خالص انا عارف احساس حضرتك دلوقتى حاسس ان العربيه مبهدله و كل ماتيجى نحيتها تلاقى عينك على الخبطه بس زى ماتكون العربيه دى عباره عن خبطه انا كنت زيك كده و بقيت اشيل الكلام ده من دماغى والحمد لله انا عندى كام جرح فى الاكصدام و البابيت الشماول غير خبطه فى الرفرفيين اللى قدام خفاف اوى يعتبروا غمزات و منهم واحد واحد صحبى و هو بيركن جانبى هو اللى خبطها تفتكر اخد منه فلوس

**sasatony** · 14-08-2008 12:36 PM

قدر الله وماشاء فعل
ومش تتضايق ولا حاجة ده نصيبك
وبالنسبة للتوكيل انت لو وديتها هتاخد وقت طويل اووي انت شوف حد محترم يظبطها ليك
ومتقلقش متعرفش ايه هيحصل بعد خمس سنين (اصل انا زيك جايبها قسط علي خمس سنين)

الموضوع: اتجرحت جامد من الجنب شؤال معكنن عليا

LinkBack

أدوات الموضوع

عرض

اتجرحت جامد من الجنب شؤال معكنن عليا - انشر الموضوع فى :

-

اتخبتط -

-

-

-

-

-

المواضيع المتشابهه

انا حاسس ان بيتعمل عليا شغل جامد

العربية اتجرحت

العربية اتجرحت منى

العربيه اتجرحت من حله

شؤال ممكن يكون غبى

الكلمات الدلالية لهذا الموضوع

المفضلات

المفضلات

ضوابط المشاركة