باركولي و ساعدوني

**soteer10** · 23-04-2013 08:48 AM

الحمد لله انا رسميا احد ملاك الجين 2 من يومين فقط و كنت عايز اعرف شويه حاجات

العربيه موديل 2009 اوتوماتيك

1- المساحات و الاريال اجيب اي حاجه ولا فيه حاجه معينه
2- السي دي مش بيقرا الاسطوانات بيقول reading - wait ويعيد فيهم
3- الطاره بتتهز وانا واقف وعرفت انها من قواعد المكنه وكنت عايز اعرف سعرهم واجيبهم منين
4- لو ركبت فوجات زينزن هتاثر علي حاجه في العربيه

------------------------

الاهم بقي
:
انا لما اشتريت العربيه خدت من صاحبها مفتاح واحد فقط وحتي لو كان ادالي اتنين برضه انا قلقان فممكن ان انا اغير سيستم المفاتيح كله ولا لا بالقطمه بالايموبليزر لان انا حتي لو مامنه فانا خايف يكون اتسرق منه و كده انا قلقان

الموضوع ده يتعمل ولا لا و يكلف كام

برجاء الرد لان الموضوع مقلق بجد

وانا سايبها علي ربنا

وهل فيه فرق بين المفتاحين اللي بيجوا مع العربية لان في انواع بيبقي واحد بس ريموت والتاني عادي بس انا معرفش البروتون ايه نظامه بيجي معاها عاملين ازاي

شكرا

**shshtawy** · 23-04-2013 09:03 AM

الف مبروك لحضرتك وربنا يباركلك فيها ويكفيك شرها ويعطيط خيرها فى عناوين ناس كتير منها ناس فى شارع دمشق وفى المهندس عصام صفا كل الاعضاء بتشكر فى المركز بتاعة وحضرتك شويه وهتلاقى اسود جين 2 هيفيدوك بكل حاجة وكل المعلومات الى حضرتك عاوزها ان شاء الله هتلاقيها وخش قلب فى اهم المواضبع بتاعت جين 2 هتلاقى تليفونات كل المحلات ومراكز الصيانة.

**eng.m7md.ali** · 23-04-2013 12:17 PM

الف مبروك يا ريس على العربية

المساحات حاول تستنضف نوع كويس بدل الرابر الزبالة اللي بخامشر جنيه دي عشان بتبوظ بسرعة والاريال هتلاقيه في المحلات بتاعت قطع الغيار عادي

لو عايز تغير القواعد انصحك تجيب الاصلي طبعاً وبلاش التقليد التايواني اللي ب 100 جنيه دي عشان يدوبك شهر وهتبوظ .. ولو الدنيا مزنقة اوي معاك هات استيراد لان الجديدة اصلي في التوكيل ب 500 جنيه تقريبا الواحدة

تقريبا السي دي مش هيقرا عشان العدسة فيها حاجة او عايزة تتنضف .. انا ريحت دماغي وبسمع اللي عايزه بال aux

الفوجات في الزينون مش هتضر في حاجة عكس لو ركبت في الفانوس ممكن تحرق الدراع بتاع النور

اما بقى بخصوص الاهم انا معرفش بالظبط اللي بيتم بس تقريباً الشريحة بتتغير بتاعت المفتاح وبيتعمله برمجة جديدة بحيث القديم ميشتغلش ولا يدور العربية .. ممكن تسأل فيها المهندس عصام هو عنده دراية اكبر

بس خلي بالك موضوع المفتاح ده اهم حاجة ياريت تبتدي بيه وربنا يوفقك

**soteer10** · 23-04-2013 04:24 PM

انا اتصلت بيهم وقالولي ان المفتاح ممكن يتعمله كود جديد بس مش اكيد ان المفتاح التاني ممكن يفتح ولا لا (قالي مش ضامن )
والتكلفه تكون حوالي 1000 جنيه (مفتاح جديد + تكويد)

اما لو غيرت السيستم كله
حوالي 1800 جنيه وممكن يحتاج ان العربيه تبات عندهم

انا حاليا هحاول ابيت العربيه في اي جراج موقتا و ربنا يسهل

**soteer10** · 24-04-2013 10:03 AM

هو ممكن ان انا ابيع المفتاح القديم والقطمة ولو ينفع يعملوا كام وابيعهم فين انا عايز اي حاجه توفر انا اسمع ان الناس بتشتري مفاتيح استيراد ممكن الناس تشتريهم مني