الموضوع: طلب المشوره

المشاركة الأصلية كتبت بواسطة horas3000

اخر التطورات

بعد ما وقعت في الحركه السخيفه و قفلت علي المفتاح بالغلط
و ضربت مشوار من العبور لمدينه نصر رايح جاي عشان اجيب المفتاح الاحتياطي قلت مبدهاش
و عديت علي المحل اللي قلت لكم عليه و اتفقت معاه علي تركيب الحاجه يوم الجمعه (امبارح)

الغريب اني سمعت اسعار تانيه خااااالص
و الراجل استغرب من السعر اللي قلته و سالني مين اداك الاسعار دي
و للاسف انا مش فاكر شكله و الراجل اتجنن اكتر لما سمع سعر الغطا اللي اشتريته ساعه ما كنت بسال و جاب كل اللي بيشتغلوا في المحل و سالهم عليا بس محدش افتكرني ولا انا افتكرت حد برضه

المهم الاسعار الجديده كالاتي
375 انذار و سنتر
300 تركيب
65 مكنه سنتر للشنطه (اضافيه)
80 مكنتين رفع للزجاج الامامي
باجمالي 820 و صلت ل 800
و الاجهزه كلها وولف

و ابتدوا شغل فيها من بعد صلاه الجمعة لحد بعد المغرب
و عديت عليهم مرتين في النص لقيتهم شغالين في العربية
يعني الكلام انها بتاخد شغل كتير طلع صحيح

الشغل بشكل عام نظيف و قفلوا كل حاجه كويس باستثناء كام خربوش في الفرش الداخلي للباب من الفك و التركيب
و الجهاز عاجباني امكانياته و صوت السرينه عالي
اللي كان ناقص بس انه يقفل السنتر اوتوماتيك اول ما العربيه تعدي سرعه 20 و يفتح او ما تبطل زي العربيات العاليه
بس الراجل قال لي الاوبشن دي مش موجود في اي انذار غير الفابريكه
لكن ممكن اقفل السنتر من الريموت عادي بعد ما العربيه تتحرك
و هعمل كده عشان لا قدر الله حد يفتح الشنطه و انا واقف في اشاره و لا حاجه

و اديني داخل علي صيانه ال 5000 قريب و هشوف عم غبور هيعمل ايه

كنت عايز اوضح نقطة بخصوص ان الراجل قالك ان اوبشن ( السنتر يقفل اوتوماتيك اول ما العربيه تعدي سرعه 20 و يفتح اول ما تبطل ) مش موجود غير فى الفابريكة الكلام ده جزئيا غير صحيح ..
لان انا مركب انذار و سنتر spy فى عربيتى الفيليشيا من حوالى سنتين والكهربائى ضبط السنتر ان بعد 30 ثانية من دوران الموتور او بعد فتح السنتر ب 30 ثانية السنتر بيقفل لو دوست على الفرامل , وبيفتح لما بتبطل العربية , ارجعله تانى وقوله ان الاوبشن ده موجود فى اجهزة اخرى الا اذا كان الوولف مفهوش الاوبشن ده ..........
تحياتى