طلب المشوره

**horas3000** · 23-04-2013 12:05 PM

السلام عليكم جميعا
القصه و ما فيها ان المدام ربنا كرمها و جابت i10
دلوقتي العربية نازله بدون سنتر و لا انذار طبعا و اكيد من غير امبولايزر
و لسخريه الاقدار غبور افندي لا بيركب سنتر و لا انذار
و الادهي انه قالي لو ركبتهم بره العربيه تطلع بره الضمان

طبعا انت عارفين ظروف البلد المنيله و سرقة العربيات اللي علي ودنه

فانا دلوقتي بين نارين اسيب العربيه زي ما هيا و اعتمد علي ستر ربنا
و لا اركب السنتر و الانذار و لو غبور اتكلم اتخانق او علي الاقل اطلع العربيه من ضمان الكهرباء بس (لو ريضيوا طبعا)

افيدوني افادكم الله

**Nashaat Rady** · 23-04-2013 12:21 PM

أهلا بيك يا فندم و مبروك عليك و علي المدام العربية.

انا لو مكانك حاعمل الآتي:

حا ركب طبعا إنذار و سنتر، لا جدال و في آن الوقت او قبل التركيب اثبت حقك في حماية المستهلك.

بدل حاجة مش عندهم وهي من الضروريات و ليست جماليات يبقي حقك تركبها بره.

الإنذار دلوقتي بقي شيئ أساسي في اغلب العربيات..

و في التوكيل من غير خناق ولا حاجة تفهمهم ان انتم مش حاتعملولي حاجة لما العربية تتسرق لقدر الله.

تحياتي

**SYD** · 23-04-2013 01:01 PM

الف مبروك العربية
متهيألي رأي المهندس سمير - هو رأي الصواب
توكل علي الله
والأنذار لن يغنيك عن ستر ربنا
وهات كمان كلبش الدريكسيون ولو عرفت تعمل زرار فصل يبقي تمام اوي
تحياتي

**horas3000** · 23-04-2013 01:18 PM

متشكر لكل اللي ردوا
و انا عارف طبعا ان الانذار مش هيغني عن ستر ربنا
بس الواحد بيعمل اللي عليه و الباقي علي ربنا

العربية لو بتاعتي و معايا مكنتش هقلق قوي كده
بس انتم عارفين الستات و اللبخه اللي بيبقوا فيها
و خايف المدام تنسي باب من الابواب او الشنطه من غير ما تسوجرهم و العربية تبقي مشاع
و هي بالفعل عملت كده مره
ده غير الموبايل اللي كل شويه يتنسي في العربيه
يعني بنقول للحراميه اتفضل الموبايل و عليه العربية هديه

طب سؤال للبشمهندس سمير
اعمل ايه في حاله رفض يسجل طلب تركيب السنتر و الانذار في استمارة الاستلام بحجة انهم اصلا معندهمش و مش بيركبوه
مهو بالعقل مش هيكتب حاجه مش موجوده عندهم اصلا او علي اقل اقدير ممكن تدينه بعدين زي ما احنا ناويين

**horas3000** · 23-04-2013 01:32 PM

المشاركة الأصلية كتبت بواسطة Samir Elshahawy

أنا عارف أنهم ممكن يرفضو بس نحاول مش هانخسر حاجة و علشان يبقي قولنا لهم
و بصراحة موضوع الانذار و سرقة العربيات ده ناوي أني أثيره مع التوكيل الفترة القادمة خاصة خلال زيارتي القادمة لهم أن شاء الله

يعني هو "غبور اللي مش أمور و اللي هيونداي من وشه تغور"
لايرحم و لا يسيب رحمة ربنا تنزل ؟

هو من ناحيه عشان نبقي قولنا لهم فانا قولت لهم بالفعل
و المكالمه مع ال call center مسجله
ده غير لما رحت بنفسي و سالت و الاخت اللي قاعده علي الريسيبشن اكدتلي نفس الكلام

و بجد انا مش فاهم اسلوبهم ده
و مش فاهم اصلا ازاي احنا في 2013 و السنتر لوك من الكماليات اصلا
ده البيجو 505 موديل 83 اللي كانت عندي كان فيها سنتر
ده غير اصلا ان بعد اللف و الدوران عرفت ان الكوالين بتاعت ال i10 علي واير مش سيخ و ده تقنيه قديمة و بتخلي تركيب السنتر عمليه طويله و مكلفه
حاجات تغيظ بصراحه

**horas3000** · 23-04-2013 03:11 PM

المشاركة الأصلية كتبت بواسطة Samir Elshahawy

حضرتك من الاعضاء القدامي معانا هما في المنتدي , و لو كنت سألتني عن رأيي في الأي 10 كنت هأقول لك ماتجيبهاش لأن خسارة أدفع 90,000 جنيه في عربية صغيرة

عندي المدام برضه كانت عاجباها أوي الأي 10 و البيكانتو الجديدة و كانت مستعدة تدفع فيها ال 96,000 جنيه أول مانزلت طبعا انا أستحرمت و أقنعتها أننا نشتري حاجة مستعملة نظيفة لحد ما وقعنا علي جيتز نظيفة جدا و بحالة جيدة جدا

عموما العربية مش وحشة و الف مبروك عليكوا و لكن انا بأتكلم في مبدأ الفلوس و أنه مبالغ فيه

و الله يا باشمهندس سمير دورت كتير و ملقتش حاجه نظيفه خصوصا و ان المدام مش عايزه الا بيكانتو او i10 اوتو تحديدا
و النظيف تسمع اسعار عجب
زي i10 برضه موديل 2010 ماشيه 20 الف و راشه اكصدام و صاحبها ماسك علي 68 الف يعني كسبان 3 تلاف عم ما اشتراها بيه و مش هقول لك علي التانكة في التعامل
و زي ما انت عارف انا جديد علي مصر و مليش في اللف و الدوران و اجيب ميكانيكي و لا كهربائي يكشف علي العربيه و الحوار ده
فاشتريت نفسي و كرامتي و جبت زيرو عشان اخلص
و ان جيت للحق كل العربيات في مصر مبالغ في سعرها دلوقتي
و المستعمل قبل الجديد

-

-

-

-

الموضوع: طلب المشوره

LinkBack

أدوات الموضوع

عرض

طلب المشوره - انشر الموضوع فى :

-

-

-

-

المواضيع المتشابهه

شاب محتار و محتاج المساعده و المشوره

صوت غريب في موتور النوبيرا ارجو المشوره..

ملاحظه غريبه فى عربيتى النوبيرا ارجو المشوره

شباب مطلوب المشوره فى تسعير واجا

برجاء المشوره لانى احترت

الكلمات الدلالية لهذا الموضوع

المفضلات

المفضلات

ضوابط المشاركة