-
يوم في ورشه العفشه!
انهارد الصبح قولت لازم اروح اضبط العفشه اللي مكسل بقالي اكتر من شهر اضبطها و دا بيخليني ما اطلعش بالعربيه علي الطريق و ماشي بيها خايف.
المهم روحت اشتريت جوز مساعدين امامي ياباني ماركه K Y B الصراحه اول مره اسمع الماركه باعتبار اني مش بركب ياباني غير من قريب.و قالو انها ماركه ممتازه قولت اجيب و اجرب و بلاش المخاطره في شراء مساعدين استعمال يا تتطلع حلوه يا تطلع وحشه و يبقي خسرت فلوسي.
المهم روحت الورشه الساعه 10 صباحا .و فكيت العفشه كلها علي الارض
المساعدين طبعا و الكبالن و الاسكترا و المقصات يعني بقت فاضيه من قدام خالص و اتغسلت كلها بالجاز و بدات التركيب
1.تركيب المساعدين الجديد مع كاوتش المساعد و بطاحات جديده و علايات كمان (ما سيبتشش غير اليايات)
2.تغيير كل جلب المقصات و كاوتش البيض باكمله و غسيل البيض و تشحيمه
3.فك الكبالن الداخليه و الخارجيه و تشحيمها و تركيبها من جديد
4.فك الاسكترا و غسلها و تغيير جلبه بداخلها كانت بتعمل دردره في المطبات و الكل قالي غير الاسكترا بس لما روحت قالي مالكش دعوه انا حعملهالك.
5.ضبط الزوريا بالمقاس العادي .
المهم كان في اتنين شغالين في العربيه من الساعه 10 الصبح لحد الساعه 4.30 العصر!!!!!
بس العربيه ما شاء الله لما ركبت حسيت بطعم تاني خالص لان اخر ايامها مكنتش مظبوطه بالمره.
المصنعيه في دا كله 60 جنيه بس!!!!!
و عموما اي حد عاوز يضبط عفشته و عاوز يجيلي يقولي و انا اوديه و اوصي عليه و يتعمله الواجب كمان
-
60جنية بس !!!!!!!!!!!!!!!!!!!!!!1
والله ممتاز
-
لعلمك يا ميدو الناس دي بتعامل معاها من زمن و بدل الواحد اعرف اتنين تلاته في نفس المهنه بس كل وحد بروح ليه في حاجه معينه يعني لما تبقي حاجه بسيطه بروح لواحد نص نص و لما تبقي حاجه كبيره بروح لواحد تمام.و طبعا ال 60 جنيه علشان خاطري و اي حد من طرفي بيتعمل ليه الواجب طبعا
-
والله يا حازم انا بدور على واحد بتاع عفشة كويس علشان بسمع صوت رجرجة جاى من تحت العربية وخصوصا لما بكون ماشى على اسفلت مشقق اومش مستوى
,,,بس المشكلة انى معرفش حد كويس واهم حاجة يكون امين لانى معرفش اية المشكلة عندى بالظبط ومش عايز واحد يشخص غلط وبالتالى تكلفة على الفاضى ,,,لانى بينى وبينك خبرتى فى العربيات تحت الصفر
فيا ريت ترشحلى واحد معرفة وتوصية علية
-
يا اخ راسي انا من المحله مش القاهره :lol: .
لو تحب تيجي عندي هنا اعملك اللي انت عاوزه مفيش مشاكل علشان الناس اللي بشتغل معاهم ناس فاهمه بجد .اما بالنسبه للقاهره لو مش حابب تيجي اسأل اي حد من الازملاء اكيد حيدلك.في واحد علي فكره انا شفت شغله في عربيه واحد صاحبي كان في شامبليون عند ابو طارق بتاع الكشري كده كان عامل عنده شغل عفشه مضبوط و نضيف اوي بس مش فاكر اسمه ايه بس هو في المكان اللي وصفتهولك دا بالضبط
-
يا سيدى اهل المحلة احسن ناس علشان خاطرك,,,,, واشكرك على الاهتمام
-
الله يخليك يا باشا و انا تحت امرك في اي وقت لو تحب تشرفني
-
طبعا يا حازم انا راشق ان شاء الله لو فى حاجة حصلت فى العفشة !!
-
تشرف يا عبد الله معادنا الجمعه ان شاء الله يا مان :wink:
انا عملتلك العفشه مخصوص علشان ما تتريقش عليها :lol:
-
يارت تقلى سعر المسعدين اليبانى كام ومنين
Content Relevant URLs by
vBSEO 3.6.0 PL2