ممتاز
ممتاز تسلم ايدك
تقييمي للموضوع خمس نجوم
رقم العضوية : 13395
تاريخ التسجيل : 22Jun2008
المشاركات : 808
النوع : ذكر
الاقامة : القاهرة
السيارة: لا يوجد
السيارة[2]: لانسر 1600 موديل 2006
دراجة بخارية: لا يوجد
الحالة :
لكل اللى بيشتكى من صوت اللانسر العالى او ان سحبها ضعيف يبقى هو اللى مش عارف يستغل قوه الموتور صح لانه رياضى و طبعا عمره الافتراضى طويل و
(بس فيه ناس كتير مش فاهمه يعنى ايه موتور رياضى) و اى حد سواقته هاديه هيحس ان الموتور ضعيف.....
ممكن بقه اشرحلكم الفرق بين موتور رياضى و موتور عادى.؟؟؟؟!
اللعبه كلها فى الRPM فلازم نفهم الاول الموتور شغال ازاى؟؟؟؟؟!
انا هبتدى من الاول خالص عشان اللى معندوش فكره يفهم.............
انا هحاول ابسط الموضوع قوى.......
فيه بستم بيطلع و ينزل مربوط فى عمود الكرنك بحيث البساتم و هى طالعه و نازله بتبقى شبه واحد بيبدل برجليه على بدال بسكلته..............
البستم ده ليه اربع اشواط مختلفه (يعنى فى كل طالعه أو نازله من الاربع حركات دول بيعمل مهمه مختلفه عن التانيه و بعد الاربع مهمات دول ما يخلصو يرجع يكررهم تانى) و فى الموتور ال4 سلندر فيه اربع بساتم بيطلعوا و ينزلوا و كل واحد بيعمل حاجه من الاربع مهمات دول غير التانى بحيث الاربع مهمات دول بيكونوا بيتنفذوا فى نفس الوقت بس كل مهمه فى بستم من الاربعه و دايما فيه شوط من الاربع اشواط دول بنسميه الشوط الفعال و ده الشوط اللى بيتم فيه الحريق و البستم اللى بيكون عليه الدور فى الحريق بيعتبر هو ده البستم اللى ممشى العربيه فى اللحظه ده و الثلاثه التانيين فى الثلاث انواع من المهمات التانيه المختلفه اللى بنعتبرها مهمات تحضيريه لمهمه الحريق.........
باختصار عشان منتوهش من بعض هنمسك بستم و احد و نشوفه بيعمل ايه....
الشوط الاول: البستم بيكون فوق فى اعلى نقطه و صمام سحب الوقود و صمام خروج العادم مقفولين ويبدأ البستم فى النزول و فى نفس الوقت صمام السحب بيفتح و لما بيكون البستم وصل لأدنى نقطه ليه تحت بيكون شفط غليط الهواء و الوقود المطلوب.
الشوط التانى: بيقفل صمام السحب اللى كان مفتوح و يطلع البستم لفوق يضغط خليط الهواء و الوقود اللى سحبه قبل كده فى حته صغيره قوى اللى بتفضل فوق البستم و هو فى أعلى نقطه فيه و طبعا حجم الوقود اللى كان مالى الاسطوانه كلها اتزنق فى حته صغيره فوق البستم و ضغطه على اوى و بيتلكك على اقل شراره عشان يولع.
الشوط الثالث(الشوط الفعال): البوجيه يدى الشراره فالوقود المزنوق فوق البستم يحدث له شبه انفجار صغير فيتمدد و يدفع البستم لاسفل بقوه.
الشوط الرابع: البستم الصبح تحت فى ادنى نقطه و الاسطوانه مليانه عادم محتاج يخرج فيفتح صمام العادم و يطلع البستم لفوق و يزق كل العادم اللى قدامه يرميه بره و بعدين يقفل صمام العادم و يفتح صمام سحب الوقود و ينزل البستم و هو نازل يشفط كميه و قود جديده و هكذا تكرر العمليه نفسها و فى نفس اللحظه كل بستم من الاربعه بيبقى فى نوعيه شوط غير التانى بحيث باستمرار يكون فيه بستم واحد على الاقل فى الشوط الفعال(بيحرق و هو اللى بيحرك العربيه فى اللحظه ده)
معلش وجعت دماغكو فى اساسيات ناس كتير عارفينها بس فى ناس كتير بردو مش عارفينها و الكلام اللى هقولو عن الفرق بين المحرق الرياضى و العادى مش هيتفهم لحد مش عارف الاساسيات و انا عاوز الكل يفهم و حاولت ابسط على قد ما قدرت......
دلوقتى الشرح اللى انا شرحته قبل كده عن توقيت فتح و قفل الصبابات مثالى قوى ان صباب السحب يفتح فى نفس اللحظه اللى البستم بييتدى ينزل فيها عشان يشفط و ان صمام العادم يفتح فى نفس اللحظه اللى البستم محتاج يطلع فيها عشان يطرد العادم اللى فوقيه و كذلك توقيت غلق الصمامات...... توقيتات الفتح و الغلق للصمامات اللى انا شرحتها ده تكون صحيحه لو الموتو ده هيشتغل بالتصوير البطيىء لكن البستم من سرعه طلوعه و نزوله عينك ممكن تشوفه واقف مكانه ما بيتحركش فمع السرعه الرهيبه ده ممكن مثلا يحصل شوط السحب و صمام السحب يفتح و يقفل و خليط الهواء و الوقود ميلحقش يدخل؟!!!!!!!!! طبعا لان خليط الهواء و الوقود عباره عن كتله و لها قصور ذاتى و انت بتطلب منها تلحق تدخل و تملأ الاسطوانه فى جزء صغير جدا جدا جدا جدا من الثانيه!!!!!!!!!!!!!!!!!
و نفس الحكايه بالنسبه للعادم ممكن البستم يكمل مشواره لفوق و صمام العادم يقفل و لسه فيه جزء من العادم ما اطردش بره!!!!!!!!!!!!!!!
نيجى بقه لمربط الفرس:
معنى كده انى كل ما ازود سرعه الموتور محتاج افتح صمام السحب بدرى شويه عن ميعاده عشان خليط الهواء و الوقود يلحق يدخل بكميه كافيه و نفس الكلام بالنسبه لصمام العادم................
يعنى انا دلوقتى لو مصمم مواتير المفروض كل ال RPM يزيد اخلى كل من صمام السحب و صمام العادم يفتحوا بدرى عن ميعاهم و ويتأخرو شويه كمان عن ميعاد قفلهم عشان يفضلو مفتوحين اطول فتره ممكنه تسمح بخروج و دخول الكميات الكافيه من عادم و سحب وقود فى السرعات العاليه جدا ده......
طيب هو انا ممكن ازود الوقت اللى بيقى الصباب فيه مفتوح كده زى منا عاوز؟!!!!
فى الحقيقه الموضوع فيه مكسب من ناحيه و خساره من ناحيه تانيه المكسب فى انى ازود و قت فتح الصمام انى هقدر احرق كميات و قود اكبر خصوصا فى ال RPM العالى بس هخسر من ناحيه تانيه ان الوقت الزياده اللى هيبقه الصباب فاتح فيه هيبقى البستم بدأ فى شوط تانى يتطلب ان الصباب يكون مقفول زى مثلا لما افتح صمام خروج العادم بدرى و البستم لسه نازل فى السكه مخلصش شوط الحريق للأخر فطبعا كأنى رميت قوه ضاغطه كانت ممكن تستنى شويه لحد ما تجيب البستم للأخر و رميت طاقه كنت ممكن استفيد بيها......!!!!!!!!
طبعا فيه حسابات معقده تخلى المصمم يقدر يحسب هيضحى بايه وبقد ايه عشان يكسب ايه؟ و فى المجمل هيكون المكسب اكبر من الخساره و لا العكس؟
طبعا موضوع الوقت اللى بيبقى الصباب فاتح فيه بنعبر عنه بزاويه فتح الصباب لان الكامه اللى بتحرك الصباب بالفتح و القفل عباره عن عمود بيدور عشان كده لما بنتكلم عن توقيت فتح و قفل الصباب بنتكلم بلغه الزوايا يعنى مثلا(زاويه الكامه اللى بيكون الصباب فيها مفتوح بالنسبه لزاويه الكرنك.....و هكذا.. و طبعا مش محتاج اقولكم ان زاويه الكرنك ده بتعبر برده عن مكان البستم)
نيجى بقه لخلاصه الحسابات ان كل RPM ليه زاويه فتح صبابات معينه بيكون حسابات المكسب و الخساره فيها لصالح المكسب باقصى ما يكون و كل ما الRPM بيعلى بنحتاج الزاويه تكون اكبر!!!!!!!!!!!!!!!!!
طيب احنا مش هنقدر نغير الزاويه ده لكل RPM فالمصمم بيختار RPM معين و يصمم الزاويه ده عليه و طبعا الRPM ده هو اللى بيكون عنده الموتور فى احسن حالاته و احسن كفاءه و اقصى عزم و دايما لو نلاحظ لما بنقرأ فى مواصفات المواتير دايما يربط العزم بالRPM زى مثلا لما يقولك الموتور الفلانى اقصى عزم ليه 140 N.m @ 4500 RPM ..............طبعا العزم بيبقى اقل من قده فى الRPM الاقل و كمان فى الRPM الاعلى
طبعا كل مصمم ليه متطلباته و مواصفاته اللى عاوز يحققها فى موتوره فلما يصمم زاويه الكامه بحيث تديله اقصى عزم عند RPM واطى بيبقى اداء الموتور حلو فى الطلعات و السرعات الواطيه جوه المدينه انما لما تحتاج تقرص عليه و ترفع ال RPM و تجيب سرعات عاليه هتلاقيه مخسع لانه زى ما قلنا زاويه صباباته ضيقه فمش قادر يسحب خليط وقود كبير يتناسب مع الحرق و الجرى ده كله!!!!!!
وفيه مصمم بيفضل يصمم زاويه الكامه بحيش تديله اقصى عزم عند RPM عالى زى الانسر اقصى عزم عند 4500 و ده رقم كبير جدا نادر لما عربيات بتوصله و دايما بيبقى فى حدود ال3000RPM و طبعا كل ما اقصى عزم بيكون عند RPM عالى نقدر نقول على الموتور (رياضى) لانه بيدى اقصى كفائته و اقصى حرق ممكن على الRPM العالى فلو حد سواقته هاديه و الRPM ما بيعلاش معاه يبقى عمره ما هيستغل قوه الموتور الحقيقيه و عشان كده الفتيس الاتوماتك بتاع الانسر بيتعمد يرفع الRPM جامد عن عربيات تانيه كتير لانه مبرمج على ان الموتور اللى راكب معاه بيطلع كامل كفائته عند RPM عالى فبيحاول يوصله عشان كده صوتها بيعلى لما يتقرص عليه.
انا عن نفسى بفضل المواتير الرياضيه لسبب مهم جدا اهم من الشد و الجرى و هو ان عمرها الافتراضى اطول و هضربلكم مثال من كلامنا اللى فات.........
مثلا فى السرعات العاليه صمام العادم هيفتح بدرى شويه و البستم لسه نازل بيحرق و لو الصمام ده متأخر فى الفتح شويه زى فى موتور مش رياضى ممكن البستم يخلص حريق لتحت و يبدأ يطلع و لسه صمام العادم مفتحش على الاخر كويس و العادم ميخرجش بحريه و طبعا مقاومه العادم للبستم و هو طالع بسرعه رهيبه تعتبر احمال و اجهادات على البستم(زى شاكوش بيدق على البستم بالظبط) و طبعا عمره الافتراضى هيبقى اقل مع الشد و السفر كتير و خامات الموتور هتتهربد بسرعه (طبعا بالنسبه للموتور الرياضى مش فى العموم)
ده غير طبعا ان تسارعها احسن فىى السرعات العاليه زى مثلا لما تكون عاوز تزود من سرعه 120 لسرعه 160 كم/س وهكذا و طبعا الشاب اللى عايز يسابق و يشد بعربيته و يحرق بيها جامد و يجيب اخرها مش هيكيفه غير الموتور الرياضى و كمان عشان يستحمله كعمر افتراضى.
اخر حاجه بقولها تانى فى الاخر موتور الانسر رياضى و اقصى عزم ليه بيتحقق عند RPM يعتبر من اعلى الحاجات اللى شوفت مواصفاتها و طبيعى فى الاتوماتك بالذات ان الRPM يعلى اوى و فى المانوال كمان لو حد عاوز يجرى بيها لازم يجيب اخر الغيارات اكتر من اى عربيه تانيه بس الجميل ان الموتور هيستحمل الحرق ده كله لانه مصمم على كده بس محتاج حد يفهمه و على فكره انا معايا لانسر 1600 مانوال و صاحبى معاه صنى 1600 مانوال و مش بيقدر يطلع منى. بس عشان انا باعرف اطلع كل طاقه موتورى ازاى...
فى حاجه تانيه عاوز اقولها بمناسبه انى فتحت موضوع زاويه الكامه و ان اقصى عزم بيكون عند RPM معين........
فيه مواتير بتعدل زاويه كامتها بحيث العزم يكون احسن ما يكون فى مجال كبير من RPM و مش عند RPM معين زى المواتير التقليديه بس برضو بيفضل اقصى عزم ليه عند RPM معين بس لو عليت او قليت عنه العزم بيقل بنسبه اقل من المواتير التقليديه (يعنى مش بيضيع)
وامثله المواتير ده فى معظم الموديلات الجديده دلوقتى زى:
-الهوندا V-TEC و معناه Variable valve timing
-تويوتا VVT-i و معناه Variable valve timing intelligence
-ميتسوبيشى MIVEC و معناه Mitsubishi intelligent valves elect. control
-هيونداى CVVT ومعناه Continuously variable valve timing
رقم العضوية : 1716
تاريخ التسجيل : 12Aug2007
المشاركات : 12,834
النوع : ذكر
الاقامة : Egy
السيارة: ex polo ex lancer
السيارة[2]: Kia Cerato
الحالة :
ممتاز
ممتاز تسلم ايدك
تقييمي للموضوع خمس نجوم
رقم العضوية : 13794
تاريخ التسجيل : 28Jun2008
المشاركات : 29
النوع : ذكر
الاقامة : cairo
السيارة: astra
السيارة[2]: Lada
الحالة :
بصراحة معلومات الواحد مكانش لمها لو قرا 30 كتاب.....شكرا لك
رقم العضوية : 4385
تاريخ التسجيل : 17Jan2008
المشاركات : 4,078
النوع : ذكر
الاقامة : Alexandria
السيارة: grande punto T-jet
السيارة[2]: خلاص بخ
دراجة بخارية: nope
الحالة :
موضوع ممتاز وضح حاجات مهمة
شكراا
رقم العضوية : 392
تاريخ التسجيل : 01May2007
المشاركات : 741
النوع : ذكر
الاقامة : Cairo
السيارة: Lanos
السيارة[2]: Lancer
دراجة بخارية: ..................
الحالة :
بجد جامد جداااااااا و تسلم ايديك .
رقم العضوية : 11461
تاريخ التسجيل : 24May2008
المشاركات : 737
النوع : ذكر
الاقامة : alharm
السيارة: kia carenes
السيارة[2]: lada2110
الحالة :
شكرا ليك بصراحة انا تهت بس رجععت
تاااااااااااااااااااااااا اني
على العموم انا واحد بيعشق كلمة اسمها
متسوبيشي
راجع للمنتدى تاااااني وبقوة ان شاء الله
رقم العضوية : 6508
تاريخ التسجيل : 27Feb2008
المشاركات : 3,034
النوع : ذكر
الاقامة : Ismailia
السيارة: Lanos II
السيارة[2]: Corsa sedan 2003
دراجة بخارية: لا يوجد
الحالة :
تسلم ايدك يا بشمهندس على الشرح الوافى
المواتير التقليدية زى اللانوس والفيرنا والنوبيرا صح؟ وله غلط؟ استفسار
رقم العضوية : 5614
تاريخ التسجيل : 13Feb2008
المشاركات : 816
النوع : ذكر
الاقامة : ireland
السيارة: golf soon
السيارة[2]: ford fietsa ghia 2002
دراجة بخارية: no
الحالة :
تسلم ايدك يا باشا,بصراحه وضحت حاجات كثيره كان نفسي اعرفها.
bemo,ire
رقم العضوية : 475
تاريخ التسجيل : 05May2007
المشاركات : 8,407
النوع : ذكر
الاقامة : الأسكندرية
السيارة: I30 & Megane estate
السيارة[2]: E36 Coupe 328i
دراجة بخارية: .
الحالة :
شكرا يا باشا موضوع جميل جدا
الحمد لله[sor2]http://farm3.static.flickr.com/2639/3939929853_4547d6e150.jpg[/sor2]
رقم العضوية : 12256
تاريخ التسجيل : 05Jun2008
المشاركات : 1,113
النوع : ذكر
الاقامة : h0me
السيارة: the l0new0lfm0bile2
السيارة[2]: the l0new0lfm0bile1
دراجة بخارية: Ducati
الحالة :
ma3 e7terame lelgamee3 ekalam ele foa2 da mesh madboot
elmawdo3 asaso semam esa7b mesh etard
At high engine speeds, an engine requires large amounts of air. However, the intake valves may close before all the air has been given a chance to flow in, reducing performance.
On the other hand, if the cam keeps the valves open for longer periods of time, as with a racing cam, problems start to occur at the lower engine speeds. This will cause unburnt fuel to exit the engine since the valves are still open. This leads to lower engine performance and increased emissions. For this reason, pure racing engines cannot idle at the low speeds (around 800rpm) expected of a road car, and idle speeds of 2000 rpm are not unusual.
Pressure to meet environmental goals and fuel efficiency standards is forcing car manufacturers to turn to VVT as a solution. Most simple VVT systems (like Mazda's S-VT) advance or retard the timing of the intake or exhaust valves. Others (like Honda's VTEC) switch between two sets of cam lobes at a certain engine RPM. Still others (like BMW's VALVETRONIC) can alter timing and lift continuously, which is called continuous variable valve timing or CVVT.
The only one that adjusts the exhaust cam is the CVVT. The CVVT System Is Used In Two Different Ways
On the normally-aspirated engine versions, it works on the inlet cam in order to improve low-end torque and driving characteristics.
On the Volvo S80 T-6 version, it operates on the exhaust cam in order to cut emission levels still further, especially during cold starts.
CVVT is based on the principle, using the engine's oil flow, that the engine changes the position of the camshafts in relation to the valves by means of a hydraulic control valve.
In general, the opening and closing of the valves is adjusted depending on the situation (engine load, engine speed and so on). No matter whether it is intended to control the inlet valve timing or discharge the exhaust gases at exactly the right moment in the combustion process in order to reduce the HC content, CVVT improves the overall characteristics of the engine by improving driving characteristics and reducing emissions
While we are on the subject of emissions, the emission control system in the Volvo S80 T6 features twin catalytic converters, one for each set of three cylinders. Each of these catalytic converters has twin oxygen (Lambda) sensors.
One of them is located in front of the catalytic converter to provide information about the oxygen content of the exhaust gases. The other is positioned behind the catalytic converter, thereby making it possible to control the emissions with greater precision
The cams are driven by toothed belt for a long and trouble-free service life with accurate and quiet operation. They have plastic covers with rubber cushioning between them to counteract noise emissions and prevent the covers from rattling
toyota VVT beye3mel overlap been esobaben bema3na, beyefta7 sobab esa7b abl ma sobab etard ye2fel yoom yes7ab m3ah more air and fuel mass 3ashan elmawater asasan beteshta'3al benazareyet elvacuum.
honda VTEC and mitsubishi MIVEC mechanism eno beyen2el 3ala kama akbar toom tkhale sobab esa7b yefta7 moda atwal
MIVEC (Mitsubishi Innovative Valve timing Electronic Control system
VTEC (Variable Valve Timing and Lift Electronic Control
here are some demonstartion links
http://www.youtube.com/watch?v=9A6S1...eature=related
http://www.youtube.com/watch?v=9CzQ0...eature=related
http://www.youtube.com/watch?v=rYvqV...eature=related
http://www.youtube.com/watch?v=q24D0...eature=related
المفضلات