هام جدا-بننقل سرفر جديد ولازم تقرا الموضوع
السلام عليكم ورحمه الله
كل سنة وانتو بخير
وطبعا كل سنة بنكبر عن اللي قبلها
وطبعا اللي متابعنا منكم عارفين اننا نقلنا سيرفر جديد من حوالي 9 شهور
لكن دوام الحال من المحال
وما زلنا بفضل الله بنكبر
الله اكبر لي مايقولش ما شاء الله :-)
تمينا 4 مليوووون مشاركة في المنتدي
وتخطينا حواجز ومنتيات بقالها سنين وسنين
وكدة بقينا اكبر محتوي عربي عن العربيات في جوجل :-)
لسه ماقولتوش الله اكبر :-)
ده معناه اننا هاننقل سيرفر كبير تاني
http://www.gaorfid.com/images/data-center.jpg
لا لا ماتخافوش مش هانفتح باب التبرعات :-)
بس بنقولكم دعواتنا يخلص النقل على خير
هايتم خلال ايام ولحد اخر الشهر عشان بيتم على مراحل
في مرحلة منها هاتيجي تشارك مش هايقبل مشاركة لاننا هانكون في مرحلة ال online migration
ودي هانوقف فيها تلقي مشاركات جديدة لاننا هانكون بننسخ المنتدي اونلاين عالسرفر الجديد واول مايخلص هايتفتح الجديد ونسك عالقديم
ده هايكون بعد يوم 25 في الشهر
الموضوع بياخد اعداد كبير عشان ما شاء الله حجم الداتا بيز ضخم
غير اننا بننقل موقعين الدوت نت والدوت كوم
يعني الناس بتوعنا هايكون مصيرهم كدة خلال النقل :-)
http://us.123rf.com/400wm/400/400/wa...-the-floor.jpg
دعواتكم معانا
واللي يجي يعمل موضوع مهم وتعبان فيه او مشاركة مهمة بعد يوم 25 ولغاية اول الشهر
ياخد كوبي منها
مش هاتخسر حاجة لما تعمل ctrl+a and ctrl+c
يعني للي مايعرفش سيليكت اوول للكلام وتاخدة كوبي
ولما تدوس ارسال لو حصل وماتبعتش او ادالك خطأ يكون معاك كوبي تحطة في تكست فايل في لحظة
شكرا لتفهمكم وتعاونكم وبيكم وليكم بقينا اكبر محتوي عربية عن العربيات
ومستنين دعواتكم لينا بالتوفيق والسداد والاستمرار على طاعه من المولي عز وجل
في رعاية الله
سلام عليكم
كريم منير