انطباعى السريع عن الكيا ريو سيدان :)

**khaabas** · 23-04-2013 03:34 PM

ده انطباع اولى بعد قيادة العربية لساعتين تقريبا
يعنى موش كافى اطلاقا انك تعتمد علي التقرير ده بأى شكل

نتكلم بقى اول ما يميز الريو سيدان عن محبوبتي ار بى ( لاجل الموضوعية ) والالنترا رحابة الصالون الداخلى ، تحس ان الصانع الكورى استغل مسافات الصالون الداخلى للسيارة صح فبالرغم من ان ال3 عربيات حجم واحد لكن حسيت ان الريو سيدان اوسع واريح من الار بى داخليا ( متقوليش ازاى انا حسيت كده الصراحة )
ثانى ما يميز الريو ان الخامات الداخلية المستخدمة لتابلوه السيارة والفرش الداخلى تتفوق بجدارة عن الار بى واعتقد تتفوق ايضا عن الالنترا من حيث جودتها ، حتى زراير رفع الزجاج اجود وأحسن .
نيجي بقى لشكل العدادات وشكل التابلوة عامة الحقيقة يتفوق باكتساح عن الار بى والالنترا واهم ما يميز الريو توافر جميع الاوبش اللى ممكن تفكر فيه واللى مفكرتش فيه ،
طبعا وسائل الامان حدث ولا حرج
عزل العربية يتفوق على الار بى الصراحة لدرجة انى مسمعتش صوت المحرك وانا بشغله ( بلا مبالغة فعلا )
من الاخر عربية جودة وكفاءة وتستاهل كل قرش يندفع فيها وعربية مدينة من الطراز الاول
لكن نيجى بقى لاهم عيب من عيوبها
اهم عيب يا جماعة فى العربية واللى هيخليكم تتردوا فى قرار الشراء انها مطلعتش فى فيلم Fast
And Furious
:)

**Rsarabia** · 23-04-2013 03:55 PM

معلش هو حضرتك مدخل الالنترا فى المقارنة ليه :)
يعنى المساحة الداخلية لار بى او ريو قد النترا ؟؟ معتقدش

**khaabas** · 23-04-2013 03:59 PM

المشاركة الأصلية كتبت بواسطة rsarabia

معلش هو حضرتك مدخل الالنترا فى المقارنة ليه :)
يعنى المساحة الداخلية لار بى او ريو قد النترا ؟؟ معتقدش

هى موش مقارنة يا باشا لان التلاتة مختلفين عن بعض ( انا بكلم فى الجماليات فقط )
الار بى والالنترا عالفكرة نفس المساحة الداخلية :)
اركب الاتنين كده يا كبير وجرب

**DEVILRIDER** · 23-04-2013 04:20 PM

المشاركة الأصلية كتبت بواسطة khaabas

هى موش مقارنة يا باشا لان التلاتة مختلفين عن بعض ( انا بكلم فى الجماليات فقط )
الار بى والالنترا عالفكرة نفس المساحة الداخلية :)
اركب الاتنين كده يا كبير وجرب

نففس مساحة ايه بالظبط انا عندى الالنترا و ركبت الاربي كتيييير مفيش مقارنة فى الوسع خااااالص و باالنسبة لللتتابلوه تاببلوه الاربى وو الالنترا و بالزات العدادات تتفوق على الريو و الانترا بالزات عداداتها وهم الصراحة من الرسمة للالوان انما عداد الريو بحسو فقير الصراحة بالابيض اللى فيه ده عدادات السيراتو الجديدة وو القديمة الهاي لين هما اللى وهم الصراحة

**mostafaenany** · 23-04-2013 04:26 PM

دايما الشكل وجهات نظر و اذواق..

**S O P H O S** · 23-04-2013 04:40 PM

هههههه جميل موضوع اكبر عيب ده

**khaabas** · 23-04-2013 05:30 PM

المشاركة الأصلية كتبت بواسطة DEVILRIDER

نففس مساحة ايه بالظبط انا عندى الالنترا و ركبت الاربي كتيييير مفيش مقارنة فى الوسع خااااالص و باالنسبة لللتتابلوه تاببلوه الاربى وو الالنترا و بالزات العدادات تتفوق على الريو و الانترا بالزات عداداتها وهم الصراحة من الرسمة للالوان انما عداد الريو بحسو فقير الصراحة بالابيض اللى فيه ده عدادات السيراتو الجديدة وو القديمة الهاي لين هما اللى وهم الصراحة

هى اذواق بس موش عارف ليه انا حاسس بالعكس ان تابلوه الريو انضف من الار بى بلاش الالنترا علشان محدش يزعل ( مع ان الار بى نسخة توأم بس مشوه شوية هههههع من الالنترا )
وبالنسبة للوسع الداخلى يا باشا وصلت لتحدى بينى وبين صحبى معاه النترا ووصلت اننا قسنا مقاس الار بى عندى والالنترا عنده ويا باشا نفس المقاس الداخلى بفرق لا يذكر ( عرض العربية اللى بيدى احساس خادع شوية لا اكتر )

وانا ليه كل مكتب موضوع لازم حد يدنى كلمتين فى عضامى هههههه