عايز اشترى جراند بونتو و خايف

**aliabdo** · 23-04-2013 05:33 PM

السلام عليكم
كنت شبه استقريت على الينيا اول فئه بس مش لقيها و شوفت الجراند بونتو عجبنتنى انا بفكر فى اول فئه منيول او اول فئه اوتو خصوصا ان الطارق عامل خصومات على الجراند بونتو دلوقتى

بامانه انا بفضل بينها و بين الجين2 و التيدا و الكيا الريو و عايز حد يشجعنى

لو فى معلومات عن اعاده البيع و التوكيل يبقى جزاكم الله كل خير

تحياتى

**mahmoud_anwar** · 23-04-2013 06:45 PM

بس ضعيفة اووووووووي 1400 سي سي 77 حصان
حرام اجيب عربية تمنها واصل 124 و77 حصان اجيب احسن i10
نصيحة بلاش عن رائي دي علي كده الدايو عزم عنها

**aliabdo** · 23-04-2013 07:01 PM

الاشياء الى مخوافنى منها السحب و التوكيل و اعاده البيع غير كده العربيه دخله دماغى و عجبانى

يا ريت حد من الى معاه العربيه يقول لنا رائيه

**mahmoud_anwar** · 23-04-2013 07:33 PM

المشاركة الأصلية كتبت بواسطة aliabdo

الاشياء الى مخوافنى منها السحب و التوكيل و اعاده البيع غير كده العربيه دخله دماغى و عجبانى

يا ريت حد من الى معاه العربيه يقول لنا رائيه

اولآ انتا بتقول السحب بزمتك عربية 1400 سي سي و77 حصان هتديك سحب ايه
دي كويس لو مشيت اصلآ
اعادة البيع في الفيات مش حلوة زي الياباني والكوري لي اني لو معايه تمنها هشتري افضل منها هيونداي اكسنت اربي او كيا ريو الهتش باك الجديدة معلش هيا دي كور ودي اوربي بس السوق المصري غير اي سوق فانصيحة اخوية ولله وانا بنصحك علشان القي الي ينصحني اركب عربية للسوق
بمعني هات عربية قطع غيارها منتشرة هات عربية يوم لما تحب تجيب فلوسك هتنزل يوم الجمعة ترجع فلوسك لكن الفيات البونتو شفت كام وحده منها علي الطريق ؟؟؟ هل هيا في عدد الهيونداي ار بي والكيا ؟؟؟ اكيد لا فا اكيد قطع غيارها ندره شوية
نصيحة لوجه الله في عربيات نشوفها نتعجب بيها تبهرنا لكن منركبهاش زي البروتن زي الستروين زي الفيات
وكمان العربية 77 حصان واخد بالك ولا لأ يعني معدومة السحب يعني انا ممكن اقطعها بي الدايو الدايو 86 حصان
ياراجل دي الكيا البيكانتو 87 حصان
والله ابعد عنها الا لو انتا غاوي الشكل ومش فارقة معاك لو عايز فلوس وقتي ولا لأ لي ان اعادة بيعها صعب لي انه كله هيقولك دي فيت ياعم

**aliabdo** · 24-04-2013 10:18 AM

هو بس انا حابب انى اقول ان 77 حصان مش شويه انا معاى اسكورت 60 حصان و طبعا اتقل بكتير من البونتو و بمشى بيها 150 ز سحبها كويس كمان ناس كتير معاها العربيه قالت ان العربيه سحبها كويس

**mahmoud_anwar** · 24-04-2013 12:13 PM

المشاركة الأصلية كتبت بواسطة aliabdo

هو بس انا حابب انى اقول ان 77 حصان مش شويه انا معاى اسكورت 60 حصان و طبعا اتقل بكتير من البونتو و بمشى بيها 150 ز سحبها كويس كمان ناس كتير معاها العربيه قالت ان العربيه سحبها كويس

ياباشا السحب حاجة وانك تجيب سرعات عالية حاجة تانية
ما كل العربيات بتجيب سرعات عالية
بس الفكرة انتا بتجيب م الصفر ل100 في كام ثانية ؟؟؟؟؟؟؟
هيا دي السحب وكمان السحب علية عامل مهم انك لو عايز تخرج من عربية علي طريق وجمبك عربية ماشية بطة بلدي ل عدك السحب ضعيف انسي انك تعرف تخرج منها
فهمت قصدي

**aliabdo** · 24-04-2013 12:33 PM

يا شباب طيب مفيش حد معاه الجراند بونتو يرد علينا

**u3mbkp** · 24-04-2013 03:15 PM

المشاركة الأصلية كتبت بواسطة mahmoud_anwar

ياباشا السحب حاجة وانك تجيب سرعات عالية حاجة تانية
ما كل العربيات بتجيب سرعات عالية
بس الفكرة انتا بتجيب م الصفر ل100 في كام ثانية ؟؟؟؟؟؟؟
هيا دي السحب وكمان السحب علية عامل مهم انك لو عايز تخرج من عربية علي طريق وجمبك عربية ماشية بطة بلدي ل عدك السحب ضعيف انسي انك تعرف تخرج منها
فهمت قصدي

كل العربيات سواء كورى او اوروبى ليها مميزات وعيوب .. بس هل ياترى الاخ العزيز ركب الجراند بونتو ام 77 حصان و1400 سى سى لفترة معينة ؟؟ وجرب سحبها بنفسه ؟؟ هل اضطريت تاخد بيها غرزة على الضيق على سرعة 140 ؟ هل جربت الفرامل الـ abs على طريق رملى وشفت الفرق بينها وبين الكورى ؟؟
السؤال المهم دايما .. عربيات كتييير بتجرى وتسحب حلو قوى .. بس هل ياترى بتعرف تقف فى الوقت المناسب ؟؟ (وخد مثال الفيرنا مثلا"العربة الطائشة") او الالنترا اللى لو عدت جنب منك تريللا تلاقى العربية بتعوم .. والامثلة كتيير ..
ارجع واقول مفيش عربية من غير عيوب بما فيها الجراند بونتو طبعا .. لكن للاسف ولا حاجة من اللى ذكرتها صحيحة ..وأأكد برضه على كلام الاخ العزيز ان السوق فى مصر مختلف عن كل الدنيا لأن المعيار عندنا مش مجرد كفاءة العربية وبس.. لأ فيه عوامل اخرى كتير تتاخد فى الاعتبار .. بس دى بتفرق بين واحد وواحد .. فيه اللى ميهموش سعر اعادة البيع .. وفيه اللى يهمه اكتر حاجة الراحة النفسية تجاه العربية .. وفيه اللى يهمه اكتر حاجة التفرد وان العربية تبقى مميزة ومفيش منها كتير .. وفيه عكسه تماما اللى يهمه ان العربية تكون منتشرة علشان سعر اعادة البيع وقطع الغيار المتوفرة ..(مع العلم بأن نفس العوامل دى هى اللى بتخلى العربية تتسرق - تقريبا 80% من العربيات اللى بتتسرق فى مصر بتكون هيونداى او كيا) .... الخ ..
فى الآخر .. كل العربيات فى مصر مبالخ فى سعرها جدا .. وكل المستوردين حرامية تقريبا .. وكل التوكيلات متعبة فى تعاملها ولو تقدر تنصب عليك تعملها .

آخر حاجة بجد .. ياريت اللى يطلع عيب فى عربية يكون ساقها كتير قبل كده علشان منتوهش الناس

**Formulator** · 24-04-2013 04:51 PM

المشاركة الأصلية كتبت بواسطة u3mbkp

بس هل ياترى الاخ العزيز ركب الجراند بونتو ام 77 حصان و1400 سى سى لفترة معينة ؟؟ وجرب سحبها بنفسه ؟؟

آخر حاجة بجد .. ياريت اللى يطلع عيب فى عربية يكون ساقها كتير قبل كده علشان منتوهش الناس

أكيد ماركبهاش طبعا؟!!

- بيقولك: البيكانتو 87 حصان واللانوس 85 حصان بيجروا عنها؟؟!!!
يبقى أكيد مايعرفش حاجة عن الـ77 حصان (+dualogic) سحبهم كويس فـ أى رينج ووحش فـ أيه؟!!

@ aliabdo

البونتو 1.4 Fire فـ الـmid-range (اللى هو 60-80، و 80-120/130) بتطلع من عربيات 1600 معروفة انها خفيفة وجراية!!

فـ الطلعة ثقيلة شوية.. والتوب-سبيد آخرها 185 كم/س
بتطلع لحد الـ140-150 كويس.. وبعد كده بتبدأ تثقل لحد ماتقفل الـ180-185

Still دى فـ الأول والآخر عربية City.. أقولك على عربيات أوروبى بنفس الأداء تقريبا:
- البولو والفابيا والفييستا 1.4 (يمكن الفييستا أسرع سيكا)
- الجولف6/5 والجيتا بالموتور 1.6 SOHC (كامة واحدة زى البونتو).. على وزنها الأثقل: أداؤها مقارب جدا للجراند بونتو
الجولف تفرق فوق الـ160 وتقفل توب-سبيد أعلى 190-195 كم/س!

بالنسبة للمقارنة:
التيدا هى الأسرع.. لكن ثباتها سىء، وإعادة بيعها وتوكيلها كويس
الجين2 هى الأثبت.. لكن تقفيلها وحش ووكيلها سىء، وطبعا resale قليل
الريو أفضلهم فـ إعادة البيع والتوكيل.. لكن لا تقارن بالأوروبى فـ الأمان والثبات والهاندلينج!

لو عـ النيو جراند-بونتو تحديدا:
أفضل عربيات فيات الجديدة فـ مصر؛ من حيث إعادة البيع وإنتشار قطع الغيار
الوكيل مش بالسوء اللى الناس بتتكلم عليه؟!!

رأيى: البونتو تقارنها بالفييستا-الكورسا-البولو-الإبيزا-الـ207...etc
لكن مش بالريو والتيدا
لو بتقارن عشان الفئة السعرية: العربية value-for-money طبعا

بالتوفيق فـ الإختيار ان-شاء الله
Rgds،