سخونة ملهاش حل للفيرنا ارجو الافادة

**alking_2006** · 25-04-2013 02:49 AM

لما بتسخن معاه بعد مشوار طويل , بيبقى ايه وضع قربة الميه؟ يعنى هل بتبقى مليانة و عمالة تفضى ميتها فى الشارع
كانت بتحصل معايا بعد تغيير جوان وش السلندر لأن للأسف وش السلندر كان مقفع و كان عايز يتخرط و الميكانيكى مأخدش باله و دا كان عامل نفخ فى دورة التبريد يعنى العربية تمام فى المشاوير الصغيرة لكن بعد مشوار طويل فالنفخ بتاع دورة التبريد بيخللى الرادياتير يفضى ميته كلها فى القربة و يبقى فاضى و الموتور يولع حرارة

فشوف كدا و قولى هل بيلاقى القربة مليانة على الاخر و بتدلدق فى الشارع بعد عمل مشوار طويل

**haysam2000** · 25-04-2013 08:09 PM

راجع الترموستات انه كويس و بيشتغل فى معاده و اقف جنب العربيه و هى واقفه على درجه حراره طبيعيه و شوف المراوح هتشتغل ولا لأ

**aymn6666** · 26-04-2013 05:25 PM

انا بشك في التركوثتات تون مبتفتحش للاخر

**ruicosta** · 28-04-2013 11:57 AM

جزاكم الله خيرا على الردود انا شيكت فعلا على الارضى مفيش حاجة بالنسبة للمياه مش بتنزل من القربة حاجة والشكمان غيرنا علبه شكمان بالنسبة للترموستات اخويا قالى انا لغيته خالص مش عارف دا صح ولا غلط

**Yousf Verna** · 09-05-2013 08:22 PM

المشاركة الأصلية كتبت بواسطة ruicosta

اخويا معاه عربية فيرنا 2004 اوتوماتيك غير الريداتير وغير طرمبة مياه وغير جوان وش السلندر كل دا والعيب لسه موجود مش عارفين بتسخن ليه وللعلم هى بتسخن لما يكون معاه حمل فى العربية او مشوار طويل انما المشاوير القصيرة مابتسخنش ياريت حد يفيدنا فى الموضوع دا لانه عايز يبيع العربية بسببها

المشكلـــه دى قبلتنى وخنقتنى جدا جدا جدا
وفى الاخر طلعت حااجه تفهااا وهو سااعه الحراره
وعلى فكره السخونيه اللى عندك دى عداد وهمــى فقط العربيه مش بتسخن
غيــر سااعه الحراره
وتااكد من الترموستااات سليمه عشان ممكن تكون مبتدخلش ميه لماااتور

وان شاء الله كلو هيبقى تمام

**zakiali** · 10-05-2013 12:12 AM

علي فكره انا عندي نفس المشكلة الغبية دي .. العربية بتسخن بطريقة بشعة لو مشيت بيها فوق ال 120 لدرجة انها ممكن توصل للأحمر !! غسلت دورة التبريد والرادياتير وغيرت المية لموبيل الأخضر برده مفيش فايدة بتسخن جدا .. المراوح شغالة تمام .. لدرجة اني شلت خالص ترموستات الكوع لغيته وده بيخلي المية تدخل الموتور بصفة مستمره وبكميات كبيرة وبرده مفيش فايدة الموتور بيخسن جدا أول ما يخش علي 120 كيلو ؟؟ ده حاجة تغيظ بجد
انا بفكر ابيع العربية بسسبها قبل ما تجيب وش سلندر من السخونية !!

**zakiali** · 10-05-2013 12:14 AM

المشاركة الأصلية كتبت بواسطة yousf verna

المشكلـــه دى قبلتنى وخنقتنى جدا جدا جدا
وفى الاخر طلعت حااجه تفهااا وهو سااعه الحراره
وعلى فكره السخونيه اللى عندك دى عداد وهمــى فقط العربيه مش بتسخن
غيــر سااعه الحراره
وتااكد من الترموستااات سليمه عشان ممكن تكون مبتدخلش ميه لماااتور

وان شاء الله كلو هيبقى تمام

عداد الحرارة بيقرا غلط ازاي ؟ ماهي لما بتبتدي تسخن اول ما تشغل العربية المؤشر بيعلي لحد ما يبقي بين النقطتين ويثبت علي كده مش بيعلي عن النقطة الفوقانية غير لما العربية تسخن

**ruicosta** · 10-05-2013 12:26 AM

هاحاول اشوف طقم عدادات تانى واجرب يممن العيب فى المؤشر

**zakiali** · 13-05-2013 01:55 AM

ده طلع عيب جماعي في الفيرنا ... للأسف الشديد انها بتجيب جوان وش سلندر بعد 90 الف كيلو ولازم يتغير

الموضوع: سخونة ملهاش حل للفيرنا ارجو الافادة

LinkBack

أدوات الموضوع

عرض

-

-

-

-

-

المواضيع المتشابهه

ارجو الافادة سخونة غريبة فى سيارتى لانسر2008

مشكلة فى سخونة لانوس ومؤشر الحرارة ... ارجو الافادة

عايز اشتري اسكورت بس سامع انها بتسخن وفيها مشاكل سخونة ارجو الافادة

أرجوا الافادة الافادة الافادة

مشكلة سخونة البولو ارجو الافادة

الكلمات الدلالية لهذا الموضوع

المفضلات

المفضلات

ضوابط المشاركة