وقفت فجأة .. واللي ورايا مخبطنيش !! .. ( موضوع فكاهي)

**AlGazar2** · 23-04-2013 11:06 PM

اسلوووووووب رائع بصراحة

و حصلى الموقف ده زيك بالظبط الى قدامى وقفت فجأه و انا وقفت على اخر 2 مللى الى ورايا يدوب يدوب لمسنى ربع ميكرون كده الى وراه لبس فيه بقى و الطريق قدامى مشى و انا مشيت انا كمان

**graffittiii** · 24-04-2013 01:44 AM

شكر خاص لكل من شارك في هذا الموضوع
بجد مشاركتكم أسعدتني جدا ونورتو التوبيك ..
أنا قولت نغير مود المنتدي بمشاركة ترفيهية قبل مالسيرفر يتغير ... وخاصة أن الموقف كان لسه حاصل طازة .

إستكمالا للتعجب .. الغريب أن المسافة الفاضية أصلا كانت صغيرة جدا ..
يعني بتاع الإلنترا عمره ماهيبقي كابس عليا كده غير لو كان طالع ورايا فرك بالعربية .
معذور ماهو إحنا نشفنا من كتر الوقفه .

المشاركة الأصلية كتبت بواسطة s o p h o s

ههههههه الطريقة جميلة
وطبعا فمصر عاوز اقولك اني من غير ما اقف حتي احيانا وانت بتهدي بس
تلاقي واحد بيزق العربية

مشكور لمرورك .. نورت التوبيك يا sophos باشا .

المشاركة الأصلية كتبت بواسطة friendship7897

حسيت أني بتفرج على فيلم أكشن بالموسيقى السسبنس التصويرية

حمد الله على عربيتك
والله يكون في عون صاحب العربية الإلنترا

الله يسلمك ويسلمنا جميعا ... صاحب الإلنترا الخبطة عنده بسيطة الحمدلله
أو هذا مابدت عليه لأن أنا ماوقفتش لأن الرذاذ اللي طالع من بقه وهو بيزعق لبتاع التاكسي كان هيخرم إزاز العربية .
نورتي الموضوع .

المشاركة الأصلية كتبت بواسطة sakr1964

قصة من طرفها كدت ابكى على ما نحن فيه من انهيار اخلاقى وادبى ربنا يحفظنا وفكرتنى بموضوع شبيه بموضوعك حدث امس الساعة الثانية وربع بعد الظهر....

حيث كان الشارع مزدحم وزى ما حضرتك بتقول لا وجود للمسافة الآمنه بين السيارة والتى تسبقها ولاكنى انا شخصيا احب ان احتفظ بتلك المسافة البينية واحياننا يقتنصه منى سائقو التاكسى والميكروباص مما يجعلنى اتقهقر لترك نفس المسافة البينية ....

فى ذالك اليوم كانت اشارة مرور تكاد تفتح لتمر عدد من السيارات وتغلق فيتوقف الشارع واذا بى فجأة وجدت سيارة تقف امامى وارى الجميع ينحدر الى اليسار ليمضى فى طريقة وهذا ماقد يسبب حادث تصام للقادم من الخلف ولاكن الكل يجازف وكأنك تمشى فى صحراء ولاكن اننى توقفت ونزلت من سيارتى وتوجهت للسيارة الواقفه فى الطريق التى احدثت خنق للطريق فوجدتها سيدة سالته لماذا تقفين هكذا قالت العربية مش راضية تدور وكانت بتتكلم فا التليفون بتستنجد بحد فقلت لها دورى ودوسى بنزين وفعلا نفذت ودارت السيارة فقلت لها يالا انطلقى ومشيت ورجعت ركبت عربيتى وانفرجت الخنقة والحمد الله....

مش عارف فين اخلاق المصرى الحرى الذى كان لا يتونى فى مساعدة المحتاج انحنن فعلا لا يصلح لنا الا فرعون ليحكمنا!!!!!!!!!!

والله أنا بحس الطريق بيبقي أبن ناس طول مافيه عربيات ملاكي ..
دايما يصبرو عليك ولو أديت إشارة يستنوك ... إلا فيما ندر يعني ...
لكن التاكسي أول ماتديله إشارة يقفل عليك قبل ماتدخل حارته ...
نورت الموضوع بمرورك .

المشاركة الأصلية كتبت بواسطة monamize4

يا باشا اسلوبك جاااااااااااااااامد تنين ,,,,, انت لازم تكتب قصص

عشت ياكبير ... ونورت التوبيك ..

المشاركة الأصلية كتبت بواسطة mahmoud_afifi

ههههههههههههههههههههههههه هههههههههههههههههههه
اسلوبك جااااااااااااااااامد فحت
وحمدلله على سلامة عربيتك

وعشان تعرفوا ان فرامل الالنترا جامده اهو ماخبطش فيك

الله يسلمك ياباشا ...
طيب وبالنسبة لأن الإلنترا زحفت فـ الـ 7 متر اللي ورايا ؟؟
معلش هو وصل سرعة كام في الحته دي عشان العربية تزحف !
إحنا جايين نهدي النفوس ياكبير ههههههههههههه .

لأ والله هو للأمانة مزحفتش غير ربع متر كده ... وأنا مكنتش متابع هو كان فين قبلها بس أغلب الظن أن هو كان طالع ورايا فرك بالعربية ..
نورت التوبيك يازعيم .

**graffittiii** · 24-04-2013 01:59 AM

المشاركة الأصلية كتبت بواسطة alsayedsabry

انهم كذلك ايها الكونت ... لا يرحمون تبا للاوغاد

المشاركة الأصلية كتبت بواسطة hamaka

أسلوبك فى الكتابة معدييييييييييييييييييييي ، بحييك للصبح عليه...

المشاركة الأصلية كتبت بواسطة cvt2008

جامد أخر 3 حاجات زى د. نبيل فاروق

المشاركة الأصلية كتبت بواسطة mohammed dodda

أسلوب رائع ومشوق وفعلا فن القص ده ملكة وموهبة...أحييك ياباشا

المشاركة الأصلية كتبت بواسطة rahmanboud

خطيره جدا طريقة العرض - أسلوب سهل وجاد ومشوق وفكاهى
لك منى الف تحيه ومبروك على سلامة العربية

حاجة ساقعة للناس دي بسرعة ...

والله يجماعة الخير منورين الدنيا

**graffittiii** · 24-04-2013 02:10 AM

المشاركة الأصلية كتبت بواسطة lanos2004

اتخطبت 3 مرات من ورا وكل مرة اسمع صوت فوانيس تكسر وانا ولا خدش ---الفوم الى تحت الا كصدام الخلفى رائع
بس اغرب مرة
موتوسيكل وقع قدامى دوست فرامل والحمد لله وقفت
تاكسى كان ورايا لبس فيا فانوسه اتكسر
لقيته نازل يقلى كسرتلى الفانوس
حد يقلى اعمل ايه
سواق الموتوسيكل قام بالواجب وكان هياكله

الموتوسيكل وقع قدامك بردو ... ولا أنت اللي من الصبح عمال تخلخل الهوا وراه هههههههههه
حبيبي يا لانوس باشا منور الدنيا وربنا .

المشاركة الأصلية كتبت بواسطة lidosasa

ما شاء الله طريقتك فى سرد الأحداث طريقة كاتب سينمائى
وفعلاً الواحد زهق من السواقة فى مصر ونفسى أنزل الكود بتاع الدبابة بتاعت gta وأعلم الأدب لكل الناس اللى بتمشى فى المخالف واللى بتركن صف تانى وخصوصاً لو فى شارع ضيق إلى أخره من ألوان العذاب اللى بنشوفه فى شوارعنا.

نورت الموضوع ياكبير .. تحياتي .

المشاركة الأصلية كتبت بواسطة mhf_77

اولا احييك على اسلوبك الجبار فى السرد
ثانيا بالنسبه لسؤالك - هل سبق وتوقفت فجأه ولم يخبطك احد؟؟
فالاجابه
الواحد بيكون ماشى على سرعته وفى حارته وبيخبطوه مابللك لو غير الحاره ووقف وفجاه
اعتقد انهم مش هيخبطوه وبس اكيد النتيجه هتكون علاقه ( شرعيا - حرام لو بين البشر) شوف لما تكون بين عربيتين؟؟؟؟؟؟؟؟

هههههههههههههه ... يؤسفني يافندم أقولك إننا ضايعين ضايعين لامحالة ...
نورت التوبيك بمشاركتك ..

**oousaoo** · 24-04-2013 02:14 AM

فن القص ده ملكة وموهبة...أحييك ياباشا

**د.أبونضال** · 24-04-2013 03:24 AM

من ست شهور أو أكثر وكنت لسه شاري العربية .. وماشي وسط البلد والطريق واقف... وهب لقيت تريسكل راح منزل لي الاكصدام ... البيه كان بيتكلم مع والدته اللي راكبه ورا في الصندوق وطبعا لازم يبص لها وهو بيتكلم ...

**Gamal.Eid** · 24-04-2013 04:19 PM

السلام عليكم
النهاردة الساعة 8 صباحا وانا فى الرياض بالسعودية وماشى على 120 كم والطريق مفتوح وبقرب من عربية نص نقل وبقلبله عشان يوسعلى وانا فى اقصى اليسار وهو على نفس الخط وفجاة وانا على بعد حوالى مترين يفرمل هى مش فرملة وقوف ولكن هدى جامد والاقى نفسى بدوس فرامل جامد وابص فى المرايا الاقى جيمس ورايا وهو كمان بيفرمل بس الراجل بصراحة لاقى يمينه فاضى راح حادف على اليمين وعدانى وده كله حصل فى ثوانى والحمد الله العربية بصراحة انقذتنى والفرامل كانت ممتازة معايا والاقى ده كله عشان كان فيه شوية مية فى الارض وبيهدوا علشانهم ولاد الناس الكويسة يهدوا عشان المية ويلبسونا احنا فى بعض كنت هبقى سندوتش معتبر بس ربنا ستر

**mohamed_selim** · 24-04-2013 04:32 PM

المشاركة الأصلية كتبت بواسطة mhf_77

اولا احييك على اسلوبك الجبار فى السرد
ثانيا بالنسبه لسؤالك - هل سبق وتوقفت فجأه ولم يخبطك احد؟؟
فالاجابه
الواحد بيكون ماشى على سرعته وفى حارته وبيخبطوه مابللك لو غير الحاره ووقف وفجاه
اعتقد انهم مش هيخبطوه وبس اكيد النتيجه هتكون علاقه ( شرعيا - حرام لو بين البشر) شوف لما تكون بين عربيتين؟؟؟؟؟؟؟؟

بسم الله الرحمن الرحيم ... الاجابه: توكتوك !

**_hema** · 24-04-2013 04:38 PM

حصل معايا زماااااااااااااااان سنه 98

كنت ماشى من قدام مستشفى الشرطه بالعجوزه وانا ملاحظ ان الاشاره نورت احمر فابتديت اهدى

ووقفت اما الاشاره نورت احمر ( اشاره مستشقى الشرطه) واما الاشاره فتحت بداءت اتحرك بالعربيه يادوب خدت الاولانى ويادوب ادتها التانى لاقيت راجل كبير فى السن بيشاور من ع الرصيف وعاوز يعدى ونزل من الرصيف بقا فى الشارع على شمالى وطبعا يعدى تاتا تاتا فشغلت الانتظار ورفعت إيديا من شباك العربيه للى وراءا عشان يهدى شويا

وهوبا من قبل أيدى ماتنزل كان الافندى خيش فى شنطه العربيه ولبس وراه تلات عربيات طبعا انا لولا دست جامد على الفرامل وقت الخبطه لكانت عربيتى زحفت وداست الراجل العجوز

طبعا الافندى ده مصدق ان الاشاره فتحت وعايز يطير بالعربيه ملوش دعوه بحد

ربنا يحفظنا ويحفظكم من كل مكروه

**mesaharaty** · 24-04-2013 04:50 PM

[frame="1 80"]
في حالة أن تلك المسكينة كانت بدون شنطة بالفعل ( هتشباك ) فإنك تغامر بإستضافة الغرباء القادمون من الخلف في مقصورتك الرئيسية .

[/frame]

ههههههههههه
ضحكت ضحك على الحتة دى .... جامد

الموضوع: وقفت فجأة .. واللي ورايا مخبطنيش !! .. ( موضوع فكاهي)

LinkBack

أدوات الموضوع

عرض

-

-

-

-

-

-

-

المواضيع المتشابهه

الميه ورايا ورايا

هو الحسد ورايا ورايا

هو منصور ورايا ورايا !!!!

اللى عاوز فيات او لينيا 2010 ............يجى ورايا

ازاى اطلع من عربيتين زانقنى من الجناب وعربية ورايا

الكلمات الدلالية لهذا الموضوع

المفضلات

المفضلات

ضوابط المشاركة