رجاء الأفادة بخصوص بطاحات كيا سيراتو 2011 ؟
انا معايا كيا سيراتو 2011 خليجى اعلى فئة جنط 17 عامل 47 الف كم
وعملت الصيانات الدورية ماعدا تغيير التيل
بس من فترة الفرامل خففت جدا من زى الاول حاسس ان دواسة الفرامل بتنزل اوى ولازم ادوس للاخر عشان الفرامل تلم وتوقف العربية , اشتريت تيل كورى مش الاصلى وروحت اغيره الميكانيكى قالى التيل بتاعك الاصلى لسه كويس وفيه نصه لسه بس انا قلتله يركب الجديد الكورى المهم مشى تمام يومين وفجاءة مع دوسة الفرافل العربية بتترج وصوت غريب اوى اكن حديد على حديد وعالى اوى الصوت مش تصفير لاء روحت ليه تانى وركبت التيل القديم وهو بيجرب العربية سمعته صوت كربكة او كركبة من الناحية اليمين قدام صوت حاجة اكنها بلاستيك بطقطق فالمدقات الصوت ده كان ظاهر بقالو فترة ومضايقنى جدا بس كنت مفكره عفشة او كرتيرة عايزة تتربط صوت كربكة بيبان اوى فطرق المدقات على سرهة بطيئة.
على السرعة العالية العربية بتتغربل بعد سرعة ال 80- لغاية 120 العربية بتترج وبحس ان الدريكسيون ودواسة البنزين بتترج دج دج دج, شيك على العفشة قالى العفشة تمام وزى الفل ودى البطاحات عايزة تتغير ياريت لو حد يعرف ايه البطاحات دى لانى معرفش اى حاجة فالعربيات وهل هى حاجة خطيرة لازم تتغير ولا لا ومنين اجيبها بره التوكيل وحل التيل القديم اللى لسه فيه نصه ايه مع ضعف الفرامل , اسف جدا للأطالة وشكرا