مساعدة فى شراءاسكوتر بيجو 150

**Eros_mada** · 01-05-2013 10:23 PM

المشاركة الأصلية كتبت بواسطة m_abdelrahman

السلام عليكم
البيجو ال 150 سي سي أهم ما يميزه التالي:
فيه 2 مساعدين ورا.
فيه مفتاح تحت الكرسي بيقطع الكهرباء عن الموتور عشان لو ركنه في الشارع أو كدة محدش يعرف يدوره.
وزنه 109 كيلو.
العداد بتاعه 120 كيلو / الساعة.
فرامل باكم ورا و قدام.
بيشيل حوالي 5 لتر بنزين.
و أسمه بيجو تويت و عامل 14000 جنيه.
و عليه ضمان سنتين.
نصيحة من واحد مجرب مادام أول مرة بلاش تشتري البيجو هات سيمفوني أس أر نفس مواصفات البيجو التويت بالحرف بس بيستورده حلاوة و كدة كدة السيمفوني صيني و البيجو بيتقفل في الصين بردو.
أنا كنت هجيبه بس جبت سيمفوني و السيمفوني عامل 9000 بس.
أكيد هتقول دي صيني و ملهاش ضمان و اخاف أجيبها هقولك متخفش كويسة جدا و قطع غيرها رخيصة و سوقها ماشي عن البيجو.
و كمان أنت أول مرة يعني هتقعد مدة تلبس مطبات و مش هتعرف تهتم بالمكنة في الأول فبدل متجيب الغالية خسارة ال 5000 الزيادة.

مع كل احترامى لردك ولزوقك فى الرد بس فى فرق شاسع بين ألأثنين اة فعلاً الأثنين تقفيل صينى بس البيجو موتور فرنسى يعنى مفيش اى وجة مقارنة اة الشكل واحد بس أهم شئ الموتور والضمان سنتين انا روحت مول العرب وشوفتة وفعلاً عاجبنى اوى فرق ال5000 مش خسارة فية واديك قولتها حتعرف تسوفة فى 5 دقائق يبقى مش حيفرق فى لبس المطبات كدا كدا البلد كل شوارعها خربنا ربنا يكملها علينا بالخير واتمنى انى اكون افدتك

**m_abdelrahman** · 02-05-2013 05:55 AM

المشاركة الأصلية كتبت بواسطة eros_mada

مع كل احترامى لردك ولزوقك فى الرد بس فى فرق شاسع بين ألأثنين اة فعلاً الأثنين تقفيل صينى بس البيجو موتور فرنسى يعنى مفيش اى وجة مقارنة اة الشكل واحد بس أهم شئ الموتور والضمان سنتين انا روحت مول العرب وشوفتة وفعلاً عاجبنى اوى فرق ال5000 مش خسارة فية واديك قولتها حتعرف تسوفة فى 5 دقائق يبقى مش حيفرق فى لبس المطبات كدا كدا البلد كل شوارعها خربنا ربنا يكملها علينا بالخير واتمنى انى اكون افدتك

فرق الموتور و الكلام ده مش هيحس بيه اللي أول مرة يركب الكلام ده بيفرق مع واحد قديم.
أنا رأيي أن اللي بيركب جديد بيقعد فترة معندوش مهارة أه بيسوق بس بغشومية حبتين و مبيبقاش عارف الأعطال و لابيبقى فاهم للمكنة حاجة و مبيعرفش يغسلها حتى فالأحسن أن الواحد يتعلم في حاجة رخيصة و بعد كدة يغير براحته و الكلام ده من تجربتي الشخصية.
و في الأخر القرار يرجع لصاحب الموضوع هو حر في أختياره و في فلوسه يارب بس هو اللي يستفيد من الكلام ده.

**JOKER_KLEN** · 02-05-2013 02:15 PM

مع احترامى لكل الناس الى ردت عليه بسى بجد انا نفسى فى حاجة ممتازة وحكاية ان اجيب حاجة رخيصة وابعها بعد كده موش حاببها خالص وكانت قولت ان في نوع تانى حابب اعرف مميزاته وعيوبه السكوترBellavita 2013 300 cc وشكرا ليكم جميعا على ردكم الجميل

**JOKER_KLEN** · 02-05-2013 05:28 PM

المشاركة الأصلية كتبت بواسطة mohssenrashed

بالنسبة لل bellavita 2013 300 cc ممكن تروح tgb و اعتقد انهم عندهم واحد tesr drive جربو و شوف هترتاح فية و لا لأ و في كمان عنده tgb xmotin 300cc تحفة

ياريت يكون عندهم واحد للتجربة لانى نفسى اسوقه طيب حضرتك شوفته قبل كده تعرف ايه عنه ؟؟؟؟؟؟؟؟

**JOKER_KLEN** · 03-05-2013 08:18 PM

المشاركة الأصلية كتبت بواسطة m_abdelrahman

طبعا موضوع التغير أو لأ ده أكيد بيرجع لحضرتك ده مجرد رأي يخصني مش شرط حضرتك تطبقه.
الأسكوتر ال bellavita 300 cc أنا معرفش حاجة عنه لأن و أنا بدور كان أخري 150 cc بس لأن مشاويري مبتزدش عن 30 كيلو في اليوم و كلها في الزحمة و بالنسبالي في فئة ال 150 cc السيمفوني كويس جدا مش مجرد أسكوتر أرخص من أسكوتر من الأخر الفئة دي مش مستاهلة تكلف نفسك عشان أستعاملها خفيف و مش هيفرق معاك الفلوس الزيادة اللي هتدفعها.
و كدة كدة مظنش أصلا أن مشوار حضرتك ينفعه 150 cc فسيبك من كل الكلام ده.
بالنسبة للفئات الأكبر من ال 150 cc أنا اللي أعرفهم max sym و joyride و دول تيواني و الوكيل بتاعهم في التجمع الخامس.
و في بيجو ساتيليس.
و ربنا يوفقك في الأختيار إن شاء الله.

بجد انا موش عارف اشكر حضرتك ازازازازى وبجد حضرتك موش باخل عليه فى اى حاجة وشكرا ليك