مساعدة فى شراءاسكوتر بيجو 150 cc ممكن حد يقولى موصفاته وامكانياته لانى ما بعرفش اى حاجة فى المتوسكيلات او السكوتر ولا عمرى سوقتوه بسى حب اسوقوه فهلا من مساعد بعد اذنكم وانا فى انتظار ردكم عليه؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟
عرض للطباعة
مساعدة فى شراءاسكوتر بيجو 150 cc ممكن حد يقولى موصفاته وامكانياته لانى ما بعرفش اى حاجة فى المتوسكيلات او السكوتر ولا عمرى سوقتوه بسى حب اسوقوه فهلا من مساعد بعد اذنكم وانا فى انتظار ردكم عليه؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟
ولا واحد رد
السلام عليكم
البيجو ال 150 سي سي أهم ما يميزه التالي:
فيه 2 مساعدين ورا.
فيه مفتاح تحت الكرسي بيقطع الكهرباء عن الموتور عشان لو ركنه في الشارع أو كدة محدش يعرف يدوره.
وزنه 109 كيلو.
العداد بتاعه 120 كيلو / الساعة.
فرامل باكم ورا و قدام.
بيشيل حوالي 5 لتر بنزين.
و أسمه بيجو تويت و عامل 14000 جنيه.
و عليه ضمان سنتين.
نصيحة من واحد مجرب مادام أول مرة بلاش تشتري البيجو هات سيمفوني أس أر نفس مواصفات البيجو التويت بالحرف بس بيستورده حلاوة و كدة كدة السيمفوني صيني و البيجو بيتقفل في الصين بردو.
أنا كنت هجيبه بس جبت سيمفوني و السيمفوني عامل 9000 بس.
أكيد هتقول دي صيني و ملهاش ضمان و اخاف أجيبها هقولك متخفش كويسة جدا و قطع غيرها رخيصة و سوقها ماشي عن البيجو.
و كمان أنت أول مرة يعني هتقعد مدة تلبس مطبات و مش هتعرف تهتم بالمكنة في الأول فبدل متجيب الغالية خسارة ال 5000 الزيادة.
و متقلقش من السواقة لو بتعرف تركب عجلة هتسوق الأسكوتر في 5 دقايق بالظبط عشان مفهوش نقلات هو بنزين و فرامل بس.
بجد انا موش عارف اقولك ايه انت بجد شخصية رائعة لانك الواحيد الى رديت عليه ونصحية بجد اعتز بيها واناشاء الله هنزل اشوف السيفونى لانو نفس الشكل والاتنين كده او كده صينى زى بعض وسعره معقول عن التانى بسى سوائل تانى ومعلش ان كانت بتقل عليك مممكن تقولي موصفات التانى ايه ؟؟؟؟؟؟؟؟؟؟؟؟؟؟؟؟
تسلم يا معلم ده بس من زوقك.
موصفات السيمفوني هى هى البيجو التويت بالملي:
150 سي سي
2 مساعدين ورا
فرامل باكم ورا و قدام
مفتاح فصل الكهرباء اللي تحت الكرسي
العداد 120 كم /الساعة
الفرق الوحيد ان وزنها 120 كيلو مش 109 و أنا شايف أنها حاجة كويسة.
و بتشيل 5,5 لتر بنزين.
طيب ايه ريك فى النوع ده بسى اعله
Bellavita 2013
300 cc
تعرفه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
مع كل احترامى لردك ولزوقك فى الرد بس فى فرق شاسع بين ألأثنين اة فعلاً الأثنين تقفيل صينى بس البيجو موتور فرنسى يعنى مفيش اى وجة مقارنة اة الشكل واحد بس أهم شئ الموتور والضمان سنتين انا روحت مول العرب وشوفتة وفعلاً عاجبنى اوى فرق ال5000 مش خسارة فية واديك قولتها حتعرف تسوفة فى 5 دقائق يبقى مش حيفرق فى لبس المطبات كدا كدا البلد كل شوارعها خربنا ربنا يكملها علينا بالخير واتمنى انى اكون افدتك
فرق الموتور و الكلام ده مش هيحس بيه اللي أول مرة يركب الكلام ده بيفرق مع واحد قديم.
أنا رأيي أن اللي بيركب جديد بيقعد فترة معندوش مهارة أه بيسوق بس بغشومية حبتين و مبيبقاش عارف الأعطال و لابيبقى فاهم للمكنة حاجة و مبيعرفش يغسلها حتى فالأحسن أن الواحد يتعلم في حاجة رخيصة و بعد كدة يغير براحته و الكلام ده من تجربتي الشخصية.
و في الأخر القرار يرجع لصاحب الموضوع هو حر في أختياره و في فلوسه يارب بس هو اللي يستفيد من الكلام ده.
مع احترامى لكل الناس الى ردت عليه بسى بجد انا نفسى فى حاجة ممتازة وحكاية ان اجيب حاجة رخيصة وابعها بعد كده موش حاببها خالص وكانت قولت ان في نوع تانى حابب اعرف مميزاته وعيوبه السكوترBellavita 2013 300 cc وشكرا ليكم جميعا على ردكم الجميل
طبعا موضوع التغير أو لأ ده أكيد بيرجع لحضرتك ده مجرد رأي يخصني مش شرط حضرتك تطبقه.
الأسكوتر ال bellavita 300 cc أنا معرفش حاجة عنه لأن و أنا بدور كان أخري 150 cc بس لأن مشاويري مبتزدش عن 30 كيلو في اليوم و كلها في الزحمة و بالنسبالي في فئة ال 150 cc السيمفوني كويس جدا مش مجرد أسكوتر أرخص من أسكوتر من الأخر الفئة دي مش مستاهلة تكلف نفسك عشان أستعاملها خفيف و مش هيفرق معاك الفلوس الزيادة اللي هتدفعها.
و كدة كدة مظنش أصلا أن مشوار حضرتك ينفعه 150 cc فسيبك من كل الكلام ده.
بالنسبة للفئات الأكبر من ال 150 cc أنا اللي أعرفهم max sym و joyride و دول تيواني و الوكيل بتاعهم في التجمع الخامس.
و في بيجو ساتيليس.
و ربنا يوفقك في الأختيار أنشاء الله.