اتنصب عليا في تصليح الياريس من ورشة حسن دبوس

**mohamedkandel** · 23-04-2013 10:22 PM

اتخميت في سمعة حسن دبوس للاسف طلعت ورشته ورشة عادية جدا وشغلها علي قده
انا صلحت عنده الياريس بعد حادثة وقعدت عنده 65 يوم (واتكلفت عنده 22 الف) وقالي مفيش حد هيعرف انها رشة وكانت النتيجة عند الاستلام ان كل واحد شاف العربية طلع فيها عيوب اي حد عادي يطلعها علي سبيل المثال ( تسييل في الدهان .... القايم لم يتم استعداله بصورة كويسة به عجعجة كبيرة وغير مظبوط ..... الباب بعد ما رشوه صنايعي عنده ريح عليه طبق فيه جزء كبير ...... العتب باين فيه الرش قوي ..... حاسبني علي اكصدامات جديدة وللاسف لما روحت استلم العربية لقيت الاكصدامات بها خبطات وحكات ولما قلتله قالي وانا هحرسها يعني .... السقف مستعدل بصورة سيئة ..... وحاجات تانية يكثر فيها الكلام) .... ولما سألت علي قطع الغيار اللي مكتوبة في اول مشاركة طلع كل قطعة من قطع الغيار مسروق في تمنها زي فخدة الشاسية حاسبني علي انها ب2.5 الف وانا لقيتها ب 1.5 الف
وكمان انا وديت العربية ابورواش يوم السبت واستلمتها انبارح وصرف 4الاف وكسر وقالولي ان في مشاكل كتير في العربية وقطع غيار متركبه فيها مش مظبوطة
انا طبعا مكنش ينفع اشد مع حسن دبوس لان العربية عنده وهو وصنايعيته حاسسهم بلطجية واحنا بقينا في بلد المحترم مش هيعرف ياخد حقه (مافيش قانون) فدفعت ولكن حسبي الله ونعم الوكيل في حسن دبوس الذي نصب علي

**mohamed_e36** · 23-04-2013 10:43 PM

هوه ده العادي في مصر والصنايعي مبيدورش على مصلحتك لا بيدور على مصلحه نفسه وازاي يطلع منك القرشنات بعد كده مش مهم الشغل كويس ولا وحش اهم حاجه ان المصلحه قضيت ويبدأ يدور على غيرك ويعمله البحر طحينه............... بعد كده ابقى صلح عند حد ثقه ومتجرب وحط تحت متجرب 100 خط ودور على الصنايعي قبل ما تدور على توفير الفلوس لان الغالي تمنه فيه

**mohamedkandel** · 23-04-2013 11:03 PM

المشاركة الأصلية كتبت بواسطة mohamed_e36

هوه ده العادي في مصر والصنايعي مبيدورش على مصلحتك لا بيدور على مصلحه نفسه وازاي يطلع منك القرشنات بعد كده مش مهم الشغل كويس ولا وحش اهم حاجه ان المصلحه قضيت ويبدأ يدور على غيرك ويعمله البحر طحينه............... بعد كده ابقى صلح عند حد ثقه ومتجرب وحط تحت متجرب 100 خط ودور على الصنايعي قبل ما تدور على توفير الفلوس لان الغالي تمنه فيه

+1111111
للعلم حسن دبوس غالييييييييييييييي جدااااا بس طلع .....

**mohamed_e36** · 23-04-2013 11:53 PM

معلش ربنا يعوض عليك وفداك فلوس الدنيا ..متزعلش على حاجه واكيد اللي حصلك ده خير بس قول الحمد لله وارضى
واتأكد لو هو نصب عليك في حاجه ربنا مش هياركلو فيها وهتتردلو في صحته او اهله

**momo44** · 24-04-2013 11:35 PM

حسبى الله ونعم الوكيل فيه وفى كل اللى زيه
وان شاء الله ربنا مش هيباركله فى اى قرش خده بدون وجه حق

**amirsayed** · 25-04-2013 02:11 AM

قلبى معاك انا عارف احساسك والله
الحمد لله انها جت على قد كده

**abou-yahia** · 25-04-2013 09:06 AM

فيه غلط مننا احنا كمان

اننا بنبالغ في اضفاء هاله علي ناس متستحقش

طول عمرنا فينا الطبع ده

بنجيب اراذل الناس ونكرمهم

شوف حضرتك بنعمل ايه مع الرقصات ولعيبه الكوره

وفي الاخر بنزعل

اذا اكرمت الكريم ملكته واذا اكرمت اللئيم تمردا

**A7MED_PHARMA** · 25-04-2013 08:37 PM

مستني ايه من واحد اسمه(دبــوس)
الاشكال الوسخة دي بتخنقني لما اسمع القصص دي
علشان كده..عمري ماعملت شغل في عربيتي ..إلا لما أكون راكب فوق راس الصنايعي
انا الي بشتري قطع الغيار..وبقف معاه وهو شغال..وبتابع كل حاجة..مابسبهمش لحظة مهما كان ثقتي في الصنايعي
حتى الصنايعية في الورشة عندي..بركب فوق رقبتهم برضو..علشانمايجيش صاحب عربية يطلعغلطة هتحرق دمي قبل ماتحرق دمه

**mahmoud_anwar** · 25-04-2013 11:22 PM

انتا غلطان معلش عارف لو في صنيعي قالي انا هرشلك عربية محدش يعرف انها رشة هسيبة وامشي ليه لي انه حورتجي كبير الكويس مابيقولش انا كويس لو قولتلة ياسطا هتظبطها ومش هيبان عليها لو قالك علي قد مقدر اظبطها اعرف علي طول ان ده جي معاك سكة لكن الي يرسملك البحر طحينة اعرف انه حمار
تاني شيئ وده اكبر غلط انتا بعد ماعملت الحدثة صرفت 22 الف حرام عليك انتا صرفت غلط واتصرفت غلط ولي الاسف ال22 الف ضاعة في الهواء ولو جيت تبيع عربيتك هاتتباع معيوبة وعملة حدثة يعني كنت بعتها من الاول احسن وهيا عملة حدثة او كنت اشتريت كورسلية وتشوف انهي جزء سليم الشنطة ولا الشاسية لو الشنطة سليمة كنت اشتري شاسية وكنت تروح لحد صح يظبطهولك وكانت هتفرق معاك في البيع في ناس شغلتها قص ولزق
بس متزعلش نفسك محدش بيتعلم ببلاش