رسوم الباركينج يا استاذ

**AhMeD MeTwAlY** · 24-04-2013 12:47 AM

كنت في منطقة التجنيد النهارده عندنا في الزقازيق وروحت بعربيتي وكان معايا واحد مسافر معايا شخصيه فصيله اوي اوي واحتمال كبير بعد لما خلصت ورقي كله مسفرش بسببه
هحكلكم عليه بعدين
المهم
ركنت العربيه في الشارع الي قبل بنزين وطنيه اظن رجاله الزقازيق عارفه المكان كويس
دخلت ركنت العربيه ونزلت روحت لواحد معرفه خلصي الورقه في 10 دقائق مأختش وقت
طلعت من البوابه التانيه
برجع بدهري كنت هخبط عربيه فيرنا بسبب الشخصيه الي كانت معايا وربنا ستر
المهم طالع امشي لقيت واحد صف سنانه طاير وعنده دقن بيضه كدا وشكله معفن
باركنج يا استاذ
بصتله كدا باركنج ايه يا عم الحاج قالي رسوم الوقفه هنا
قولتله رسوم ايه صلي علي اللنبي في قلبك دي منطقه عسكريه
وقمت سايبه وماشي
طلع يجري ورايا كل شوية اقف واجريه ورايا يقرب من العربيه اطلع امشي
كنت عايز افحط في وشه بس قولت بلاش الناس الي فاتحه ازاز عربيتها زمبها ايه وخصوصا ان دا مطلع وعليه تراب يعني هنفحط لحد لما ندفن الناس دي

جبته من اول الشارع لحد اخره جري ورا العربيه
قالي لو جيت هنا تاني هكسرهالك ........ من الشباك
فلقيت الاخ الي جاي معايا يقولي اطلع من بره الزقازيق عشان معاه بلطجيه هيستنوك يكسرولك العربيه
بصتله كدا وقمت داخل الدوران الي بعد التجنيد علي طول وراجع تاني
وقولتله انا عايز راجل يطلع قدام العربيه وانا افرمه تحتها
المهم عديت من قدام التجنيد ومفيش اي حاجه حصلت
بيقولي انت عملت كدا ليه
قولتله انا لما اعمل كدا وواحد يشوفني ويعمل فيه نفس الحركه هيتلم ويبطل بلطجه علي مخليق ربنا
استنوني في الموضوع القادم مع الشخصيه الفصيله الي بتعامل معاها!

_________________

تنبيه

يرجى مرعاة اختيار الكلمات مما يتفق مع الذوق العام و طبيعة المنتدى

يرجى مراجعة قواعد المنتدى

م.ع 7

**youssef_u** · 24-04-2013 01:28 AM

كنت ارميله الاخ اللي معاك واطع اجري

**AhMeD MeTwAlY** · 24-04-2013 01:33 AM

المشاركة الأصلية كتبت بواسطة youssef_u

كنت ارميله الاخ اللي معاك واطع اجري

ههههههههههههههههههههههههه هههههههههههههههههه
تصدق دي الحاجه الوحيد الي مجتش في بالي خالص انت كدا هتخليني اخده واروح انزله هناك بكره وامشي علي طول

**محمد يوسف** · 24-04-2013 01:34 AM

............*من الشباك؟؟؟؟؟؟؟؟؟؟؟؟؟؟؟؟!!!!!! !!!!!!!!!!!!!!!!

**AhMeD MeTwAlY** · 24-04-2013 01:37 AM

المشاركة الأصلية كتبت بواسطة محمد يوسف

........* من الشباك؟؟؟؟؟؟؟؟؟؟؟؟؟؟؟؟!!!!!! !!!!!!!!!!!!!!!!

ههههههههههههههههههههه
انا عارف ان الناس هتفهم الحته دي غلط وخصوصا حضرتك مش الصوبع الي حضرتك فهمته

هوا دا عشان عنده صحه يجري ورا العربيه

**محمد يوسف** · 24-04-2013 01:41 AM

المشاركة الأصلية كتبت بواسطة ahmed metwaly

ههههههههههههههههههههه
انا عارف ان الناس هتفهم الحته دي غلط وخصوصا حضرتك مش الصوبع الي حضرتك فهمته

هوا دا عشان عنده صحه يجري ورا العربيه

يعنى ايه وخصوصا حضرتك دى؟ مش فاهم !!!

**Sehsss** · 24-04-2013 01:43 AM

تصرف إيجابي

**AhMeD MeTwAlY** · 24-04-2013 01:46 AM

المشاركة الأصلية كتبت بواسطة sehsss

تصرف إيجابي

واللهي يا باشا انا مش بحب البلطجه انا ممكن اطلع فلوس وادهاله بس لما ارجع القي عربيتي ممسوحه دا لو حتي كان نضف الازاز كنت هرضيه انما دا قاعد علي كرسي وكل عربيه طالعه من الشارع يقوله باركنج وهو بسم الله ما شاء الله مش معوق هنقول مش هيقد يشتغل انما دا يقدر يشتغل

**Mostafa.Mahran** · 24-04-2013 01:47 AM

هو انا لو اديته جنيه و اشتريت دماغى من الفيلم العربى الى حصل ده و مشيت ابقى انسان سلبى ؟

وغير كده اليومين دول الواحد بيركن العربية فى اى مكان و هو خايف يرجع ميلقيهاش و لما ربنا يستر و بلاقيها بدى الى واقف الجنيه حلاوة العربية ما هى موجودة و ساعات الواحد بيدفع فى اليوم بالخمسة جنيه