الموضوع: حادثة( نصف انسان ) **ممنوع لضعاف القلب**

المشاركة الأصلية كتبت بواسطة Chicco

بصراحة شديدة أنا مش شايف معني للهجوم على صاحبة الموضوع لمجرد أنها شاركتنا تجربة صعبة مرت بها خصوصا انها مش أول عضو يعمل تقرير عن حادثة أو ينقل خبر حادثة من جريدة أو موقع الكتروني

ه

انا فعلا مستغرب من الناس اللى حساسة قوى كدة , هو الموضوع تاليف مثلا ولا حاجة , دة وصف لحادثة حصلت , و شفتها بعينها اية المشكلة , و لو اى واحد فيكم شاف حادث , حيطلع يجرى عشان اعصابة متستحملش المنظر , منظر اية واعصاب اية , هو مبقاش فية رجالة فى البلد ولا اية , يعنى محدش حيقف عشان يشوف الحادث و يحاول يساعد على الاقل للاتصال بالاسعاف مثلا .

انتو محسسينى انكوم مشفتوش جثث قبل كدة مثلا , ما صور الجثث و التعذيب و الاشلاء بتذاع على جميع الفضئيات يوميا و محدش قال حاجة ,
و بعدين الواحد لو طلب منة مثلا انة يروح يحارب و حيشوف فى الحرب دم واصابات واشلاء للصبح , حيقول اية يا مامى مقدرش احارب المنظر بشع , ولا حيغمى علية من المنظر .
ما تشوف الاصابات و الجثث و الأشلاء شكلها اية فى فلسطين والعراق , ولا دة كمان متقدروش تشفوها , حاجة تكسف الصراحة
الوضوع واضح من الاول , ومكتوب "حادث " فى اول الموضوع , يعنى اللى اعصابة يا حرام بتتعب قوى كدة داخل يقراء لية بقى , و حتى لو قراء يعنى حيحصلة اية , لو هو من مجرد الكلام تاثر قوى كدة , فمبالك باللى حصلة الحادثة نفسة مشاعرة عملة ازى , و اد اية محتاج مساعدة فى هذا الوقت , ما تفكرو شوية يا اخونا , عشان لو حد مر بموقف مشابة على الاقل يقدر يساعد باى شكل و تكون اعصابة اقوى من كدة مش معقولة يعنى .

المشاركة الأصلية كتبت بواسطة sab3aawy

هسال سؤال بسيط يا اخى العزيز

تخيل لو ان انا وتطبيقا لرأيك ده قررت استفيد بخاصية حرية الرأى اتكلمت فى موضوع اباحى وحطيت عنوان واضح جدا من الاول لا شبهة تضليل فيه علشان اللى مش عايز يقرا ميقراش،

قد تقول ان الأمر مختلف، وانا مش شايف اختلاف كتير لأن كلا النوعين من الموضوعات يضايق شريحة لا بأس بها من الناس، فبالتالى ما لا نقبله فى النوع أ من الموضوعات لا يصح ان نقبله على النوع ب من الموضوعات الذى يشترك مع النوع أ فى نفس الخاصية التى لا نقبل الموضوع أ بسببها

موضوع اباحي يا باشمهندس سبعاوي يبقي زي الموضوع ده
خلط غير معتاد منك للأمور

نحاول نوضح الاختلاف للناس لأنك أكيد فاهم
الموضوع الاباحي محتوياته حرام شرعا و عرفا في كل المجتمعات و في الدنيا و الآخرة
أما المواضيع مثل ما نتكلم فيه فلا هو حرام شرعا و لا عرفا و لا حتي في الآخرة
آيات كثيرة من القرآن تحتوي علي العذاب و تصورة بقسوة . . . ما رأيك

أنا لا أعترض علي عدم رغبتك النفسيه في قراءه هذه المواضيع و اطالب بوضع عناوين توضح المحتوي بدون ألغاز لأي موضوع أيا كان
و لكن أعترض علي أن تطالب بمنع نوعيه من المواضيع لمجرد أنك لا تريد قراءتها

يجب أن يكون التمييز متساوي حتي نضع معادلة سليمة أما أن نقارن قدرة الحركة بقدرة التكييف الحرارية لمجرد اسم القدرة فدي مش هندسة ياباشمهنس